Filipai 2:30 - Edo Bible (E Baibol Ẹdo) Version 1996

³⁰ Rhunmwuda te ọ rhie uhunmwu mwẹ atataobọ, ọ te ra wa wu ba ẹmwẹ iwinna Kristi, ne ọ miẹn ehe na rhie iyobọ mẹ, egbe ne uwa ma sẹtin rhie mẹ.

Filipai 2:30 ပူးပေါင်းရင်းမြစ်များ

Iwinna 20:24

Sokpan mẹ wa ka uhunmwu mwẹ ye ne ẹ i mwẹ esa, ne I miẹn ehe na khain okhian ne ọ wa mẹ sẹ otọ, ne I vbe winnaẹn fo ighẹ iwinna ne Nọyaẹnmwa Jesu wa mẹ ne I ru, ọnii nọ wẹ ne I ya wewe Iyẹn Ne ọ maa ọghe Ẹsọhẹ Osanobua.

Ebe ne Pọl gbẹẹn gie emwa Rom 16:4

Iran ni rhie uhunmwu mwẹ atataobọ ba ẹmwẹ mwẹ. Wa gun mwẹ kpọnmwẹ iran, ẹ i re mẹ ọkpa, sokpan kevbe esọsi emwa ne ẹ i re Ju hia.

I Kọrinti 15:53

Rhunmwuda te emwi ne ọ sẹtin wu gha mu a i wu ẹdẹ yọ, emwi ne ọ wu, a mu emwi ne ẹ i sẹtin wu hin ẹre egbe nẹ.

I Kọrinti 16:10

Deghẹ Timoti do van odọghe uwa, vbene ọ rhirhi gha ye hẹ, wa ghẹ mwẹ wa ma mu ẹre aro ze vbe ehe ne uwa ye, rhunmwuda vbene imẹ winna ne Nọyaẹnmwa ọre irẹn vbe winna.

I Kọrinti 16:17

Urremwẹ Stefanas, Fọtunatọs, kevbe Akaikọs wa ye ẹko rhiẹnrhiẹn mwẹ, iran ọre ọ ghi di ehe ne uwa kpao sẹrae ya.

II Kọrinti 12:15

Ẹko rhiẹnrhiẹnmwẹ ọre I gha ya lo emwi ne I mwẹ hia, ya sẹ egbe imẹ tobọ mwẹ bare, ne I ya ye uwa obọ. Rhunmwuda ne I na ho ẹmwẹ uwa sẹrriọ, ọre uwa ghi na si egbe vbe aho ne uwa mwẹ ghe mwẹ ra?

II Kọrinti 4:12

Ọna rhie maa wẹ, uwu winna vbe uwu ima, sokpan arrọọ winna vbe uwu uwa.

Filipai 2:17

Ogha kẹe, te a ra gbe esagiẹn arrọọ mwẹ ye otọ zẹ vbe emwi imuohan ye ese ne iyayi uwa zọ ghe Osanobua. Ọ gha yerriọ I gha ghọghọ, I gha vbe ghae ne uwa hia vbe oghọghọ mwẹ na.

Filipai 2:27

Ẹmwata nọ wẹ egbe ma te rran rẹn, ọ te wa wu fo, sokpan Osanobua keghi tohan rẹn, ẹ i re rẹn ọkpa, sokpan kevbe imẹ ba re, ne ọ na mu akhiẹ ne ọ sẹre ni hin mwẹ uhunmwu rre.

Filipai 4:10

U miẹn vbe ọyẹnmwẹ sẹ mwẹ hẹ ye ẹdẹ agbọn mwẹ vbe uwu Nọyaẹnmwa Iyeke vbe ọ ghi kpẹe fua nẹ, wa kevbe miẹn ẹkpo otọ ya dọlegbe rhie maa ighẹ, uwa mu ẹmwẹ mwẹ roro. I ma kha ighẹ wa te yan mwẹ fua nẹ o, te uwa ma miẹn ẹkpo otọ ya ru ẹe.

Filipai 4:18

Rhunmwuda ọnii, wa ghe ebe ọ sẹ mwẹ obọ ọghe emwi hia ne uwa he hẹ gun mwẹ, ọ wa vbe sẹ kpọ kua. Emwi ne uwa viọ ne Epafroditọs viọ gu mwẹ, sẹ mwẹ obọ nẹ nian, emwi ne I ho hia gbae. Te ena ye vbe emwi izọ ese ne ọ winhin ne a ya mu ohan gie Osanobua, emwi ne ọ yẹ ọre, ne ọ gha vbe rhan obọ miẹn.

Failimọn 1:13

Ọ te khọn mwẹ ne I wẹ ne ọ gun mwẹ tota vbe uwu eghan vbe emwa na, vbe ehe ne I ye ba ẹmwẹ Iyẹn Ne ọ maa, ne ọ gha ru iyobọ ne uwẹ gha te ru mẹ, mẹ.

Arhie Maan 12:11

Esagiẹn Oteghe Ohuan nii kevbe orhu ẹmwata ne iran kpee, ọre avbe etẹn mwa ya khọn miẹn ẹre otọ, iran te wa vbe mu egbe ne iran rhie ẹdẹ agbọn iran ye otọ, ne iran vbe wulo.