Filipai 3:6 - Edo Bible (E Baibol Ẹdo) Version 1996

⁶ I mu aro yọ sẹrriọ wẹ I kegha khu esọsi khian. Zẹ vbene ọmwa gha sẹtin la ekpa a ru vbene nene Uhi khare khian ọmwata sẹ, I kegha re ọmwa ne ẹ i mwẹ abaku ru.

Filipai 3:6 ပူးပေါင်းရင်းမြစ်များ

II Samuẹl 21:2

(Ivbi e Gibiọn i re ivbi Izrẹl, ibozẹghẹ vbe ivbi Izrẹl yan ma iran ighẹ iran gha tan ifuẹn ga iran, sokpan, e Sọl keghi te gha hia ne ọ wa fuẹn iran a rhunmwuda orhikhan kevbe ohawa ne ọ ye ba ẹmwẹ ivbi Izrẹl kevbe Juda.)

II Ọba 10:16

Ọ tama rẹn wẹẹ, “Lele mwẹ gha dee ne u do tobọọ ye aro miẹn ọẹn vbene I ga e Nọyaẹnmwa hẹ.” Iran keghi gba hin gha rrie Sameria.

Asan-Ibo 7:16

Rhunmwuda ọnii, ghẹ gha re ọmwa ne ọ maa gbe ra ne ọ wan gbe. Vbọzẹ ne u gha na gbe egbe uẹ ua yi.

Levitikọs 13:16

Sokpan ẹtẹ nii gha rrie, ọ na do dọlegbe gha fuọfua, ọmwa nii ghi bu ohẹn gha khian.

Matiu 23:25

“U miẹn agbọn ne uwa ye enimaemwa Uhi kevbe Farisi ayunukpaegbe! Wa ghi kpe iyeke ukpu kevbe ọkpan uwa huan, vberriọ emwi ne uwa ye iwo vbe egbe aro kevbe arovbẹmwẹ miẹn emwa re ọre ọ vuọn uwa ẹre.

Matiu 5:20

Ne I tama uwa, deghẹ ẹ i re te uyinmwẹ ẹmwata ọwua maa sẹ ọghe avbe ni ma emwa Uhi kevbe Farisi, wa i sẹtin la Arriọba ẹrinmwi.

Iyẹn ne ọ Maan Ọghe Luk 1:6

Iran eva kegha yin ẹse vbe odaro Osanobua. Iran kegha ye iyi ke ilele Osanobua hia ru emwi.

Iwinna 21:20

Iran ghi danmwehọ ẹre nẹ, iran keghi rho Osanobua vbe uyi. Iyeke ọnii, iran keghi tama Pọl wẹẹ, “Ọtẹn mwa, wẹ tobọ miẹn vbene emwi hia ye hẹ. Arriaisẹn arriaisẹn ọre emwa e Ju ni he yayi wa khin, deba ẹre, te iran wa he gba Uhi mu obọ gbangbaangban.

Iwinna 22:5

Ogie Ohẹn kevbe iran ne emwa iko gha rẹn ighẹ ẹmwata ọre I ta. Iran ọre I miẹn ẹre ebe ne a rhie gie avbe Ju ne etẹn mwa ni rre Damaskọs, ọre I na gha khian ne I ya munọ emwa na, ne I ya eghan gbalọ iran hẹ gha die Jerusalẹm ne a do rri iran oya.

Iwinna 26:5

Iran wa rẹn, deghẹ iran ho ne iran sẹ osẹe, wẹ ke omuhẹn gha dee otu ne ọ mu ẹmwẹ ugamwẹ mwa yan uhunmwu sẹ, ne a tie ẹre Farisi, ọre I ye.

Iwinna 8:3

Sokpan e Sọl kegha hia ne ọ wa fuẹn esọsi rua fẹẹrẹ, ọ na gha ke owa ọkpa la ọvbehe, ọ na gha munọ emwa ni yayi hia ikpia kevbe ikhuo, ọ na gha hẹ iran ku ẹwẹdọ.

Ebe ne Pọl gbẹẹn gie emwa Rom 7:9

Mẹ tobọ mwẹ ka gha rre agbọn yi vbe ne uhi i na rre evba, sokpan, a ghi yi uhi nẹ nian, orukhọ keghi rhiọrre, mẹ na ghi wu.

I Kọrinti 10:32

Gha yin vbene a gha na miẹn wẹ u ma hẹ vba avbe Ju ra iran ne ẹ i re Ju ra esọsi Osanobua.

I Kọrinti 15:9

Rhunmwuda mẹ ọre ọ ghi re ne ọ kanmwa sẹ vbe uwu avbe ukọ hia, sẹrriọ wẹẹ, ọ ma te khẹke ne a gha tie mwẹ ukọ, rhunmwuda, te imẹ gha zẹ esọsi Osanobua kpokpo.

Filipai 2:15

Ne uwa sẹtin gha re ne ẹ i mwẹ abe kevbe ne ọ huanrẹn, zẹ vbe ivbi Osanobua ne ọ gba na fo vbe agbọn ọ kẹkẹe kevbe ẹwobi emwa na. Wa gha fi wainwain vbe uwu ẹbu iran zẹ vbe orhọnmwẹ ne ọ rhie uwanmwẹ ne iso, zẹ vbene uwa na ta ẹmwẹ arrọọ ma iran.

Filipai 3:9

Ne I vbe khian ne a wa kugbe ba irẹn fo. Mẹ i ghi mwẹ emwi obọ mwẹ ne I gha ya tie egbe mwẹ ọmwata, egbe ne I gha te la ekpa a ru vbene nene Uhi khare gha mwẹ, ọmwata ne I ghi khin na nian, keghi re ne a la ekpa a ya Kristi yi rhie ne ọmwa, a re ọmwata ne ọ ke obọ Osanobua rre, ne ẹyotọ ẹre re iyayi.

I Timoti 1:13

Egbe ne a rhe ya miẹn wẹ, vbe ẹghẹ ne ọ gberra, te I gha ye ukpẹ sakan ẹn, I zẹ ọe kpokpo, I na vbe gha filo unu gi ẹe. Sokpan Osanobua tohan mwẹ, rhunmwuda wẹ, ne i ma na yayi ni, I ma rẹn emwi ne I gha ru.

Giọgis 6:30

Iran keghi tama Joas wẹẹ, “Rhie ovbi uẹ ladian ne ima gbe ẹe rua. Ọ dunmwu aka e Bal sotọ, ọ na vbe bun ukhurhẹ Asiẹrra ne ọ diake ẹe rua.”