Filipai 3:1 - Edo Bible (E Baibol Ẹdo) Version 1996

¹ Vbe ufomwẹ ehia, etẹn mwẹ, te Nọyaẹnmwa gha ye ọyẹnmwẹ nọ gbae sẹ uwa. Ẹ i ru mwẹ ẹsọn a deghẹ I vbe dọlegbe ta ẹmwẹ ne I ka ta yi, te a dọlegbe ya eẹ rhie uwa uhunmwu hin ẹbe rre.

Filipai 3:1 ပူးပေါင်းရင်းမြစ်များ

I Krọnikol 15:28

Ẹre ivbi Izrẹl hia na lele Ẹkpẹti Ile gha die Jerusalẹm deba uwemwẹ oghọghọ, kevbe urhu okpe, ẹkperẹ kevbe ukusẹ deba urhu akpata.

I Krọnikol 16:10

Wa ghọghọ wẹ ọghe ọe ma khin. wa gi emwa ni ga ẹe hia gha ghọghọ.

I Krọnikol 29:22

Erriọ ọre ọ gha ye wẹ vbe ẹdẹ ne ẹdẹrriọ ẹko kegha rhiẹnrhiẹn iran hia vbe iran re, iran vbe da, vbe odaro e Nọyaẹnmwa. Iran keghi dọlegbe ma e Solomọn ọba ukpogieva. Iran na sa ori ye ọre uhunmwu zẹ vbe ọba iran vbe eni e Nọyaẹnmwa, Iran kevbe ma Zadọk ohẹn.

Nehimaia 8:10

Banbanna nian, wa gha rrie owa ne uwa rri evbare esi, wa fian vbe evbare uwa ne iran ne ẹ i mwẹ, ne uwa vbe sa ne iran vbe ayọn uwa. Ẹdẹ nọhuanrẹn ọ re ẹrẹ khin ne Nọyaẹnmwa rhunmwuda ọnii, wa ghẹ khiẹ. Oghọghọ ne Nọyaẹnmwa, rhie ne uwa gha ya uwa wegbe.”

Job 22:26

Ẹghẹ nii, te u gha mu ẹtin yan Osanobua vbe ẹghẹ hia. U ghi do miẹn wẹ obọ ẹre oghọghọ ruẹ kerre.

Psalm 149:2

Izrẹl gha ghọghọ, rhunmwuda Ayi ne ọ yi uẹ; wa gha ghọghọ wa ne ivbi e Zaiọn, rhunmwuda ọba uwa!

Psalm 32:11

Wa gha ghọghọ, ne uwa vbe gha sọyẹnmwẹ wa ne ẹmwata rhunmwuda, iwinna ne Nọyaẹnmwa winna ẹn. Wa ni họn ẹmwẹ ne ẹẹn, wa gha we ne oghọghọ.

Psalm 33:1

Wa hia ni re ẹmwata, wa gha we ne oghọghọ ye iwinna ne Nọyaẹnmwa winna ẹn. Wa rho ẹre, wa hia ni họn ẹmwẹ ne ẹẹn.

Psalm 37:4

Gha gualọ ọyẹnmwẹ ruẹn vbe uwu e Nọyaẹnmwa; rẹn gha vbe rhie iho ekhọe ruẹ ne uẹn.

Psalm 42:4

I gha ye ẹghẹ ne ọ gberra rre, ekhọe mwẹ ghi rhia. Ẹghẹ ne I na lele emwa nibun ye owa Osanobua. Mẹ ghi ke odaro ne iran, vbe iran a gha khian. Emwa nibun ne ẹko rhiẹnrhiẹn, iran ghi gha so ihuan, iran ghi vbe go wan Osanobua.

Psalm 5:11

Sokpan iran hia ne uwẹ degue gha ghọghọ. Iran gha sẹtin gha so ihuan oghọghọ vbe ẹghẹ hia. Degue iran hia ni ho ẹmwẹ ruẹn; rhunmwuda ruẹ ọ re iran na ghọghọ oghọghọ ẹmwata.

Psalm 97:1

E Nọyaẹnmwa ọrọre Ọba! Agbọn wa gha ghọghọ! Wa gha ghọghọ, wa ne otọe ne amẹ lẹga, ni rre uwu okun!

