Filipai 3:16 - Edo Bible (E Baibol Ẹdo) Version 1996

¹⁶ Vbene ọnii a rhirhi gha ye hẹ, wa gie ima rhie owẹ lele ukpowẹ ne ima la de usin do sẹ wanwan na.

Filipai 3:16 ပူးပေါင်းရင်းမြစ်များ

Ebe ne Pọl gbẹẹn gie emwa Rom 12:16

Gha ya obọ ọkpa mu emwa hia, ghẹ gha tọn egbe mu, gha rhan obọ miẹn iwinna ne ọ ma te khẹke ukpo ne u ye. Wa ghẹ gha ka egbe uwa ye umẹwaẹn.

Ebe ne Pọl gbẹẹn gie emwa Rom 15:5

Ne Osanobua, obọ ọmwa ne i ziengbe kevbe a rhie ẹtin ye ọmwa iwu ke rre, gie uwa sẹtin gha zẹ iro kugbe, vbe emwi ne uwa ru, vbe ekpa ne uwa gha na gha lele igiemwi Jesu.

Galatia 5:7

Wa te wa gha gbe ẹse. Gha ọ ghi da uwa obọ emwi ẹmwata ne uwa te ru yi yi? Vbe ọ ya sẹtin ya uwa ru ẹe hẹ yi?

Galatia 6:16

Iran ne ọ ya ọna ru emwi vbe ẹdẹ agbọn iran, ọfumwegbe kevbe itohan, ọre ọ gha gu iran rrọọ, iran kevbe emwa Osanobua hia.

Filipai 1:27

Banbanna nian, emwi ne a mobọ kha ọrọre ne uyinmwẹ uwa gha re vbene iyẹn ne ọ maa ho ne ọ gha ye, vbene a gha na miẹn wẹ, te I ghi sẹtin rre do miẹn uwa ra I ma sẹtin rre, I ghi gha họn wẹ, wa mudia vbene ekhọe uwa na kugbe vbe ọghe emwi ne uwa ru, wa ghi ku obọ gbe gha gbinna khian ne iyayi, kevbe iyẹn ne ọ maa.

Filipai 2:2

I ya tua uwa khekherriọ wẹ ne uwa ya ẹko mwẹ rhiẹnrhiẹn fo, vbe ekpa ne uwa gha na gha mwẹ ekhọe ọkpa, wa gba gha ho ẹmwẹ egbe, ne uwa vbe gha re ọkpa vbe orhiọn kevbe ekhọe.

Filipai 4:2

Yuodia kevbe Sintike, wa lahọ, I rinmwian uwa ne uwa dọlọ kugbe zẹ vbe etẹn ne ikhuo vbe uwu Nọyaẹnmwa.

Kọlose 2:6

Vbene uwa ghi na rhan obọ miẹn Kristi Jesu nẹ nian zẹ vbe Nọyaẹnmwa, wa ku ẹdẹ agbọn uwa gbe ba ọghọe.

Kọlose 4:2

Wa mu aro ye erhunmwu ne a na, wa sikhua vbe uwa a gha na erhunmwu, ne uwa gha kpọnmwẹ Osanobua.

Arhie Maan 3:3

Rhunmwuda ọnii, ye emwi ne a ma ruẹn re rre, kevbe vbene uwẹ họẹn hẹ, ya ẹe gha ru emwi, ne u fiwerriẹ hin orukhọ ruẹ rre. A deghẹ u ma rhiọrre, I gha fan rhuẹ zẹ vbe oyi, u i ra vbe rẹn ẹghẹ ne I gha ya rre.