Filipai 3:8 - Edo Bible (E Baibol Ẹdo) Version 1996

⁸ Ẹ i re avbe emwi nii ọkpa, te I ghi ka emwi hia ye ọ rhiae rhunmwuda emwi ọvbehe ne ọ ru ighobioye sẹẹ enii, ọnii ọrọre, a rẹn Kristi Jesu Nọyaẹnmwa. Rhunmwuda ẹre, I keghi filo emwi hia kua, I keghi ka ehia ye emwi ne ẹ i mwẹ esa, ne I miẹn ehe na gha mwẹ Kristi.

Filipai 3:8 ပူးပေါင်းရင်းမြစ်များ

I Ọba 14:10

Rhunmwuda ọna, I gha gie ọkhọ rruan ruẹn I ghi gbele emọ ikpia ni rre uniẹn ruẹn hia kevbe ibiẹka kevbe eniwanrẹn. I gha ru ẹe ne ẹgbẹe ruẹ gbe ẹro, a ghi kpolo iran kua zẹ vbe isan ẹmila.

II Ọba 9:37

a gha zanzan ikun ẹnrẹn ku evba zẹ vbe isan ẹmila sẹrriọ wẹ ọmwa rhọkpa ighi rẹn ehe ne ọ khin vbe egbe!’ ”

Job 20:7

sokpan, a gha hoho ẹe kua vbe ebubẹ.

Psalm 126:6

Iran ni gha viẹ vbe iran viọ emwiokọ khian, gha dọlegbe rre vbe ihuan oghọghọ ne a so, vbe iran a gha viọ emwiorhọ die owa.

Psalm 73:25

Demwi ọvbehe ne I mwẹ vbe ẹrinmwi gberra uwẹ? Ugbẹn vbe I ghi mwẹ uwẹ nẹ, de emwi ọvbehe ne I ye ho vbe agbọn?

Aizaia 53:11

Ọ gha ghi rrii oya nẹ vbe ẹdẹ agbọn rẹn, ọ gha vbe dọlegbe miẹn ọyẹnmwẹ ọ gha rẹn wẹ rẹn ma rrioya kua kẹkan. ọguọmwadia mwẹ ne ekhọe esi ne ẹko mwẹ rhiẹnrhiẹn ghe. Gha ye egbe miẹn oya emwa nibun, rhunmwuda ẹre, mẹ gha yabọ iran.

Malakai 2:3

I gha rria ivbi uwa ikhi, i ghi ya uwa aro wiẹn isan avbe aranmwẹ ne uwa do ya zọ ese, a ghi vbe dada uwa ladian gha rrie otiku.

Nọmbas 14:30

I te yan wẹ I gha gie uwa yin otọe ni, sokpan, nian ọkpa vbe uwu uwa ne ọ gha yin ẹnrẹn ẹ ghi rrọọ gberra Kelẹb kevbe Jọsua.

Iyẹn ne ọ Maan Ọghe Luk 1:43

Vbe ọ zẹ ne emwi ne ọ kpọlọ vbe nian na sunu vbe egbe mwẹ, ne iye Nọyaẹnmwa na gha de do tuẹ mwẹ?

Iyẹn ne ọ Maan Ọghe Luk 11:20

Ugbẹn vbe a ghi miẹn nian ighe ẹtin Osanobua ọre I ya khulo avbe orhiọn esu ladian, ọnii rhie maa ighe Arriọba Osanobua hu uwa rre nẹ.

Iyẹn ne ọ Maan Ọghe Jọn 14:20

Ọ gha sẹ ẹdẹ ne ẹdẹrriọ, wa gha rẹn ighẹ mẹ rre uwu Erha mwẹ, kevbe wẹ wa vbe rre uwu imẹ zẹ vbene imẹ rre uwu uwa.

Iyẹn ne ọ Maan Ọghe Jọn 14:7

Vbene uwa ghi na rẹn mwẹ nẹ nian, wa gha vbe rẹn Erha mwẹ bare. Ke banbanna kpao nian, wa miẹn ọẹn nẹ, wa vbe rẹn ọnrẹn nẹ.”

Iyẹn ne ọ Maan Ọghe Jọn 16:3

Iran gha ru uwa avbe emwi na hia rhunmwuda iran ma he rẹn Erha mwẹ, iran ma vbe rẹn mwẹ.

Iyẹn ne ọ Maan Ọghe Jọn 17:3

Ọna ọrọre nene arrọọ ne ẹ i fo wẹ ne emwa ne agbọn rẹn ruẹn zẹ vbe Osanobua ọkpa ne ọ re ọghe ẹmwata kevbe ne iran rẹn Jesu Kristi, ọmwa ne uwẹ gie.

