Filipai 2:12 - Edo Bible (E Baibol Ẹdo) Version 1996

¹² Rhunmwuda ọnii, ọse mwẹ ni ghan, vbene uwa wa gha họn ẹmwẹ mẹ ẹghẹ ne I na rre ehe ne uwa ye, ẹghẹ na ọre ọ na mobọ ke nian ne uwa gha họn ẹmwẹ mẹ vbe ne a ghi na miẹn na ighẹ I i ghi rre ehe ne uwa ye. Wa gha ya ohan kevbe uguọmwẹ winna khian, ne uwa miẹn ehe na ru ẹmwẹ imiẹnfan uwa fo,

Filipai 2:12 ပူးပေါင်းရင်းမြစ်များ

Ẹzra 10:3

“Banbanna nian, te ima gha do yan ma Osanobua mwa wẹ ma gha wẹ ne avbe ikhuo orhunmwuyẹn na, kevbe ivbi iran gha rrie. Ma gha ru vbene uwẹ kevbe avbe emwa ni ya uhi Osanobua ru emwi wẹ ne ima ru. Ma gha ru vbene uhi Osanobua khare.”

Psalm 119:120

Ohan mu mwẹ rhunmwuda ruẹ, ohan gba mwẹ ẹko rhunmwuda ibuohiẹn ruẹn.

Psalm 2:11

Wa ya ohan ga Nọyaẹnmwa, wa gha guọ,

Itan 10:16

Emwi ne a ya san ọmwa ẹse ye emwi esi ne ọ ru, ọrọre arrọọ, sokpan te orukhọ si ọmwa la orukhọ ọvbehe.

Itan 13:4

Vbene emwi a ya khọn ọmwa oroho sẹ, ẹ i sẹ ọre obọ. Ọmwa ne ọ mu aro ye iwinna, emwi ne ọ rhirhi a gha ho hia, ọ re ọ sẹ ọre obọ.

Aizaia 66:2

Mẹ ọ re ọ tobọmwẹ yi agbọn na hia. Ẹko avbe emwa ni mu egbe rriotọ ke ni roiro fiwerriẹ wa ma mwẹ iran ni mu ohan mwẹ, ni vbe họn ẹmwẹ mẹ.

Aizaia 66:5

Danmwehọ vbene Nọyaẹnmwa kha hẹ, wa ni mu ohan rẹn, ni vbe họn ẹmwẹ ne ẹẹn: “Rhunmwuda ighẹ wa rhie egbe mu mwẹ, eso vbe uwu avbe emwa khọ ẹko uwa, iran i vbe gu uwa mu obọ hiehiere. Iran ya uwa gbe ogiẹ, iran ghi vbe kha wẹẹ, ‘Wa gie Nọyaẹnmwa rhie ukpọlọmwẹ ọnrẹn ma nian, ne ọ miẹn uwa fan, ne ima miẹn ọẹn vbe uwa a gha ghọghọ.’ Sokpan, te a ra fa iran tobọ iran an.

Matiu 11:12

Ke ẹghẹ ne jọn ya suẹn gha kporhu do sẹ banbanna, Arriọba ẹrinmwi ke khian ne a ya ẹkiudu dekun, emwa ni wegbe vbe hia ne iran ya ẹtin yae khian ọghe iran.

Matiu 11:29

Wa rhie urọnghọn mwẹ ye urhu uwa, wa do ruẹ emwi vbe ehe ne I ye rhunmwuda, ọmwa ne ọ fu kevbe ne ọ mu egberriotọ ọre imẹ khin, wa gha miotọ na hẹwẹ.

Iwinna 16:29

Eseghan ni keghi wẹ ne iran mu ukpa rre, ọ keghi gbe egbe la owa, ọ keghi de fi akharha Pọl kevbe Sailas, ọ na gha guọ zẹzẹzẹ.

Iwinna 9:6

Sokpan kpaegbe ne u gha rrie adesẹ ore ẹvbo, a gha tama ruẹn emwi ne u gha ru.”

Ebe ne Pọl gbẹẹn gie emwa Rom 2:7

Emwa eso rrọọ ni winna iwinna esi khian, iran ghi gha gualọ uyi, kevbe ọghọ, kevbe ẹfe etẹbitẹ, Osanobua gha rhie ẹfe etẹbitẹ ne iran.

I Kọrinti 15:58

Rhunmwuda ọnii nian, wa ne etẹn mwẹ, wa mudia gbain vbe ne a i na vbọ owẹ. Wa tua obọ ye iwinna ne uwa winna ne Nọyaẹnmwa, ugbẹn vbe uwa rẹn nẹ nian wẹ, iwinna ne uwa winna vbe uwu ugamwẹ Nọyaẹnmwa, ọkpa ne ẹ i mwẹ esa, ẹ i rrọọ.

I Kọrinti 2:3

Ọ re a na miẹn wẹẹ ẹghẹ ne I na bu uwa rre, egbe ke wọ mwẹ.

I Kọrinti 4:14

Ẹ i re wẹ te I ho ne ekhue mu uwa ọre I na gbẹn ebe vbe nian gie uwa, te I ru ẹe ne I ya bu uwa ude zẹ vbe ivbi mwẹ ni ghan mẹ.

II Kọrinti 7:15

Rhunmwuda ọnii, aho ẹmwẹ ọmwa ne ọ mwẹ ghe uwa keghi dọlegbe gha mwẹ ọghae, vbe ọ yerre vbene uwa hia wa mu egbe hẹ ne uwa ya gha họn ẹmwẹ, kevbe ne uwa ye ohan kevbe uguọmwẹ gbe ọbokhian ne irẹn hẹ.