Aizaia 41:16

Wa gha fi iran ghe ẹhoho ẹhoho ghi hoho iran gha rrie. Okpẹhoho ghi zagha iran an. Ẹghẹ nii, ẹko uwa gha rhiẹnrhiẹn rhunmwuda ighe mẹ ọrọre Osanobua uwa wa gha rho mwẹ vbe uyi, mẹ ne Osanobua nọhuanrẹn ọghe Izrẹl.

Aizaia 61:10

Ẹko rhiẹnrhiẹn Jerusalẹm rhunmwuda iwinna ne Nọyaẹnmwa winna ẹn. Te ọ yevbe ọha ne a mu ẹre egbe irhiọha. Osanobua ya imiẹnfan kevbe akhọnmiotọ yo ẹre ẹwu.

Aizaia 65:14

“Iran gha so ihuan oghọghọ, sokpan wa gha viẹ eve orriara.

Joẹl 2:23

“Ivbi e Zaiọn, wa gha ghọghọ wa hia ghọghọ ye emwi ne Osanobua uwa ru ne uwa. Ọ giee amẹ ne ọ sẹ ihe gie uwa vbe ẹghẹ vbe orhọ ma he suẹn, ọ bu amẹ fua ne uwa vbe okhuakhua, kevbe ẹghẹ orhọ, vbene ọ ka rhọ dee ẹdẹ.

Zẹfanaia 3:14

Wa so ihuan, wa we ne oghọghọ, wa ne ivbi Izrẹl! Ye ekhọe ruẹ hia gha ghọghọ, e Jerusalẹm!

Zẹfanaia 3:17

E Nọyaẹnmwa ne Osanobua mwẹ rrọ yaba ruẹ, ẹtin ẹnrẹn ọ re ọ rhie akhọnmiotọ nuẹn. Ẹko ruẹ gha rhiẹnrhiẹn e Nọyaẹnmwa kevbe uwu aho ẹmwẹ ọmwa ẹnrẹn, ọ gha rhie arrọ agbọn ne uẹn. Ọ gha so ihuan, ọyẹnmwẹ ruẹn ghi vbe gha sẹ ọe.

Zẹkaraia 10:7

Ivbi Izrẹl gha wegbe zẹ vbe ivbiyokuo. Ẹko, ghi gha rhiẹnrhiẹn iran zẹ vbe emwa ni wa gha da ayọn. Ivbi uniẹn iran gha ye akhọnmiotọ na rre, iran ghi gha ghọghọ rhunmwuda emwi ne Nọyaẹnmwa ru.

Matiu 5:12

Wa gha ghọghọ, wa gie ẹko gha sẹ uwa ọyẹnmwẹ rhunmwuda, ere nọkhua ọre ọ rre otọ khẹ uwa vbe ẹrinmwi. Erriọ zẹe emwa vbe ya obọ dan mu avbe akhasẹ ni ke odaro ne uwa.

Iyẹn ne ọ Maan Ọghe Luk 1:47

ẹko mwẹ vbe sọyẹnmwẹ ghe Osanobua Ọmiọnmwafan mwẹ,

Ebe ne Pọl gbẹẹn gie emwa Rom 5:11

Sokpan ẹ i re erriọ ọ sẹe, te ima ghi sẹ ọyẹnmwẹ vbe uwu Osanobua vbe ekpa Nọyaẹnmwa Jesu Kristi ne ọ ya ima khian ọse Osanobua.

II Kọrinti 13:11

Banbanna nian, etẹn mwẹ, wa ọ khian ẹdẹ ọkpa. Wa gha ru ẹe ne ọ gba ne uwa, wa gha rhie ẹmwẹ mwẹ ye ehọ wa gie ẹmwẹ uwa gha gue kugbe, wa gha rrọọ vbe uwu ọfumwegbe. Osanobua aho ẹmwẹ ọmwa kevbe ọfumwegbe gha vbe gu uwa gha rrọọ.

Ẹfisọs 6:10

Vbe okiekie ehia, wa ruẹ iwegbe uwa ba Nọyaẹnmwa, vbe ekpa ẹtin ẹnrẹn nọkhua.