Iyẹn ne ọ Maan Ọghe Jọn 17:8

Rhunmwuda uhunmwu ne u gie mwẹ re, I tama iran nẹ, iran vbe miẹn rẹn nẹ, iran rẹnrẹn wẹ ọghuẹ mẹ ke gha dee vbe ẹmwata, iran vbe yayi nẹ ighẹ wẹ ọre ọ gele gie mwẹ.

Iyẹn ne ọ Maan Ọghe Jọn 20:13

Iran nọ rẹn wẹẹ, “Okhuo na, vbe u a viẹ baa?”

Iyẹn ne ọ Maan Ọghe Jọn 20:28

Tọmọs wanniẹn tama rẹn wẹẹ, “Nọyaẹnmwẹ kevbe Osanobua mwẹ!”

Iwinna 20:24

Sokpan mẹ wa ka uhunmwu mwẹ ye ne ẹ i mwẹ esa, ne I miẹn ehe na khain okhian ne ọ wa mẹ sẹ otọ, ne I vbe winnaẹn fo ighẹ iwinna ne Nọyaẹnmwa Jesu wa mẹ ne I ru, ọnii nọ wẹ ne I ya wewe Iyẹn Ne ọ maa ọghe Ẹsọhẹ Osanobua.

Ebe ne Pọl gbẹẹn gie emwa Rom 8:18

Mẹ ghe ẹre wẹ oya ne ima re ẹghẹ na ma sẹ ne a gha ya gie uyi ne a gha rhie ma mwa hiehie re.

Ebe ne Pọl gbẹẹn gie emwa Rom 8:39

Agbọn ne ọ rre odukhunmwu ra ne ọ rre ototọ, emwi ọkpa i rrọọ vbe uwu emwi ne a yi hia, ne ọ gha sẹtin wannọ ima hin ahoẹmwọmwa Osanobua ne ọre ọghe ima rre vbekpa Kristi Jesu Nọyaẹnmwa.

I Kọrinti 2:2

Rhunmwuda, te I mobọ wa yan ta ẹe ighẹ I gha rre ehe ne uwa ye, emwi ọvbehe i rrọ ne I gha yerre gberra ẹmwẹ Jesu, kpataki, ọghe uwu ne ọ wu vbe uhunmwu ugbugbe.

I Kọrinti 9:10

Ra ẹ i re ma ọre ọ kha vbe ọ ta ẹmwẹ na? A rẹnrẹn ighẹ ma ọre a rhunmwuda ẹre gbẹn ọẹn. Kevbe ne o gua, kevbe ne ọ rhọ emwiokọ, te iran ru ẹe vbe idaehọ wẹ iran gha ghae vbe emwiorhọ nii vbe a gha rhọ ẹre nẹ.

II Kọrinti 4:4

Iran ma yayi, rhunmwuda ẹbọ dan ọghe agbọn na mu ekhọe iran dee ye uwu ebiebi nẹ. Ọ ma gie iran bẹghe uwanmwẹ ne ọ wan mu iran, uwanmwẹ ne ọ ke Iyẹn Ne ọ maa vbe ekpa uyi Kristi rre, ọmwa ne ọ re ama ne a ya gie Osanobua dandaandan.

II Kọrinti 4:6

Osanobua ne ọ kha re wẹẹ, “Uwanmwẹ gha wan ke uwu ebiebi ladian,” ọre ọ vbe wan uwanmwẹ ọnrẹn ye ima ekhọe, ne ọ rhie uwanmwẹ ọghe a rẹn uyi Osanobua ne ima, zẹ vbe ne ọ wan ladian vbe ugbaro Kristi.

Galatia 1:16

Ọ ghi vbe wẹ rẹn ra rhie ovbi ẹre ma mwẹ ne I miẹn ehe na ya gha kpe orhu Iyẹn Ne ọ maa vbe ekpa ẹre ma iran ne ẹ i re Ju, I ma vbe bu ọmwa rhọkpa wẹ ne ọ bu mwẹ ude,

Ẹfisọs 4:13

Erriọ, ma hia gha koko gha die a re ọkpa vbe uwu iyayi mwa, kevbe uwu vbene ima rẹn ovbi Osanobua, ma ghi do khian ikpia ni sẹ ihe okpia, ma te do sẹ uyomwẹ uvuọnmwẹ omwa vbe ne Kristi ye.

