Filipai 3:12 - Edo Bible (E Baibol Ẹdo) Version 1996

¹² I ma kha ighẹ I ru rho obọ nẹ vbe ọnọna, ra wẹ I guẹ fo nẹ, te I ye yẹn egbe ghe odaro, ne ọ miẹn ehe na sọ mwẹ obọ, ighẹ ive emwi ne Kristi Jesu ya yan mwẹ nẹ.

Filipai 3:12 ပူးပေါင်းရင်းမြစ်များ

Job 17:9

Iran ni khare wẹ adazẹ iran khin, wa dọlegbe rhie ye ekhọe wẹ iran rri asẹ.

Psalm 119:5

Vbọrrọ akpawẹ ekhọe mwẹ gha sẹtin mu ẹẹn sẹ, ne I wa gha ruẹe zẹ vbe ne u ru igiodẹ ọre.

Psalm 138:8

U gha ru vbene u yanrẹn hia, e Nọyaẹnmwa, etẹbitẹ ọ re ahoẹmwọmwa ruẹn khin, winna iwinna ne u suẹn nẹ fo.

Psalm 42:1

Vbene ẹrhuẹ yan gualọ ẹzẹ amẹ ne ọ furre, erriọ ekhọe mwẹ yan gualọ ọ Osanobua.

Psalm 63:8

I sikan mu uwẹ obọ ruẹ keghi rhie mwẹ lẹre vbe a i mwẹ ẹbe.

Psalm 84:2

Ghe vbene ọ khọn mwẹ hẹ ne I gha rre evba, Ọ khọn mwẹ ẹsẹse, ne I gha rre Ọgua Osa e Nọyaẹnmwa. Ekhọe mwẹ hia ọ re I ya so ihuan oghọghọ ghe Osanobua ne ọ rrọọ.

Psalm 94:15

A gha ye miẹn ẹmwata vbe uwu iko ibuohiẹn, emwa ẹmwata hia gha wa ya egbe ba ẹre.

Itan 4:18

Odẹ ne ọmwa esi la khian, te ọ yevbe ovẹn nẹ o da yan rre, uwanmwẹ ọnrẹn ghi gha mu otọe yọ rhinrin ọ te do sẹ ẹghẹ ogiavan.

Aizaia 51:1

E Nọyaẹnmwa khare wẹẹ, “Wa danmwehọ mwẹ, wa ni ho ne a miẹn uwa fan, wa ni do nọ iyobọ vbe obọ mwẹ, wa roro ẹmwẹ okuta nọkhua ne uwa ke ladian. Ehe ne a na fian okuta ne a ke fian uwa ladian.

Hozia 6:3

Wa gie ima ziga ne a rẹn e Nọyaẹnmwa. Vbe ne a i na gbe awẹawẹ, ọ gha bu ima rre zẹ vbe ne ẹ i mwẹ ẹdẹ ma gbe, zẹ vbene ẹ i mwẹ amẹ orhọ ma rhọ ye otọ.”

Matiu 5:48

Wa gha re emwa ne uyinmwẹ ọnrẹn gbae, zẹẹ vbene Erha uwa ne ọ rre ẹrinmwi vbe re ne uyinmwẹ ọnrẹn gbae.”

Iwinna 9:15

Nọyaẹnmwa tama rẹn wẹẹ, “Gha khian rhunmwuda mẹ zẹ ọe nẹ ne ọ gha re ọguọmwadia mwẹ, ne ọ ya eni mwẹ khian ne a rẹnrẹn ne avbe iran ne ẹ i re Ju kevbe avbe ọba kevbe emwa Izrẹl.

Ebe ne Pọl gbẹẹn gie emwa Rom 8:39

Agbọn ne ọ rre odukhunmwu ra ne ọ rre ototọ, emwi ọkpa i rrọọ vbe uwu emwi ne a yi hia, ne ọ gha sẹtin wannọ ima hin ahoẹmwọmwa Osanobua ne ọre ọghe ima rre vbekpa Kristi Jesu Nọyaẹnmwa.

I Kọrinti 13:10

Sokpan, emwi ohoho ne ọ gbae gha ghi rre, a ghi ho ne ọ re ukhiọnmwẹ bẹkun.

