Filipai 3:3 - Edo Bible (E Baibol Ẹdo) Version 1996

³ Rhunmwuda, mẹ nọ, ẹ i re iran ọ re a rhie arhuẹ ẹmwata na, rhunmwuda, Orhiọn ọre ima ya ga Osanobua, ma ghi vbe gha ghọghọ ye agbọn ne ima ye vbe uwu Kristi Jesu. Ma i mu ẹtin yan emwi iruemwi ọghe ore egbe.

Filipai 3:3 ပူးပေါင်းရင်းမြစ်များ

Psalm 105:3

Wa gha ghọghọ wẹ ọghọe ma khin, wa gie emwa ni ga ẹe hia gha ghọghọ.

Aizaia 45:25

Mẹ ne Nọyaẹnmwa, gha fannọ ivbi uniẹn e Jekọb werriegbe iran gha vbe rhie urhomwẹ mẹ.

Jerimaia 4:4

Wa ya ile ne uwa gu imẹ ne Nọyaẹnmwa uwa ta gha ru emwi, ne uwa ye egbe uwa fiohan mẹ, wa ne ivbi e Juda kevbe ivbi e Jerusalẹm. Adeghẹ wa ma ru vberriọ, ohu mwẹ gha vẹn zẹ vbe erhẹn rhunmwuda emwi dan hia ne uwa he ru. Ọ gha vẹn, orhunmwu ọkpa ne ọ gha dọ ẹre yọ irrọọ.”

Malakai 1:11

Ke ehe ne agbọn sẹe vbe obọ na ya sẹ ehe ne ọ sẹe vbe obọ nọkpa, te emwa hia ya ọghọ mẹ. Ehe hia iran na giẹn eturari mẹ, iran ghi vbe gha zọ ese ne ọ gia rhan obọ miẹn. Te iran hia wa rhie ọghọ mẹ.

Ebe ne Pọl gbẹẹn gie emwa Rom 1:9

Osanobua ne imẹ ya ekhọe mwẹ hia ga vbe uwu ne I na ya ekhọe mwẹ hia kpe orhu Iyẹn Ne ọ maa rẹnrẹn ighẹ ẹghẹ ne I ya na erhunmwu hia ọre I ya ye uwa rre.

Ebe ne Pọl gbẹẹn gie emwa Rom 15:17

Vbe ne I na yevbe rrọ ba Jesu. I sẹtin wa ya iwinna mwẹ ne I winna ne Osanobua gha rhuẹ.

Ebe ne Pọl gbẹẹn gie emwa Rom 7:6

Vbene ọ rhirhi gha ye hẹ, vbe banbanna nian, ma i ghi rre obọ nene Uhi, rhunmwuda, ma wulo hin emwi ne ọ te ka munọ ima zẹ vbe oghunmwu yi, rre nẹ. ma i ghi lele oba uhi nẹdẹ ne a gbẹnnẹ ye otọ ru emwi, sokpan, ọ ghe odẹ ọgbọn ne Orhiọn khare.

Ebe ne Pọl gbẹẹn gie emwa Rom 8:15

Rhunmwuda Orhiọn ne Osanobua rhie ne uwa, ma ya uwa khian ọviẹn, ne ọ gha ya uwa gha fian afianma, sokpan, te Orhiọn ni ya uwa khian ivbi Osanobua, vbe ekpa ẹtin nene Orhiọn ne a gha da tie Osanobua wẹẹ, “Evbavba! Erha mwẹ!”

Ebe ne Pọl gbẹẹn gie emwa Rom 8:39

Agbọn ne ọ rre odukhunmwu ra ne ọ rre ototọ, emwi ọkpa i rrọọ vbe uwu emwi ne a yi hia, ne ọ gha sẹtin wannọ ima hin ahoẹmwọmwa Osanobua ne ọre ọghe ima rre vbekpa Kristi Jesu Nọyaẹnmwa.

Ebe ne Pọl gbẹẹn gie emwa Rom 9:6

Ẹ i re te I khare ighẹ emwi ne Osanobua ve firaa nẹ, rhunmwuda ẹ i re ivbi Izrẹl hia ọre ọ wa re emwa ne Osanobua hannọ zẹ.

II Kọrinti 11:18

Sokpan vbene a ghi na miẹn wẹ, emwa ni ye ẹmwẹ emwa ne agbọn na kẹkan rhuọ bun sẹ vberriọ, mẹ gha vbe rhuọ.

Galatia 5:25

Nene Orhiọn rhie a rrọọ ne ima nẹ, rẹn ọre ọ ghi vbe mwẹ ọdakha yan ẹdẹ agbọn mwa.

Galatia 6:16

Iran ne ọ ya ọna ru emwi vbe ẹdẹ agbọn iran, ọfumwegbe kevbe itohan, ọre ọ gha gu iran rrọọ, iran kevbe emwa Osanobua hia.

Ẹfisọs 6:18

Erhunmwu ọre u gha ya ru emwi na hia, u ghi rinmwian wẹ ne Osanobua yi uẹ obọ. Gha na erhunmwu vbe ẹghẹ hia, zẹ vbene nene Orhiọn rhie yi uẹ ekhọe. Rhunmwuda ọnọna, rhie vbẹẹ, ghẹ zẹ obọ vbọ, gha na erhunmwu ne emwa Osanobua vbe ẹghẹ hia.

Diuteronomi 10:16

Rhunmwuda onii nian, wa gha họn ẹmwẹ ne Nọyaẹnmwa, wa dobọ iyienhọ yi.

Diuteronomi 30:6

E Nọyaẹnmwa Osanobua rua gha rhie ekhọe ne ọ họn ẹmwẹ ne uwa kevbe avbe ivbi uwa, wa ghi ya ekhọe uwa hia kevbe orhiọn uwa hia ho ẹmwẹ ọnrẹn wa ghi vbe gha yin otọe nii khian.

Filipai 1:1

E Pọl kevbe Timoti, emwa ni re eguọmwadia Kristi Jesu, ọre ọ gbẹn ebe ne gie emwa Osanobua hia ni rre Filipai, iran ni ya Jesu Kristi yi, deba avbe olotu esọsi kevbe iran ni ru iyobọ.

Filipai 3:12

I ma kha ighẹ I ru rho obọ nẹ vbe ọnọna, ra wẹ I guẹ fo nẹ, te I ye yẹn egbe ghe odaro, ne ọ miẹn ehe na sọ mwẹ obọ, ighẹ ive emwi ne Kristi Jesu ya yan mwẹ nẹ.

Filipai 3:14

Rhunmwuda ọnii, I ghi wa rhulẹ ọwara gha rrie ehe ne a mwa yọ, ne a miẹn ehe na gba ẹkan yọ mwẹ ohọ, ọnii nọ wẹ, utiemwẹ ne Osanobua la ekpa Kristi Jesu tie ọmwa ye agbọn ne ọ rre odukhunmwu.

Kọlose 2:11

Wa ghi ya egbe ba irẹn nẹ, wa keghi do khian emwa ne a rhuẹ re, ẹ i re egbe a rhuẹ ne emwa ne agbọn ya obọ ru, sokpan arhuẹ ọghe Kristi tobọ ẹre ne ọre a rhan ọmwa vbe irri hin obọ egbe orukhọ na rre.

Ebe ne Jud gbẹẹn 1:20

Sokpan zẹ vbe ọghe uwa, wa ne ọse mwẹ, wa gha wo ye egbe vbe emwi iyayi uwa ne ọ huan sẹ. Wa gha na erhunmwu vbe ẹtin Orhiọn Ne Ọ Huanrẹn.