Filipai 3:9 - Edo Bible (E Baibol Ẹdo) Version 1996

⁹ Ne I vbe khian ne a wa kugbe ba irẹn fo. Mẹ i ghi mwẹ emwi obọ mwẹ ne I gha ya tie egbe mwẹ ọmwata, egbe ne I gha te la ekpa a ru vbene nene Uhi khare gha mwẹ, ọmwata ne I ghi khin na nian, keghi re ne a la ekpa a ya Kristi yi rhie ne ọmwa, a re ọmwata ne ọ ke obọ Osanobua rre, ne ẹyotọ ẹre re iyayi.

Filipai 3:9 ပူးပေါင်းရင်းမြစ်များ

Gẹnẹsis 7:23

Nọyaẹnmwa keghi fuẹn emwi ni ghi hiọnrọn ni rre otọ agbọn hia a, yasẹ egbe emwa nagbọn, emwirri, aranmwẹ kevbe avbe ahianmwẹ. Noa vbe iran ni lelẹe la uwe okọ ọkpa ọre a ghi sẹrae ne a ma fuan an.

I Ọba 8:46

“A deghẹ emwa ruẹn ghi rukhọ ghe ruẹ, rhunmwuda a i miẹn ọmwa ne ẹ i ru orukhọ, ighẹ ohu mu ẹẹn, u na gie obọ eghian iran ke okhunmwu ne iran, iran na viọ iran oghunmwu gha rrie otọe ẹvbo ọvbehe, vbene ọ rhirhi rrei sẹ hẹ,

II Krọnikol 32:25

Sokpan, e Hẹzekaia keghi hio sẹrriọ wẹ ọ ma sẹtin kpọnmwẹ ye ẹse ne Nọyaẹnmwa ru ne ẹẹn, e Juda kevbe Jerusalẹm keghi rrioya ye emwi na ẹsẹse.

II Krọnikol 32:31

Uhin ẹghẹ ne emwa ne a gie ke Babilọn rre na do nọ ọta vbe ekpa ogiemwi eso ne ọ sunu vbe otọe ni, Osanobua keghi gie Hẹzekaia khian vbene ọ khọn rẹn, ne ọ miẹn ehe na ghe vbene uyinmwẹ ọnrẹn ye hẹ.

Psalm 14:3

Sokpan, ehia wa bodẹ ku, urhiamwẹ ọkpa ọ re ọ gu iran hia. Ne ọ ru emwi la uro i rre uwu iran, ọkpa kẹkan i rrọ.

Psalm 143:2

Ghẹ danmwẹ imẹ ne ọguọmwadia ruẹ ghe; a i miẹn ọmwa ne ọ fo na vbe odaro ruẹ.

Psalm 19:12

A i miẹn ne ọ kha i ghẹ rẹn i gbe ẹse Nọyaẹnmwa, fan mwẹ ye otọ vbe obọ abakuru ẹkhokho!

Asan-Ibo 7:20

Orhiọnkpa i rre agbọn na ne ọ wa ru emwi ẹse khian ne ẹ i vbe mwẹ abakuru.

Aizaia 46:13

Mẹ si ẹdẹ akhọnmiotọ sikẹ otọ nẹ ẹ i ghi ra kpẹe hiehiere. Emwi i ra da akhọnmiotọ mwẹ obọ yi I gha miẹn Jerusalẹm fan, I ghi vbe rhie ọghọ gie ivbi Izrẹl vbe evba.”

Aizaia 53:11

Ọ gha ghi rrii oya nẹ vbe ẹdẹ agbọn rẹn, ọ gha vbe dọlegbe miẹn ọyẹnmwẹ ọ gha rẹn wẹ rẹn ma rrioya kua kẹkan. ọguọmwadia mwẹ ne ekhọe esi ne ẹko mwẹ rhiẹnrhiẹn ghe. Gha ye egbe miẹn oya emwa nibun, rhunmwuda ẹre, mẹ gha yabọ iran.

Aizaia 53:6

Ma hia fẹẹrẹ keghi yevbe ohuan ni wiri dọmwadẹ ọghọe kegha khian ọghọe khian. Sokpan e Nọyaẹnmwa keghi kun oya ni yan rẹn oya ne ọ te khẹ ke ima hia.