Filipai 1:1

E Pọl kevbe Timoti, emwa ni re eguọmwadia Kristi Jesu, ọre ọ gbẹn ebe ne gie emwa Osanobua hia ni rre Filipai, iran ni ya Jesu Kristi yi, deba avbe olotu esọsi kevbe iran ni ru iyobọ.

Filipai 3:10

Emwi ne I ghi ho ọrọre ne I rẹn Kristi, ne I vbe miẹn ẹtin arhiọkpaegbe ẹre vbe egbe mwẹ, ne I ghae vbe uwu oya ne ọ re, ne I vbe do gha ye vbe irẹn vbe uwu ne ọ wu.

Filipai 3:12

I ma kha ighẹ I ru rho obọ nẹ vbe ọnọna, ra wẹ I guẹ fo nẹ, te I ye yẹn egbe ghe odaro, ne ọ miẹn ehe na sọ mwẹ obọ, ighẹ ive emwi ne Kristi Jesu ya yan mwẹ nẹ.

Filipai 3:7

Sokpan avbe emwi nii hia ne I mẹ gha te gha ka ye okpe ere, ọ rhiae ọre I ghi ka ẹe yi nian, rhunmwuda Kristi.

II Timoti 4:6

Zẹ vbe ọghomwẹ, ẹghẹ ne a ra na ya mwẹ zọ ese, sẹ nẹ nian, ẹghẹ sẹ nẹ ne I ra ya fi agbọn na ye otọ.

Hibru 3:14

Rhunmwuda, otu Kristi ma hia ye, deghẹ ma mu uhunmwu kọ ẹe gbangbaangban, ya sẹ ufomwẹ, ighẹ a mu ẹtin yan ne ima gha mwẹ vbe omuhẹn.

I Pita 2:7

Emwi kpataki ọre okuta na khin uwa ni yayi re, sokpan ne iran ni ma yayi: “Okuta ne iran ni bọ owa he ighẹ ẹ i ma dọlegbe do khian ne ọ ghi ma sẹ ehia.”

II Pita 1:2

Ẹsọhẹ kevbe ọfumwegbe ne ọ vuọn sẹ omwa, ne ogha re ọ ghe uwa vbe ekpa urẹnmwẹ ne uwa rẹn Osanobua kevbe Jesu ne Nọyaẹnmwa.

II Pita 1:3

Ẹtin ne ọ huanrẹn ọghọe viọ emwi hia ne ima ho ne ima nẹ, ne a ya lo ẹdẹ agbọn mwa vbe ne ọ khọ ọghe Osanobua, vbe ekpa ne ima na rẹn ọmwa ne ọ tie mwa, ne ima do ghae vbe uwu uyi kevbe umamwẹ ọghọe.

II Pita 1:8

Enena ọrọre emwi ne a gie ọmwa mu ne ọ khẹ ke uwa, a deghẹ wa vbe mwẹ ọnrẹn bun sẹ, ọ gha ya uwa khian ne ọ sẹtin fian emwi gbua, kevbe ne egbe sasa vbe uwu vbene uwa rẹn Nọyaẹnmwa Jesu Kristi hẹ.

II Pita 3:18

Sokpan, wa gha wan yọ vbe uwu ẹsọhẹ kevbe irẹnmwi Nọyaẹnmwa kevbe Ọmiọnmwafan mwa Jesu Kristi. Ọghọe ọre uyi gha khin, banbanna kevbe ẹdẹdẹmwẹdẹ. Isẹ.

I Jọn 1:3

Emwi ne aro mwa sẹe, kevbe ne ehọ mwa họẹn, ọre ima vbe tama uwa ne uwa miẹn ehe na ya egbe ba mwa vbe uwu ne ima na gu Evbavba mu obọ kevbe Ovbi ẹre ighẹ Jesu Kristi.

I Jọn 2:19

Vbe ẹmwata, ẹ i re otu ima iran na ye o, ọ ni ọ si ẹe ne iran na kpao sẹ ima rae, akpawẹ otu ima iran ye, te iran gha gu ima tota. Sokpan iran kpao sẹ mwa rae, ne aro miẹn ehe na dae wẹ, ẹ i re otu mwa iran ye.

I Jọn 5:20

Ma rẹnrẹn wẹ Ovbi Osanobua rre nẹ, ọ keghi vbe rhie irẹnmwi ne ima sẹrriọ wẹ, te ima ghi rẹn Osanobua ẹmwata, uwu Osanobua ẹmwata ọre ẹdẹ agbọn ima ye, vbe uwu Jesu Kristi ne Ovbi ẹre. Ọna ọrọre Osanobua ẹmwata, ọna ọ vbe re ẹfe ne ẹ i fo.