Filipai 2:5 - Edo Bible (E Baibol Ẹdo) Version 1996

⁵ Wa gie egbe ekhọe nọ gha gu e Jesu vbe gha gu uwa.

Filipai 2:5 ပူးပေါင်းရင်းမြစ်များ

Matiu 11:29

Wa rhie urọnghọn mwẹ ye urhu uwa, wa do ruẹ emwi vbe ehe ne I ye rhunmwuda, ọmwa ne ọ fu kevbe ne ọ mu egberriotọ ọre imẹ khin, wa gha miotọ na hẹwẹ.

Iyẹn ne ọ Maan Ọghe Luk 22:27

Gha ọ kpọlọ sẹ yi, ọmwa ne ọ tota gha rri evbare ra ọmwa ne ọ viọ evbare gi ẹe? A rẹnrẹn ighe ne ọ tota nọ. Sokpan vbe adesẹ uwa nian mẹ ọrọre ne ọ ghae evbare!

Iwinna 10:38

Wa vbe rẹn vbekpa ọghe Jesu Kristi ne ovbi e Nazarẹt vbene Osanobua hihiẹ Orhiọn Ne Ọ Huanrẹn kevbe ẹtin yan rẹn hẹẹ. Ọ kegha lele ehe hia khian, ọ na winna iwinna esi, ọ na gha sinmwi emwa hia ne Esu mu gba, rhunmwuda Osanobua yaba ẹre.

Iwinna 20:35

Vbe uwu emwi hia, I rhie ma uwa wẹ vbe nian ọre ọ kere ne I ma kakabọ gha winna ne a miẹn ehe na ye iran ni ma wo vbe egbe obọ. Wa ye ẹmwẹ ne Nọyaẹnmwa Jesu tobọ ẹre ta ẹe rre wẹẹ, ‘Ne a gha rhie ne emwa ọvbehe ọre ọghọ ye sẹ ne a gha ghe emwa ọvbehe obọ.’ ”

Ebe ne Pọl gbẹẹn gie emwa Rom 14:15

Deghẹ te uwẹ ghi ya emwi ne u re ru emwi ikuan egbe ne ọtuẹn, ọnii rhie maa ighẹ ẹ i re ahoẹmwọmwa ọre u ghi ya ru emwi. Ghẹ gia a miẹn ighẹ rhunmwuda evbare ne uwẹ re ọre ọtuẹn ne Kristi wu na ghi na khian ne ọ wiruaa.

Ebe ne Pọl gbẹẹn gie emwa Rom 15:3

Rhunmwuda ẹ i re ọghe enegbe Kristi ọre ọ gha ru. Sokpan zẹ vbene ebe khare, “Ẹbọ ne iran ni tie ihẹn nuẹn tie nuẹn do sẹ ima egbe.”

Ebe ne Pọl gbẹẹn gie emwa Rom 15:5

Ne Osanobua, obọ ọmwa ne i ziengbe kevbe a rhie ẹtin ye ọmwa iwu ke rre, gie uwa sẹtin gha zẹ iro kugbe, vbe emwi ne uwa ru, vbe ekpa ne uwa gha na gha lele igiemwi Jesu.

I Kọrinti 10:33

Wa gha ru vbene I ru. Te imẹ hia ne I gha yin ẹse ma emwa hia vbe emwi hia ne I ru, vbene imẹ i na mu ẹmwẹ ọ maa ọghe egbe mwẹ roro, gberra ọ maa ọghe emwa hia vbene iran gha na miẹn imiẹnfan hẹ.

Ẹfisọs 5:2

Wa gie aho ẹmwẹ ọmwa gha kha yan ẹdẹ agbọn uwa, zẹ vbene Kristi ho ẹmwẹ mwa, ne ọ na ya ẹdẹ agbọn rẹn fi ohan ne ima, zẹ vbe emwi imuohan kevbe emwi izọ ese ne ọ winhin, ne ọ yẹ Osanobua.

Filipai 1:1

E Pọl kevbe Timoti, emwa ni re eguọmwadia Kristi Jesu, ọre ọ gbẹn ebe ne gie emwa Osanobua hia ni rre Filipai, iran ni ya Jesu Kristi yi, deba avbe olotu esọsi kevbe iran ni ru iyobọ.

I Pita 2:21

Ọna ọre Osanobua rhunmwuda ẹre tie uwa, rhunmwuda wẹ, Kristi tobọ ẹre rri oya, ọ keghi rhie igiemwi ne uwa wẹẹ, ne uwa gha lele ukpowẹ irẹn.

I Pita 4:1

Vbene a ghi na miẹn wẹ, ikinnegbe ọre Kristi ya rri oya, wa vbe ya egbe iro vberriọ rhie ẹtin ye egbe uwa iwu, rhunmwuda ọmwa ne ọ ghi rri oya nẹ vbe egbe, ẹ i ghi de fi orukhọ.

I Jọn 2:6

Ọmwa ne ọ kha re ighẹ uwu Osanobua ọre irẹn ye, we ne ọ gha yin zẹ vbene Jesu Kristi yinrin.