Aizaia 6:5

Mẹ keghi kha wẹẹ, “I wiri! Ọghomwẹ fo nẹ, rhunmwuda ẹmwẹ ne ọ rhirhi ke akhuarhamwunu mwẹ ladian, orukhọ nọ, uwu ẹbu emwa ne ẹmwẹ ne iran guan hia wa vbe re orukhọ ọ re I ye. Sevba, mẹ keghi ye aro mwẹ bẹghe Ọba, e Nọyaẹnmwa ne Oghodua.”

Jerimaia 23:6

Ẹghẹ ne ọ gha ya vbe ọba, ivbi e Juda gha rrọọ vbe a i mwẹ ẹbe, ivbi Izrẹl ghi vbe gha rrọọ vbe ọfumwegbe, a gha vbe gha tie ẹre, ‘E Nọyaẹnmwa ne Imiẹnfan Mwa.’

Jerimaia 33:16

A gha fan ivbi e Juda kevbe Jerusalẹm vbe irri, iran ghi gha rrọọ vbe a i mwẹ ẹbe. A gha gha tie ẹvbo ni ‘E Nọyaẹnmwa ne Ọmiọnmwafan mwa.’

Daniẹl 9:24

“Ukpo ekigbesiyenẹ vbe ihe ihinrọn ọ re Osanobua bu yọ ne ọ gha na do fannọ emwa ruẹn kevbe ẹvbo ruẹ nọhuanrẹn hin obọ orukhọ kevbe ọkhọ rre. A gha ya orukhọ bọ emwa, a ghi mu ẹmwata etẹbitẹ gbọọ, ẹghẹ nii umian nii, kevbe ẹmwẹ akhasẹ nii ghi do sẹ, a ghi do do ugie ya dọlegbe rhie Ọgua Osa ye ihe.

Matiu 9:13

Wa gualotọ emwi ne a ya ẹmwẹ ne ọ rre ebe nọhuanrẹn na kha, ‘I ma wẹ ne uwa ye aranmwẹ zọ ese ghe mwẹ, itohan ọre iho.’ I ma rre do tie avbe adazẹ vbe ẹ i re avbe ẹwobi emwa.”

Ebe ne Pọl gbẹẹn gie emwa Rom 1:17

Rhunmwuda, iyẹn ne ọ maa tae ladian nẹ vbene Osanobua ya ye ọmwa khian ọmwata vbe odaro ẹre hẹ vbe ekpa iyayi ọkpa ne ọ ke omuhẹn ya sẹ ufomwẹ, rhunmwuda, Ebe ta ẹe nẹ wẹ, “Ọmwa ne a la ekpa iyayi ya khian ọmwata vbe odaro Osanobua, ọ gha fe.”

Ebe ne Pọl gbẹẹn gie emwa Rom 10:10

Rhunmwuda ekhọe ọre ima ya yayi, a keghi dọlọ ima kugbe ba Osanobua, ma ye unu mwa tae ladian, a keghi miẹn mwa fan.

Ebe ne Pọl gbẹẹn gie emwa Rom 16:7

Wa we Andronikọs kevbe Junias do, avbe Ju ne iho mwa ne ima gba gha rre eghan, avbe ukọ wa rẹn iran ẹsẹse, iran ọre ọ vbe ka gha yayi khẹ mwẹ.

Ebe ne Pọl gbẹẹn gie emwa Rom 5:21

Erriọ vbe nọ, zẹ vbene orukhọ gha ya uwu khaemwisẹ, erriọ zẹẹ ọre ẹsọhẹ Osanobua vbe ya ẹmwata gha khaemwisẹ, ọ ghi gha su ima rrie arrọọ ẹtẹbitẹ vbekpa Jesu Kristi Nọyaẹnmwa.

Ebe ne Pọl gbẹẹn gie emwa Rom 8:1

Banbanna nian, a ma ghi bu ohiẹn gbe iran ni ye egbe ba Jesu Kristi gha rrọọ.

Ebe ne Pọl gbẹẹn gie emwa Rom 8:3

Emwi ne Uhi ma sẹtin ru, rhunmwuda ne ọmwa ma na wo vbe egbe vbe a yiẹe, Osanobua ru ẹe nẹ. Rẹn keghi bu ohiẹn gbe orukhọ ne ọ rre egbe ọmwa zẹ vbe ne a yiẹe, vbe ne ọ na gie Ovbi ẹre ne ọ mu akpa egbe ọmwa ne ọ mwẹ orukhọ yọ gha dee, ne ọ miẹn ehe na do gbe ukhu orukhọ ua.

