Filipai 2:14 - Edo Bible (E Baibol Ẹdo) Version 1996

¹⁴ Gha ru emwi hia vbe ne a i na vian kevbe ne a i na muan ẹmwẹ.

Filipai 2:14 ပူးပေါင်းရင်းမြစ်များ

Psalm 106:25

Iran keghi tota ye owa ukpọn iran gha zuyọn iran ma zẹ ye Nọyaẹnmwa ẹre.

Itan 13:10

Itengbemu i si emwi ọvbehe rre gberra orueghe. Ne a gualọ ọmwa ne ọ gha bu ọmwa ude ọ re ẹwaẹn ye sẹ.

Nọmbas 14:27

“Vbe avbe emwa dan na ra gui ẹzọ uwu unu ghe mwẹ kpẹe sẹhẹ yi? Ẹzọ uwu unu ne I he họn vbe unu iran sẹe.

Matiu 20:11

Iran ghi miẹn igho nẹ, iran keghi suẹn gha gui ẹzọ uwunu da ne ọ viọ iran ye iwinna wẹẹ,

Iyẹn ne ọ Maan Ọghe Mak 14:5

Emwi ne a gha khiẹn ọre igho ne ọ yan naira ọgban ne a gha ẹre ne avbe ivbiogue.” Iran keghi ye ẹzọ yan okhuo ni.

Iyẹn ne ọ Maan Ọghe Mak 9:14

Iran ghi do sẹ ehe ne erhuanegbe nekpa ye, iran ghi do ghe emwa wa gbe ẹbu ye evba. Eso vbe uwu iran ni ma emwa Uhi gu avbe erhuanegbe muan ẹmwẹ.

Iyẹn ne ọ Maan Ọghe Luk 5:30

Eso vbe uwu avbe Farisi kevbe iran ni ma emwa Uhi ni deba iran gha rre evba, kegha gu avbe erhuanegbe gui, iran nọ iran wẹẹ, “Vbe a na miẹn hẹ yi ighẹ uwa vbe iran ni koko igho uhunmwu kevbe iran ne ẹwobi ọre ọ gba re gba da?”

Iwinna 15:2

Pọl kevbe Banabas keghi gu iran muan imuaẹmwẹ ne ọ wegbe rhunmwuda ẹmwẹ na, ọre a ghi na do ta ẹe wẹ ne Pọl kevbe Banabas deba emwa eso ọvbehe vbe Antiọk do gha rrie Jerusalẹm ne iran ya miẹn avbe ukọ kevbe avbe ediọn ba ẹmwẹ na.

Iwinna 15:39

Iran keghi mobọ muan egbe ẹmwẹ ẹsẹse ba emwi na, iran ma wannọ egbe. Banabas keghi rhie Mak, iran na la okọ gha rrie Saiprọs.

Iwinna 15:7

Ugbẹn vbe iran ghi zẹ ta ẹe yo ta ẹe rre, Pita keghi kpaegbe ọ wẹẹ, “Etẹn mwẹ, wa rẹnrẹn wẹẹ vbe ẹghẹ ne ọ kpẹe fua, Osanobua zẹ mwẹ vbe uwu ẹbu uwa wẹ ne I ya kpe orhu ẹmwẹ Iyẹn Ne ọ maa ma iran ne ẹ i re Ju, ne iran miẹn ehe na họn ne iran vbe yayi.

Iwinna 6:1

Ọ ghi kpẹe kherhe, vbe avbe erhuanegbe ghi bun yọ nẹ, imuaẹmwẹ keghi do gha rrọọ ne avbe Ju ni rre owa kevbe avbe Ju ni zẹ ẹvbo Grik. Avbe Ju ni zẹ Grik keghi kha wẹ iran gha ghae evbare, iran i ghae sẹ avbe ẹgbẹe ni re ọghe iran vbọ obọ.

Ebe ne Pọl gbẹẹn gie emwa Rom 12:18

Zẹ vbene ọ kan ruẹn, hia vbe odẹikodẹ ne uwa vbe emwa hia gba gha ma ẹko egbe.

Ebe ne Pọl gbẹẹn gie emwa Rom 14:1

Wa gha miẹn iran yi ighẹ iran ne iyayi ẹre ma he wegbe vbe uwu uwa. Sokpan wa ghẹ guee gha gbe agbanmwẹ vbekpa vbene emwi ye hẹ vbe ekhọe ẹre.