I Kọrinti 13:12

Emwi ne ima ghe ama rẹn vbirrivbirri zẹ vbe uwu ughegbe na, ẹghẹ nii, a gha bẹghe ehia vbe ghe aro mwẹ ghe aro uẹ. Emwi ne I rẹnrẹn nian, ukhiọnmwẹ nọ, ẹghẹ nii, I gha rẹn ọnrẹn fo zẹ vbe ne Osanobua rẹn mwẹ fo.

I Kọrinti 9:24

Wa rẹnrẹn wẹ vbe ulẹ ne a na suan, emwa ni rre ulẹ nii hia ọre ọ rhie ulẹ, sokpan, arhin ọkpa kẹkan ọre ọ miẹn igho ọmẹguae ne ọ rrọọ. Rhunmwuda ọnii, wa rhulẹ vbene igho ọmẹguae gha na sẹ uwa obọ.

II Kọrinti 13:9

Te ima ghọghọ vbe a gha miẹn wẹ, wa wo vbe egbe vbe ima ma wo vbe egbe. Erriọ ọre ima vbe na erhunmwu ẹnrẹn wẹ, ne uwa do gha re ne ọ gba na.

II Kọrinti 7:1

Emwi na hia ọre a ve ima ẹre, wa ne ọse mwẹ ni ghan. Rhunmwuda ọnii, wa gie ima khuẹ egbe mwa huan hin emwi ne ọ sẹtin ye egbe ra orhiọn khian ne ọ ma huan, wa gie ima hia ne ima gha re ne ọ huanrẹn fẹẹrẹ, vbe ekpa ne ima gha na gha rrọọ vbe a mu ohan Osanobua.

Galatia 5:17

Rhunmwuda emwi ne ikinnegbe mwa ho, wa lihan ne emwi ne Orhiọn Ne Ọ Huanrẹn ho. Emwi ne Orhiọn Ne Ọ Huanrẹn ho, vbe lihan ne emwi ne ikinnegbe ho, oghian egbe ọre iran eva khin, ọnii rhie maa wẹ, wẹ i sẹtin ru emwi ne ọ rre uẹ ekhọe.

Ẹfisọs 1:4

Vbe a te do yi agbọn, Osanobua hannọ ima zẹ nẹ ne ima gha re ọghe ẹe vbe uwu Kristi, ne ima sẹtin gha re ne ọ huanrẹn kevbe ne ẹ i mwẹ abe vbe odaro ẹre. Rhunmwuda aho ẹmwẹ ọmwa rẹn.

Ẹfisọs 4:12

Te ọ ru ọna ne ọ miẹn ehe na mu emwa Osanobua egbe ye otọ ye iwinna ugamwẹ enọya Kristi yi, ne a miẹn ehe na de ẹre igie ighẹ ikinnegbe Kristi.

Filipai 1:1

E Pọl kevbe Timoti, emwa ni re eguọmwadia Kristi Jesu, ọre ọ gbẹn ebe ne gie emwa Osanobua hia ni rre Filipai, iran ni ya Jesu Kristi yi, deba avbe olotu esọsi kevbe iran ni ru iyobọ.

Filipai 3:16

Vbene ọnii a rhirhi gha ye hẹ, wa gie ima rhie owẹ lele ukpowẹ ne ima la de usin do sẹ wanwan na.

Filipai 3:3

Rhunmwuda, mẹ nọ, ẹ i re iran ọ re a rhie arhuẹ ẹmwata na, rhunmwuda, Orhiọn ọre ima ya ga Osanobua, ma ghi vbe gha ghọghọ ye agbọn ne ima ye vbe uwu Kristi Jesu. Ma i mu ẹtin yan emwi iruemwi ọghe ore egbe.

Filipai 3:8

Ẹ i re avbe emwi nii ọkpa, te I ghi ka emwi hia ye ọ rhiae rhunmwuda emwi ọvbehe ne ọ ru ighobioye sẹẹ enii, ọnii ọrọre, a rẹn Kristi Jesu Nọyaẹnmwa. Rhunmwuda ẹre, I keghi filo emwi hia kua, I keghi ka ehia ye emwi ne ẹ i mwẹ esa, ne I miẹn ehe na gha mwẹ Kristi.