I Kọrinti 1:30

Sokpan Osanobua ku uwa kugbe ba Kristi Jesu nẹ, Osanobua kevbe ru ẹe ne Kristi gha re ẹwaẹn ima, ekpa ẹre ọre a na ya ima khian ni mudia ẹse vbe odaro Osanobua, ma keghi khian emwa Osanobua, a na fannọ ima ye otọ.

II Kọrinti 5:17

Ọmwaikọmwa gha yegbe ba Kristi nẹ, ọmwa ọgbọn ghi nọ, emwi nẹdẹ hia rrie, emwi ọgbọn rre nẹ.

II Kọrinti 5:21

Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.

Galatia 2:16

Sevba ma rẹnrẹn wẹ, iyayi vbe uwu Kristi ọkpa ọre a sẹtin ya ya ọmwa khian ne ọ mudia ẹse vbe odaro Osanobua, ighẹ ẹ i re na na ru zẹ vbene nene Uhi kha re. Ma tobọ mwa, te ima ya Kristi Jesu yi, ne a miẹn ehe na la ekpa iyayi ne ima ya Jesu yi, ya ima khian ne ọ mudia ẹse vbe odaro Osanobua, ighẹ ẹ i re na na ru vbene nene Uhi kha re.

Diuteronomi 27:26

“ ‘Ihẹn Osanobua rre uhunmwu ọmwa ne ọ ma ya uhi Osanobua kevbe iruemwi ẹnrẹn hia ru emwi.’ “Emwa ni hia ghi kha wẹẹ, ‘Isẹ!’

Filipai 3:6

I mu aro yọ sẹrriọ wẹ I kegha khu esọsi khian. Zẹ vbene ọmwa gha sẹtin la ekpa a ru vbene nene Uhi khare khian ọmwata sẹ, I kegha re ọmwa ne ẹ i mwẹ abaku ru.

II Timoti 1:9

Ọ miẹn ima fan, ọ kevbe tie mwa ne a do gha re emwa irẹn, ẹ i re rhunmwuda emwi ne ima ru, sokpan vbe ọghe ekhọe obọ ẹre kevbe ẹsọhẹ. Ọ rhie ẹsọhẹ na ne ima nẹ, vbe uwu Kristi Jesu, ẹghẹ te do suẹn.

Taitọs 3:5

Ọ keghi miẹn ima fan. Ẹ i re rhunmwuda iwinna esi ne ima tobọ mwa winna, sokpan, rhunmwuda itohan rẹn ọre ọ na miẹn ima fan, vbe ekpa akhuẹ ne Orhiọn Ne Ọ Huanrẹn ya dọlọ mwa biẹ, ọ na vbe rhie arrọọ ọghe ọgbọn ne ima.

Hibru 6:18

Rhunmwuda ọnii khekherriọ, emwi eva na ọre ọ rrọọ ne ẹ i sẹtin fiwerriẹ, kevbe vbe ekpa ne Osanobua i na sẹtin ta ohoghe. Rhunmwuda ọnii, te ọna rhie igiẹdu ne ima ni lẹ fe ye ehe ne ọ ye nẹ, ne ima da ẹe yi gbain ighẹ idaehọ ne a rhie ima aro yi.

Jems 3:2

Ẹghẹ hia ma hia ya ba emwi ku ru. Ọmwa ne ẹ i ba ẹmwẹ ku ta, ọmwa ne ọ gbae nọ, ọ ghi vbe sẹtin gha ye egbe hia khian ẹse.

II Pita 1:1

E Saimọn Pita ne ọguọmwadia kevbe ukọ Jesu Kristi, ọre ọ gbẹn ebe na gie avbe emwa ni ne a la ekpa ẹmwata Osanobua mwa kevbe Jesu Kristi Ọmiọnmwafan mwa rhie iyayi ighobioye ne ọ vbe ye vbe ọghomwa na nẹ.

I Jọn 3:4

Ọmwaikọmwa ne ọ ru orukhọ, ọ rri abe ọ ghe wẹẹ, ọ rra uhi Osanobua. Rhunmwuda a rra uhi ọre orukhọ khin.