Filipai 2:16 - Edo Bible (E Baibol Ẹdo) Version 1996

¹⁶ Wa gha ru vberriọ, wa gha gun mwẹ ya zọmọ vbe Ẹdẹ Kristi, rhunmwuda ọ gha rhie maa wẹ edomian kevbe iwinna mwẹ, ẹ i re ne a mu rhia.

Filipai 2:16 ပူးပေါင်းရင်းမြစ်များ

Psalm 40:9

Vbe ehe ne avbe emwa ruẹn na si koko Nọyaẹnmwa mẹ keghi na iyẹn nọma ni wẹ, wẹ ọ re ọ miẹn mwa fan. Wẹ rẹnrẹn wẹ mẹ i ra dobọ ẹre ne a ta yi.

Psalm 71:17

Ẹghẹ ne I na ye kherhe ọ re u na ma mwẹ re te I ye na iyẹn iwinna ọyunnuan.

Aizaia 49:4

Mẹ keghi kha wẹẹ, “I te winna, sokpan ọ ma dinnodẹ hiehiere. I wa lo ẹtin mwẹ, sokpan, a ma miẹn emwi ọkpa rhie ke ọe rre.” Sevba, mẹ ye mwẹ amuẹtinyan wẹ e Nọyaẹnmwa gha ta ene unu mwẹ ọ gha san mwẹ ẹse iwinna ne I winna ẹn.

Matiu 10:27

Emwi ne I tama uwa vbe ebiebi, wa gha rrie azagba ya tae ladian, emwi ne uwa họn ẹn vbe ẹkhokho, wa ya wewẹe vbe ẹrhunrhun owa.

Iyẹn ne ọ Maan Ọghe Luk 12:8

“Ne I tama uwa, ọmwaikọmwa ne ọ ladian azagba tae ighe ọghomwẹ rẹn ikhin. Ovbi Ọmwa gha vbe ru vberriọ ne irẹn vbe odaro avbe odibo Osanobua.

Iyẹn ne ọ Maan Ọghe Jọn 6:63

Orhiọn ọre ọ rhie arrọọ ne ọmwa, ikinnegbe i mwẹ esa ne ọ ye. Ẹmwẹ ne I gu uwa guan, Orhiọn nọ, ẹfe nọ.

Iyẹn ne ọ Maan Ọghe Jọn 6:68

Saimọn Pita wanniẹn tama rẹn wẹẹ, “Nọyaẹnmwa, de ọmwa ne ima ra bu? Wẹ ọre ọ mwẹ ẹmwẹ ne ọ rhie arrọọ etẹbitẹ ne ọmwa.

Iwinna 13:26

“Wa ne etẹn mwẹ, ivbi uniẹn Ebraham, kevbe uwa ne ẹ i re Ju, vbe emwa na, ni vbe ga Osanobua, ma ọre a gie uhunmwu imiẹnfan na gie.

I Kọrinti 1:8

Rẹn gha ya uwa mudia gbain ya sẹ ufomwẹ, ne a miẹn ehe na miẹn wẹ, ọ gha sẹ Ẹdẹ Jesu Kristi Nọyaẹnmwa, wa ghi gha re emwa ne a miẹn wẹ ẹ i mwẹ abe.

I Kọrinti 9:26

Ọnii ọ si ẹe ne I na wa rhulẹ ghe ehe ne a wẹ ọ khin taara, ọnii ọ si ẹe ne I na ye vbe ọgbekpa ne ẹ i fi ọ hohuoa.

II Kọrinti 1:14

avbe emwi ne uwa rẹn otọ ẹre kherhe kherhe ẹghẹ na. Ne a miẹn wẹ ọ gha ghi sẹ ẹdẹ Nọyaẹnmwa Jesu, wa ghi gha ya ima ghan zẹ vbe ne ima vbe ya uwa ghan.

