Filipai 2:20 - Edo Bible (E Baibol Ẹdo) Version 1996

²⁰ Rẹn ọkpa ọre I miẹn ne emwi ne ọ rre imẹ ekhọe vbe rre ọre ekhọe, kevbe ne ọ vbe zẹ ye ẹmwẹ uwa.

Filipai 2:20 ပူးပေါင်းရင်းမြစ်များ

Psalm 55:13

Sokpan, wẹ nọ, ogieva mwẹ, ihua mwẹ kevbe osẹ ne ọ sikẹ mwẹ.

Itan 31:29

Wẹẹ, “Ikhuo nibun ọ re ọ wa re ikhuo esi sokpan, wẹ ọ re ọ maa sẹẹ ehia.”

Iyẹn ne ọ Maan Ọghe Jọn 10:13

Ọmwa ne a rhie vbe iwinna lẹ fua rhunmwuda ighẹ te a rhie ẹre vbe iwinna kẹkan, ẹ i vbe si osi ye ẹmwẹ avbe ohuan.

Iyẹn ne ọ Maan Ọghe Jọn 12:6

Ọ ta ẹmwẹ na ẹ i re rhunmwuda ighẹ ọ mwẹ ẹnina ivbiogue vbe ekhọe, sokpan rhunmwuda ighẹ oyi nọ, rẹn ọ mu ẹkpo igho mwẹ, ọ ghi gha duẹe hẹ ya ru enegbe ẹre.

Ebe ne Pọl gbẹẹn gie emwa Rom 15:5

Ne Osanobua, obọ ọmwa ne i ziengbe kevbe a rhie ẹtin ye ọmwa iwu ke rre, gie uwa sẹtin gha zẹ iro kugbe, vbe emwi ne uwa ru, vbe ekpa ne uwa gha na gha lele igiemwi Jesu.

I Kọrinti 16:10

Deghẹ Timoti do van odọghe uwa, vbene ọ rhirhi gha ye hẹ, wa ghẹ mwẹ wa ma mu ẹre aro ze vbe ehe ne uwa ye, rhunmwuda vbene imẹ winna ne Nọyaẹnmwa ọre irẹn vbe winna.

Filipai 2:2

I ya tua uwa khekherriọ wẹ ne uwa ya ẹko mwẹ rhiẹnrhiẹn fo, vbe ekpa ne uwa gha na gha mwẹ ekhọe ọkpa, wa gba gha ho ẹmwẹ egbe, ne uwa vbe gha re ọkpa vbe orhiọn kevbe ekhọe.

Filipai 2:22

Wa tobọ uwa miẹn vbene ọ vbe ta egbe ọmwa ne irẹn khin hẹ, vbe imẹ vbe ọre gba winna, zẹ vbe ọmọ vbe erha ye iwinna iyẹn ne ọ maa.

Kọlose 4:11

Jọsua ne a vbe tie ẹre Jọstọs, vbe we uwa do. Iran eha na ọkpa ọrọre ivbi e Ju niyayi ni gun mwẹ winna ne Arriọba Osanobua, iyobọ nọkhuọkhua ọre iran wa khin mẹ.

I Timoti 1:2

Gie Timoti ovbi mwẹ ne ovbi mwẹ vbe uwu iyayi Osanobua ne Evbavba kevbe Kristi Jesu Nọyaẹnmwa, ne ọ rhie ẹsọhẹ itohan kevbe ọfumwegbe nuẹn.

I Timoti 4:6

U ghi ma avbe etẹn emwi na, u ghi gha re ọguọmwadia ne ọ maa ọghe Kristi Jesu, vbene u na ya ẹmwẹ iyayi na, kevbe iruẹmwi ẹmwata ne uka lele khian, koko egbe uẹ, vbe ekpa ọghe orhiọn.

II Timoti 1:5

I ye iyayi ẹmwata ne u mwẹ rre, egbe ne edede ruẹ gha mwẹ ighẹ Luis, kevbe Yunis ne iye uẹ vbe gha mwẹ, mẹ yayi ighẹ wẹ vbe mwẹ ọnrẹn.

II Timoti 3:10

Sokpan, aro ruẹ sẹ emwi ne I ma emwa ẹre, kevbe uyinmwẹ mwẹ, u vbe miẹn iyayi mwẹ, izin egbe mwẹ, aho ẹmwẹ ọmwa mwẹ, kevbe vbene I hia hẹ.

I Samuẹl 18:1

Ugbẹn vbe Sọl vbe Devid ghi gha guan nẹ, ẹmwẹ e Devid keghi wa la e Jonatan ekhọe sẹrriọ wẹ, ọ keghi ho ẹmwẹ ọnrẹn zẹ vbe ne ọ ho ẹmwẹ egbe ẹre.

I Samuẹl 18:3

E Jonatan kevbe Devid keghi gba vẹn ihẹn ne egbe wẹ ọse ẹdẹdẹmwẹdẹ iran khian gha khin, rhunmwuda ne irẹn na ho ẹmwẹ ọnrẹn ẹsẹse.