Diuteronomi 12:18

Wa kevbe avbe ivbi uwa kevbe eguọmwadia uwa, kevbe avbe e Livai nii rre ẹvbo uwa, odaro Nọyaẹnmwa Osanobua uwa ọkpa ọ re uwa gha na gha rri ọe, vbe ihọkpa kẹkan ne a na ga nii, ne Nọyaẹnmwa ne Osanobua uwa zẹe re vbe evba ne u gie ẹko ruẹ vbe gha rhiẹnrhiẹn rhunmwuda emwi ọma ne Nọyaẹnmwa hẹ ne uwa.

Diuteronomi 16:11

Gha ghọghọ vbe odaro Nọyaẹnmwa, wẹ kevbe avbe ivbi uẹ, kevbe eguọmwadia ruẹ, kevbe avbe e Livai, avbe ọrriọvbe, emọ ne ẹi mwẹ erha kevbe avbe ẹgbẹ ni rre owa ruẹ. Wa ghi ru ọna vbe ihe ọkpa ni ne a na ga ẹe.

Filipai 3:3

Rhunmwuda, mẹ nọ, ẹ i re iran ọ re a rhie arhuẹ ẹmwata na, rhunmwuda, Orhiọn ọre ima ya ga Osanobua, ma ghi vbe gha ghọghọ ye agbọn ne ima ye vbe uwu Kristi Jesu. Ma i mu ẹtin yan emwi iruemwi ọghe ore egbe.

Filipai 4:4

Wa gha ghọghọ vbe uwu Nọyaẹnmwa, I vbe dọlọ ta ẹe, wa gha ghọghọ.

Filipai 4:8

Vbe ufomwẹ ehia, etẹn mwẹ, wa gha ya avbe emwi ni maa kevbe ne ọ gie a ta ẹmwẹ ọnrẹn ẹse vuọn ekhọe uwa, avbe emwi ẹmwata, adazẹ ne ọ gbae ne ẹ i mwẹ iruẹn kevbe ne ọ mwẹ uyi.

I Tẹsalonaika 4:1

Vbe okiekie ehia, etẹn mwẹ, wa ruẹ re vbe obọ ima vbene uwa gha ru emwi hẹ, ne uwa gha na yẹ Osanobua. A rẹnrẹn wẹ, erriọ wa wa yin ke ẹghẹ ni gha dee. Wanwanna nian, ma ye eni Nọyaẹnmwa Jesu rinmwian uwa, ma vbe tua ẹre mu unu ma uwa, ne uwa ru gberra vbene uwa ka ru de yi.

I Tẹsalonaika 5:16

Wa gha sẹ ọyẹnmwẹ vbe ẹghẹ hia.

Jems 1:2

Etẹn mwẹ, a deghẹ edanmwẹ ughughan ghi vba uwa, wa ghi gha ka egbe uwa ye ne uhunmwu ẹnrẹn maa.

I Pita 3:8

Ne I ya fian ẹre ifi: wa gie vbene uwa ziro kevbe vbene emwi ye vbe ekhọe uwa, gha ya kugbe. Wa gha ho ẹmwẹ egbe, zẹ vbe etentẹn ne ikpia. Wa gha mwẹ itohan ghe egbe, ne uwa vbe gha mu egbe rri otọ ne egbe.

I Pita 4:13

Sokpan, wa gha ghọghọ wẹ, a vbe ghae sẹ uwa obọ vbe uwu oya ne Kristi re, ne uwa miẹn ehe na vuọn ne oghọghọ vbe Ẹdẹ ne iran gha ya egbe ladian.

II Pita 3:1

Wa ne avbe ọse mwẹ ni ghaan, ebe ne ọ huẹre ne ogieva ne I he gbẹn gie uwa ọre ọ na khin. Vbe ebe eva na, I keghi hia ne i gua uwa ekhọe kpao vbe ọghe iro ne ọ huanrẹn ne a roro, vbe ekpa ne a na ye uwa avbe emwi na rre.

I Samuẹl 2:1

E Hanna keghi na erhunmwu wẹẹ: “E Nọyaẹnmwa ya oghọghọ vuọn ekhọe mwẹ nẹ, ọyẹnmwẹ sẹ mwẹ ye emwi ne ọ ru! I giẹ iran ne eghian mwẹ nian, ọyẹnmwẹ sẹ mwẹ rhunmwuda, Osanobua yọmwẹ obọ nẹ.