Ebe ne Pọl gbẹẹn gie emwa Rom 16:17

Gun mwẹ tama uwa etẹn mwẹ, wa gha baba iran ni si iwannegbe rre ne iran na vbe mu iyayi emwa eso rhia ye iran obọ, iran ni ghe odan ye iruẹmwi ne uwa ka rhan obọ miẹn nẹ, wa gha lẹ ne iran.

I Kọrinti 10:10

Wa ghẹ gha vian, vbene eso vbe gha ru ne Ogie Uwu na fuẹn iran uan.

II Kọrinti 12:20

Afianma fian mwẹ wẹ, I gha sẹ evba, ẹ i re vbene I ho ne uwa gha ye I ra na do vba uwa, wa tobọ uwa ghi vbe miẹn wẹ, ẹ i re emwi ne uwa te ho ne imẹ gha khin ọre I khin. Afianma fian mwẹ wẹ, I gha do vba ẹzọ, oya ọmwa da ọmwa, ọkpankpan, arẹn ne egbe mwa ọkpa, ọtakhọ, kevbe ewẹwẹwẹ, uhiomwẹ kevbe otighi.

Galatia 5:15

Sokpan deghẹ te uwa ru emwi vbe atita, vbe ne uwa na kuan egbe, ye akọn rri egbe, wa ghi khẹ ye egbe ne uwa ghẹ ya miẹn egbe uhunmwu.

Galatia 5:26

Ọ ma kei ne ima gha tọn egbe mu ra ne a gha ho egbe ẹmwẹ ra ne oya egbe gha da egbe.

Filipai 2:3

Wa ghẹ ya ekhọe a gua ye ẹgẹn ọmwa ọkpa ru emwi rhọkpa, ra ekhọe a ba wẹ, sokpan wa gba gha daa ne egbe, vbene u i na ro ighẹ wẹ maa sẹ ọmwa ọvbehe.

I Tẹsalonaika 5:13

Wa kakabọ gha ya ọghọ ne iran, deba aho ẹmwẹ ọmwa, rhunmwuda iwinna ne iran winna. Wa vbe gu egbe gha rrọọ vbe ọfumwegbe.

I Tẹsalonaika 5:15

Wa ghẹ ye ọkhọ ha osa ọkhọ, sokpan wa gha ru egbe emwi esi, wa ghi vbe gha ru emwa hia ẹse vbe ẹghẹ hia.

Hibru 12:14

Hia ne u gu emwa hia gha rrọọ vbe ọfumwegbe, kevbe ne u vbe yin uyinmwẹ, ne ọ huanrẹn, rhunmwuda vbe ne ọnii i na rrọọ, orhiọnkpa ne ọ gha sẹtin miẹn Nọyaẹnmwa aro, ẹ i rrọọ.

Jems 1:20

Rhunmwuda, izohu ọmwa ne agbọn i mwẹ ehe ne ọ na gie emwamwa nọ maa ọghe Osanobua mwẹ uhunmwu.

Jems 3:14

Sokpan, deghẹ te uwa mwẹ oya ọmwa da ọmwa vbe ekhọe uwa, ighẹ ẹko khọ uwa, emwi vbe da uwa, ọ ma ghi kei ne uwa gha hio, ne uwa vbe gha ba ẹmwata ohoghe.

Jems 5:9

Wa ghẹ gha gui ẹzọ egbe khian, etẹn mwẹ. Ne Osanobua ghẹ vbe bu ohiẹn uwa. Ne ọ bu ohiẹn sẹ emwa fo nẹ, ọ mu egbe nẹ ne ọ la owa.

I Pita 3:11

Ọ ghi zobọ vbe emwi dan do gha ru emwi esi. Ọ ghi gha gualọ ọfumwegbe, ọ ghi gha zọ uhio ẹre khian.

I Pita 4:9

Wa gha khian ẹlẹ tuẹ egbe, vbe ne a i na gui ẹzọ egbe.

Ebe ne Jud gbẹẹn 1:16

Ẹzọ uwu unu ọre iran na gui vbe ẹhi, iran ghi gha ba emwa ọvbehe ifi ẹzọ, emwi dan ni rre iran ekhọe ọre iran ru, iran ghi gha ya unu kpa egbe iran, iran ghi gha ya unu lalọ emwa ọvbehe egbe, ne obọ iran miẹn ehe na vba emwi ne iran ho.