I Tẹsalonaika 5:15

Wa ghẹ ye ọkhọ ha osa ọkhọ, sokpan wa gha ru egbe emwi esi, wa ghi vbe gha ru emwa hia ẹse vbe ẹghẹ hia.

II Tẹsalonaika 2:13

Ẹ i mwẹ ma ma gha kpọnmwẹ Osanobua ne uwa vbe ẹghẹ hia, etẹn mwẹ, wa ne Nọyaẹnmwa ho ẹmwẹ ọnrẹn. Rhunmwuda, te Osanobua hannọ uwa zẹ, zẹ vbe emwa ne okaro ne a gha ya ẹtin nene Orhiọn miẹnfan, ne a miẹn ehe na ya uwa khian emwa ni re ọghe Osanobua tobọ ẹre, kevbe rhunmwuda iyayi ne uwa mwẹ ye ẹmwata.

I Timoti 5:10

A ghi vbe gha so eni ẹnrẹn ẹse ye uyinmwẹ ne ọ maa, okhuo nọ koko ivbi ẹre ẹse, ne ọ miẹn avbe orhunmwuyẹn yi vbe owa ẹre, ne ọ vbe kpe emwa Osanobua owẹ, ne ọ vbe ye iran ni rre uwu ọlọghọmwa obọ, ne ọ vbe rhie egbe ye ne ọ gha winna iwinna ni maa hia.

I Timoti 6:19

Odẹ vbenian ọre iran gha na si koko ne egbe iran, emwi ewe ne ọ gha re ẹyotọ ne ọ deziẹn, ne iran ẹdẹ ne akhuẹ. Ẹghẹ nii, iran gha sẹtin khọn miẹn arrọọ ọghe ẹmwata.

Hibru 12:14

Hia ne u gu emwa hia gha rrọọ vbe ọfumwegbe, kevbe ne u vbe yin uyinmwẹ, ne ọ huanrẹn, rhunmwuda vbe ne ọnii i na rrọọ, orhiọnkpa ne ọ gha sẹtin miẹn Nọyaẹnmwa aro, ẹ i rrọọ.

Hibru 12:23

Wa kegha die uwu ẹbu oghọghọ ivbi Osanobua nii, ke aro emwa ne a gbẹnnẹ eni iran ye otọ vbe ẹrinmwi. Wa keghi hu Osanobua ne ọre ne ọ bu ohiẹn emwa hia gha dee ke ẹe kevbe orhiọn avbe emwa ẹmwata ne a ya khian ne ọ fo na.

Hibru 13:21

Osanobua ọfumwegbe ne ọ viọ emwi ni maa hia ne uwa ho ne uwa, vbe ne uwa gha na sẹtin ru vbene irẹn ho, kevbe ne ọ vbe la ekpa Jesu Kristi ru emwi ne ọ yẹ ọre vbe uwu ima. Jesu Kristi ọre uyi gha rrọọ na ẹdẹ kevbe ẹdẹdẹmwẹdẹ! Isẹ.

Jems 3:2

Ẹghẹ hia ma hia ya ba emwi ku ru. Ọmwa ne ẹ i ba ẹmwẹ ku ta, ọmwa ne ọ gbae nọ, ọ ghi vbe sẹtin gha ye egbe hia khian ẹse.

I Pita 5:10

Sokpan, u ghẹ ghi rri oya la ẹghẹ eso vberriọ nẹ, Osanobua ẹsọhẹ hia, ọmwa ne ọ tie ruẹ ne u do ghae vbe uyi etẹbitẹ ọghọe, vbe uwu a yegbe ba Kristi, gha tobọ ẹre ya uwẹ khian ne ọ gbae, ọ ghi rhie a mudia gbain nuẹn, ẹtin kevbe ẹyotọ ne ọ de ziẹn.

II Pita 3:18

Sokpan, wa gha wan yọ vbe uwu ẹsọhẹ kevbe irẹnmwi Nọyaẹnmwa kevbe Ọmiọnmwafan mwa Jesu Kristi. Ọghọe ọre uyi gha khin, banbanna kevbe ẹdẹdẹmwẹdẹ. Isẹ.