Ẹfisọs 6:5

Eviẹn ọmwa, wa gha họn ẹmwẹ ne arowa uwa ne agbọn vbe ohan kevbe uguọmwẹ, wa gha ya ekhọe ẹmwata ru ẹe vbene a miẹn wẹ Kristi ọre uwa ru ẹe na.

Filipai 1:27

Banbanna nian, emwi ne a mobọ kha ọrọre ne uyinmwẹ uwa gha re vbene iyẹn ne ọ maa ho ne ọ gha ye, vbene a gha na miẹn wẹ, te I ghi sẹtin rre do miẹn uwa ra I ma sẹtin rre, I ghi gha họn wẹ, wa mudia vbene ekhọe uwa na kugbe vbe ọghe emwi ne uwa ru, wa ghi ku obọ gbe gha gbinna khian ne iyayi, kevbe iyẹn ne ọ maa.

Filipai 1:29

Rhunmwuda, a yae ru mwa ẹse nẹ wẹ, ne uwa gha ga Kristi, ẹ i re vbe ne a na ya irẹn yi ọkpa, sokpan vbe ne a na vbe rri oya ne irẹn.

Filipai 1:5

Rhunmwuda vbe ne uwa ya ru iyobọ mẹ hẹẹ vbe ẹmwẹ iyẹn ne ọ maa, ke ikpẹdẹ ne okaro dandaandan do sẹ wanwanna.

Filipai 1:6

Rhunmwuda ọnii, aro mwẹ wa da ọna wẹ, Osanobua nọ suẹn iwinna esi na vbe uwu uwa, gha ru ẹe gha khian rhinrin a te do ru ẹe fo, vbe Ẹdẹ Kristi Jesu.

Filipai 2:19

I mu ẹtin yan Nọyaẹnmwa Jesu Kristi ighẹ I gha sẹtin gie Timoti bu uwa gha dee, vbe ọ ma he kpẹe wan, ne ẹmwẹ uwa ne I họẹn miẹn ehe na rhie igiẹdu mẹ.

Filipai 4:1

Rhunmwuda ọnii nian, wa ne etẹn mwẹ, etẹn mwẹ ni ghan mẹ ẹsẹse, ẹmwẹ uwa wa da mwẹ, wa keghi ka ye ẹko mwẹ rhiẹnrhiẹn ẹsẹse, te imẹ ghi ye uwa ghan nian, etẹn mwẹ nighan, erriọ zẹẹ ọre ọ kere ne uwa mudia gbain vbe ẹdẹ agbọn uwa vbe uwu Nọyaẹnmwa.

Filipai 4:15

Wa ne emwa Filipai tobọ uwa rẹnrẹn ẹsẹse wẹ, ẹghẹ ne I na kpao vbe Masidonia rre, vbe ẹghẹ ne a na wa da suẹn gha kpe orhu Iyẹn Ne ọ maa, wa ọkpa ọrọre esọsi ne ọ yọ mwẹ obọ, wa ọkpa ọre ọ gun mwẹ ghae vbe ere ne I re kevbe emwi ne ọ wi mwẹ.

I Tẹsalonaika 1:3

Rhunmwuda, ma yerre vbe odaro Osanobua kevbe Erha mwa, vbene uwa ye iyayi uwa ru emwi hẹẹ, vbene aho ẹmwẹ ọmwa uwa ye uwa winna ẹsẹse hẹẹ, kevbe ne idaehọ uwa vbe uwu Nọyaẹnmwa Jesu Kristi ye gbain hẹ.

II Timoti 2:10

Ọna ọre ọ si ẹe, ne I na ya egbe miẹn emwi hia, rhunmwuda, emwa ne a hannọ zẹ ọghe Osanobua, ne imiẹnfan ne ọ rre uwu Jesu Kristi sẹtin vbe sẹ iran obọ, ke ẹe kevbe uyi etẹbitẹ.

Hibru 12:1

Zẹ vbe ọ ghe ima, ma mwẹ osẹe ọkhọngborrie ni lẹga mwa, rhunmwuda ọnii wa gie ima bannọ idobo hia kua, kevbe orukhọ ne ọ rhikhan obọ mu ọmwa, wa gie ima mu aro ye ẹmwẹ ulẹ ne ọ rre ima otọ.

Hibru 4:1

Banbanna nian, Osanobua tama ima ye otọ nẹ wẹ ma sẹtin la owa ne a ya gu ẹe kẹtin. Rhunmwuda ọnii wa gie ima gha mwẹ imuohan, ne a ghẹ miẹn wẹ, a miẹn orhiọnkpa vbe uwu uwa ne ọ ma sẹtin la uwu ikẹtin nii.

Hibru 4:11

Rhunmwuda ọnii, wa gie ima ziga ne a la owa ya gu Osanobua hẹwẹ. Wa ghẹ gie ima rhọkpa yin ehọ, zẹ vbe ne iran ru ne iran ma na ghi la owa.

Hibru 5:9

Ugbẹn vbe a ghi ya ẹe khian enọgbae na nẹ, rẹn keghi do khian ehe ne imiẹnfan etẹbitẹ ke rre ne iran hia ni họn ẹmwẹ nẹẹn.

I Pita 2:11

I rinmwian uwa, wa ne avbe ọse mwẹ, zẹ vbe avbe erhunmwuyẹn kevbe emwa ne ọlọghọmwa werrie ẹre owa vbe agbọn na! Wa ghẹ rhie otọ ne orriarria egbe, emwi ne ọ gu orhiọn gbinna vbe ẹghẹ hia.

II Pita 3:18

Sokpan, wa gha wan yọ vbe uwu ẹsọhẹ kevbe irẹnmwi Nọyaẹnmwa kevbe Ọmiọnmwafan mwa Jesu Kristi. Ọghọe ọre uyi gha khin, banbanna kevbe ẹdẹdẹmwẹdẹ. Isẹ.