Galatia 2:2

Te I gha khian, rhunmwuda ighẹ Osanobua rhie ma mwẹ ne I gha khian. Ugbẹn vbe imẹ vbe avbe ọkaolotu ghi si egbe uma, I keghi rhan otọ iyẹn ne ọ maa ne I kpe orhu ẹre ma iran ne ẹ i re Ju, ma iran. I ma ho ne iwinna ne I ka winna nẹ, ra ne iwinna vbe obọ na, khian ne ọ la ọrhiae rrie.

Galatia 4:11

Afianma uwa fian mwẹ. Ọnii rhie maa ighẹ ẹsọn ne I miẹn ne uwa, te I miẹn ọẹn kua?

Filipai 1:10

Ne uwa miẹn ehe na sẹtin gha zẹ emwi ne ọ maa sẹ. Ẹghẹ nii, wa ghi fe vbe obọ a ma ru emwi la uro kevbe a gu ọmwa gui vbe Ẹdẹ Kristi.

Filipai 1:6

Rhunmwuda ọnii, aro mwẹ wa da ọna wẹ, Osanobua nọ suẹn iwinna esi na vbe uwu uwa, gha ru ẹe gha khian rhinrin a te do ru ẹe fo, vbe Ẹdẹ Kristi Jesu.

I Tẹsalonaika 2:19

Ne a ta ẹmwata, wa rẹnrẹn wẹ, ọmwa ọvbehe ne ọ re idaehọ kevbe oghogho ima i rrọọ gberra uwa, kevbe emwi ne ima gha ya ghan vbe odaro Nọyaẹnmwa Jesu Kristi, ighẹ ma ru rho obọ nẹ, vbe ẹghẹ, ne ọ gha ya rre.

I Tẹsalonaika 3:5

Ọnii ọre ọ si ẹe ne I na gie Timoti, I ma ghi sẹtin zin ẹnrẹn, ọ re I na gi ẹe ne ọ do ghe vbene iyayi uwa ghi ye hẹ. Vbene aro na da ẹe, ẹ i sẹtin gha re wẹ, te Esu do danmwẹ uwa ghe, te ẹsọn ne ima miẹn hia wa la ọ rhiae rrie.

Hibru 4:12

Rhunmwuda, ekpakpasusu ọre ẹmwẹ Osanobua khin. Ọ mu sẹ agbadakagba ne ọ mwẹ unu eva, te ọ fiaẹn la ehia fo, ya sẹ ehe ne orhiọn kevbe ekhọe na sikan mu egbe, kevbe ehe ne akhuẹn kevbe efun ne ọ rre uwu ugboloko na vba egbe. Rẹn ọre ọ ta vbene iziro kevbe aho ekhọe emwa ne agbọn ye hẹ.

I Pita 1:23

Rhunmwuda la ekpa ẹmwẹ Osanobua ne ọ rrọọ, kevbe ne ọ re ọghe ẹtẹbitẹ dọlọ uwa biẹlẹ nẹ, zẹ vbe ivbi evbibiẹ ọmwa ọkpa, ne ọ re ne ẹ i wu ighẹ ẹ i re ne ọ wu.

I Jọn 1:1

Ẹmwẹ arrọọ ne ọ wa rrọọ ke omuhẹn gha dee, ọre ima gbẹn ebe ẹre gie uwa na. Ma họẹn nẹ, ma ye aro ima miẹn ọẹn, vbe ẹmwata, te ima miẹn ọẹn, ma na vbe ye obọ kan rẹn.

Arhie Maan 22:17

Orhiọn kevbe Ọha khare wẹ, “Gha dee!” Ọmwa ne ọ rhirhi họn ẹmwẹ na, ẹ i mwẹ ọ ma kha wẹ, “Gha dee!” Ọmwaikọmwa ne ohanmwẹ amẹ gbe gha dee, do rhie amẹ ẹfe na vbe ọghe ọhẹ, ọmwa ne ọ rhirhi khọn.