Filipai 2:2 - Edo Bible (E Baibol Ẹdo) Version 1996

² I ya tua uwa khekherriọ wẹ ne uwa ya ẹko mwẹ rhiẹnrhiẹn fo, vbe ekpa ne uwa gha na gha mwẹ ekhọe ọkpa, wa gba gha ho ẹmwẹ egbe, ne uwa vbe gha re ọkpa vbe orhiọn kevbe ekhọe.

Filipai 2:2 ပူးပေါင်းရင်းမြစ်များ

Psalm 122:8

Rhunmwuda avbe etẹn mwẹ kevbe ọse mwẹ, mẹ tama Jerusalẹm wẹẹ, “Ọfumwegbe nọ nuẹn!”

Iyẹn ne ọ Maan Ọghe Jọn 3:29

Ọdafẹn ọha ọre ọ yan ovbiọha. Ọse ọdafẹn ọha ghi mudia gha danmwehọ, ẹko ghi gha rhiẹnrhiẹn ọẹn vbe ọ gha họn urhu ọdafẹn ọha. Erriọ zẹẹ ọre a ya ye ọyẹnmwẹ ne ọ sẹmwẹ khian ne ọ gbae.

Iwinna 1:14

Iran keghi kugbe zẹẹ vbe otu ọkpa, ne iran gha na erhunmwu vbe ẹghẹ hia, deba okhuo nọkpa nii, kevbe Meri ne iye Jesu, kevbe etiọnrẹn ne ikpia.

Iwinna 2:1

Ugbẹn vbe ọ ghi sẹ ẹdẹ Pẹntikọst, iran ni yayi hia keghi si egbe koko ye ihe ọkpa.

Iwinna 2:46

Ẹdẹgbegbe, iran keghi ya gha mi egbe vbe uwu Ọgua Osa zẹ vbe otu ọkpa. Iran keghi gba gha rri evbare iran kugbe vbe owa, vbe ọyẹnmwẹ kevbe amu egbe rriotọ.

Iwinna 5:12

Avbe Apọsol kegha winna iwinna ama kevbe ọyunnuan ni bun vbe adesẹ avbe emwa. Iran ni yayi hia kegha miẹn egbe vbe Ugha Solomọn.

Ebe ne Pọl gbẹẹn gie emwa Rom 12:16

Gha ya obọ ọkpa mu emwa hia, ghẹ gha tọn egbe mu, gha rhan obọ miẹn iwinna ne ọ ma te khẹke ukpo ne u ye. Wa ghẹ gha ka egbe uwa ye umẹwaẹn.

I Kọrinti 1:10

I ya ẹtin Nọyaẹnmwa Jesu Kristi rinmwian uwa etẹn, ne uwa gie ẹmwẹ uwa hia ha gu egbe ro vbe ẹmwẹ ne uwa ta, ne iwannegbe ghẹ gha rre ẹkpo uwa, wa gha re ọkpa vbe iro ne uwa zẹ, kevbe emwi ne uwa họ ne uwa ru.

II Kọrinti 13:11

Banbanna nian, etẹn mwẹ, wa ọ khian ẹdẹ ọkpa. Wa gha ru ẹe ne ọ gba ne uwa, wa gha rhie ẹmwẹ mwẹ ye ehọ wa gie ẹmwẹ uwa gha gue kugbe, wa gha rrọọ vbe uwu ọfumwegbe. Osanobua aho ẹmwẹ ọmwa kevbe ọfumwegbe gha vbe gu uwa gha rrọọ.

II Kọrinti 2:3

Ọna ọre ọ si ẹe ne I na gbẹn ebe nii gie uwa. I ma ho ne I gha dee ne a miẹn wẹ ọmwa ne ọ gha ya ẹko mwẹ rhiẹnrhiẹn, ọre ọ ghi rhia mwẹ ekhọe rua. Rhunmwuda aro mwẹ dae wẹ ẹko gha rhiẹnrhiẹn mwẹ ọre ẹko na vbe rhiẹnrhiẹn uwa.

II Kọrinti 7:7

Ẹ i re urremwẹ ọnrẹn ọkpa, sokpan kevbe iyẹn ne ọ do na ọghe vbene uwa rhie igiẹdu ne iran hẹ. Ọ tama ima vbene uwa wa ho ne uwa miẹn mwẹ hẹ, vbene ọ da uwa hẹ, vbene uwa mu egbe ne uwa gbinna mẹ hẹ, ẹko keghi rhiẹnrhiẹn mwẹ ẹsẹse sẹ ayọ nian.

Filipai 1:4

Ẹghẹikẹghẹ ne I rhirhi a ya na erhunmwu ne uwa, ẹko ọyẹnmwẹ ọre I ya na ẹn.

Filipai 2:16

Wa gha ru vberriọ, wa gha gun mwẹ ya zọmọ vbe Ẹdẹ Kristi, rhunmwuda ọ gha rhie maa wẹ edomian kevbe iwinna mwẹ, ẹ i re ne a mu rhia.

Filipai 2:20

Rẹn ọkpa ọre I miẹn ne emwi ne ọ rre imẹ ekhọe vbe rre ọre ekhọe, kevbe ne ọ vbe zẹ ye ẹmwẹ uwa.

Filipai 4:2

Yuodia kevbe Sintike, wa lahọ, I rinmwian uwa ne uwa dọlọ kugbe zẹ vbe etẹn ne ikhuo vbe uwu Nọyaẹnmwa.

Kọlose 2:5

Rhunmwuda, a gha rhe miẹn wẹ vbe ekpa ọghe orhiọn, I vbe ghọghọ vbe I miẹn vbene uwa tọn ighighian owẹ ye otọ ya gba gha ya egbe khian hẹ vbe iyayi vbe uwu Kristi.

II Tẹsalonaika 2:13

Ẹ i mwẹ ma ma gha kpọnmwẹ Osanobua ne uwa vbe ẹghẹ hia, etẹn mwẹ, wa ne Nọyaẹnmwa ho ẹmwẹ ọnrẹn. Rhunmwuda, te Osanobua hannọ uwa zẹ, zẹ vbe emwa ne okaro ne a gha ya ẹtin nene Orhiọn miẹnfan, ne a miẹn ehe na ya uwa khian emwa ni re ọghe Osanobua tobọ ẹre, kevbe rhunmwuda iyayi ne uwa mwẹ ye ẹmwata.

II Timoti 1:4

I ye ameve ruẹ rre, I wa ho ne I miẹn ọẹn ẹsẹse, ne a miẹn ehe na ya oghọghọ sẹ mwẹ ọkẹn.

Failimọn 1:20

Rhunmwuda ọnii, ọtẹn mwẹ, lahọ ya emwi na ghe mwẹ aro, vbe ekpa ọghe Nọyaẹnmwa, ya ẹko mwẹ rhiẹnrhiẹn zẹ vbe ọtẹn vbe uwu Kristi.

II Jọn 1:4

Umiẹn vbene ẹko rhiẹnrhiẹn mwẹ uan hẹ, vbe I miẹn wẹ eso vbe avbe ivbi uẹ rrọọ vbe uwu ẹmwata zẹ vbene Evbavba yi ẹre iyi ne ima.

III Jọn 1:4

Emwi ọkpa i rrọọ ne ọ ghi ya ẹko mwẹ rhiẹnrhiẹn gberra ọnii vbe i họn wẹ ivbi mwẹ wa rrọọ vbe uwu ẹmwata nii.