Filipai 3:11 - Edo Bible (E Baibol Ẹdo) Version 1996

¹¹ Vbe idaehọ wẹ, a gha vbe huẹn mẹ tobọ mwẹ kpao vbe uwu, la a rrọọ.

Filipai 3:11 ပူးပေါင်းရင်းမြစ်များ

Psalm 49:7

Ọmwa ọkpa ne ọ gha sẹtin dẹ egbe ẹre werriegbe i rrọọ. Ẹ i sẹtin ha osa ive orhiọn rẹn werriegbe ne Osanobua.

Iyẹn ne ọ Maan Ọghe Luk 14:14

a gha fiangbuẹ, rhunmwuda iran i sẹtin ha ruẹ use. Osanobua gha ha ruẹ osa vbe ẹghẹ ne a gha na huẹn avbe emwata kpaegbe vbe idin.”

Iyẹn ne ọ Maan Ọghe Jọn 11:24

Rẹn keghi wanniẹn wẹẹ, “Mẹ rẹnrẹn ighe ọ gha rhiọkpaegbe vbe ẹdẹ okiekie.”

Iwinna 23:6

Ugbẹn vbe Pọl ghi miẹn wẹ eso vbe uwu emwa ni rre evba re Sadusi, eso vbọ keghi vbe re Farisi, ọ davan vbe adesẹ iko ni wẹẹ, “Etẹn mwẹ, e Farisi ọre I mẹ khin, ovbi Farisi ọre I khin. Emwi ne a gu bu ohiẹn mwẹ na ọrọre wẹ mẹ mwẹ idaehọ wẹ a gha huẹn avbe ni wulo kpaegbe.”

Iwinna 26:7

Nene emwi ne a ve ne ẹwae iweva ọghe emwa ima rhie aro yi ighẹ ogha sẹ iran obọ vbe uwu ne iran na ga Osanobua asọn kevbe avan. Emwi ne a rhie aro ye odẹ gha khẹ na, Umogun, ọre avbe Ju gun mwẹ gui baa.

Iwinna 27:12

Eghute nii i vbe re ne ọ gie dia vbe ẹghẹ okhuakhua, rhunmwuda ọnii obọ nọbun sẹ vbe emwa ni rre okọ nii keghi ho ne a mu okọ la ẹzẹ, a deghẹ ọ gie a ru ne a sẹ Fonis, ọ keghi re eghute ne ọ mu aro da odẹ ekẹn, iran sẹtin gbe ẹghẹ okhuakhua vbe evba.

Ebe ne Pọl gbẹẹn gie emwa Rom 11:14

U gha ghe, I gha sẹtin ruẹe ne oya gha da iran ne emwa mwẹ ne a sẹtin la ekpa ọnii miẹn eso fan vbọ.

I Kọrinti 15:23

Sokpan, dọmwadẹ ọghọe vbe ehe ne ọ na sẹ ọre egbe, Kristi, ne ọ re ne okaro vbe uwu ehia, vbe iyeke ọnii, iran ni re ọghe Kristi vbe ẹghẹ ne ọ gha ya rre.

I Kọrinti 9:22

I gha miẹn iran ne iyayi ẹre ma wo vbe egbe, mẹ ghi vbe gha re ne ọ ma wo vbe egbe zẹ vbene iran ye, ne I miẹn ehe na silo iran ba egbe. Rhunmwuda ọnii, te I ghi ye egbe khian emwi hia ne emwa hia, ne I sẹtin la odẹikodẹ miẹn emwa eso fan.

I Kọrinti 9:27

I ghi liki egbe mwẹ ne ọ gbikpan, ne ọ miẹn ehe na gun mwẹ gha vbokho vbene I ho, ne a ghẹ miẹn wẹ, ugbẹn vbe imẹ ghi tie emwa rrie ọgbọ ne a si nẹ, mẹ tobọ mwẹ khian ne a rhie fua.

II Kọrinti 11:3

Afianma fian mwẹ ne iran ghẹ ya ruẹn ẹmwẹ ye uwa ekhọe mu ẹn rhia, wa ghi zobọ vbe ne uwa na te wa guobọ Jesu vbe ne a i gbe ikhan yi, zẹ vbene ẹyẹn ye ẹkẹ vbe ero, rẹrẹ Ivi.

I Tẹsalonaika 3:5

Ọnii ọre ọ si ẹe ne I na gie Timoti, I ma ghi sẹtin zin ẹnrẹn, ọ re I na gi ẹe ne ọ do ghe vbene iyayi uwa ghi ye hẹ. Vbene aro na da ẹe, ẹ i sẹtin gha re wẹ, te Esu do danmwẹ uwa ghe, te ẹsọn ne ima miẹn hia wa la ọ rhiae rrie.

II Tẹsalonaika 2:3

Wa ghẹ gie ọmwa rhọkpa la odẹikodẹ do uwa ọzuọ. Rhunmwuda Ẹdẹ ni i khian rre vbe ẹ i re te Isọtẹ ne okiekie sunu nẹ, ne Ọmwa Dan nii ya egbe ladian, ọmwa ne a khare ighẹ ẹrinmwi erhẹn ọrọre ọghọe.

II Timoti 4:8

Wanwanna nian, igho ọmwẹguae ne a ra se yọ mwẹ obọ dia khẹ mwẹ nẹ, nene ẹde ọmwa ẹmwata, ne Nọyaẹnmwa ne ẹ i bu eku gha mu mẹ Ẹdẹ ne ẹdẹrriọ, ẹ i vbe re mẹ ọkpa, sokpan kevbe iran hia ni ye aho ẹmwẹ ọmwa diakhẹ ẹghẹ ne ọ gha ya ye egbe ladian.

Hibru 11:35

Vbe ekpa iyayi, a keghi huẹn ivbi ikhuo ni te wulo nẹ kpaegbe viọ ne iran. Eso vbọ keghi he vbe a te ra fannọ iran kua, iran keghi wulo ye uwu ekuẹnkuẹn, ne a miẹn ehe na huẹn iran ye arrọọ ne ọ maa sẹ ọnii.

Arhie Maan 20:5

Emwa ni wulo ni dekẹe ma vbe rhiọrre ukpo arriaisẹn ni te do gberra. Ọna ọrọre a huẹn orinmwi kpaegbe ne okaro.