Filipai 2:1 - Edo Bible (E Baibol Ẹdo) Version 1996

¹ Ẹdẹ agbọn ruẹn vbe uwu Kristi rhie iwegbe nuẹn ra? Wẹ gu nene Orhiọn mu obọ ra? Wa mwẹ itohan kevbe ẹnina egbe ra?

Filipai 2:1 ပူးပေါင်းရင်းမြစ်များ

Psalm 133:1

U miẹn vbene ọ maa hẹ u miẹn vbe ọ vbe rhiẹnrhiẹn hẹ ne emwa Osanobua gha gu egbe yin vbe ọfumwegbe.

Aizaia 16:11

I ya akhiẹ viẹ eve orriara ne Moab, kevbe eve oya ne Kẹ Hẹrẹs.

Iyẹn ne ọ Maan Ọghe Luk 2:25

Vbe ẹghẹ na, okpia ọkpa ne a tie ẹre Simiọn keghi rre Jerusalẹm. Rẹn keghi re ọmwa esiesi ne ọ mu ohan Osanobua kevbe ne ọ vbe rhie aro ye odẹ gha khẹ ẹghẹ ne a gha ya miẹn Izrẹl fan, orhiọn Ne ọ huanrẹn keghi rrọọ yaba ẹre.

Iyẹn ne ọ Maan Ọghe Jọn 14:18

“Mẹ i ra sẹ uwa ọkpa rae, I gha dọlegbe bu uwa rre.

Iyẹn ne ọ Maan Ọghe Jọn 14:27

“Ọfumwegbe ọre I ya we uwa, ọfumwegbe mwẹ ọre I ya we uwa, ẹ i re. Vbene agbọn ya we ọmwa ọre I ya we uwa. Wa ghẹ fian afianma, wa ghẹ gie ohan mu uwa.

Iyẹn ne ọ Maan Ọghe Jọn 17:13

Banbanna nian, I bu ruẹ dee. Te I guan ẹmwẹ na vbe agbọn, ne ọyẹnmwẹ mwẹ miẹn ehe na gha sẹ iran, ọyẹnmwẹ ne ọ sẹ otọ ẹko.

Iwinna 2:46

Ẹdẹgbegbe, iran keghi ya gha mi egbe vbe uwu Ọgua Osa zẹ vbe otu ọkpa. Iran keghi gba gha rri evbare iran kugbe vbe owa, vbe ọyẹnmwẹ kevbe amu egbe rriotọ.

Iwinna 4:32

Otu iran ni yayi keghi gha rrọọ vbe ekhọe ọkpa kevbe orhiọn ọkpa. Arhiọnkpa ne ọ vbe tie emwi ne ọ mwẹ ọghe obọ ẹre, ẹ i rrọọ. Iran hia ghi gha gba ghae emwi ne iran mwẹ, ọ gba obọ.

Ebe ne Pọl gbẹẹn gie emwa Rom 5:5

Idaehọ na ẹ i hiẹ ọmwa, rhunmwuda Osanobua tue ahoẹmwọmwa ẹnrẹn ye ima ekhọe nẹ vbekpa Orhiọn Ne Ọ Huanrẹn ne Osanobua ya ru ima ẹse.

Ebe ne Pọl gbẹẹn gie emwa Rom 8:26

Erriọ zẹẹ ọre nene Orhiọn vbe do gha ye ima ni ma wo vbe egbe obọ. Rhunmwuda ma ma rẹn vbene a ya na erhunmwu hẹ sokpan nene orhiọn ọre ọ rinmwian ne ima vbe ehe ne Osanobua ye, vbe uwu ikhiẹkhiegbe obalọ ne ẹmwẹ unu i sẹtin ta ladian.

I Kọrinti 12:13

Erriọ ọre ọ ye ne ima hia, e Ju kevbe ne ẹ i re Ju, eviẹn kevbe ne ẹ i re eviẹn, a sa amẹ ne ima ye uwu egbe ọkpa nii nẹ vbe ekpa Orhiọn ọkpa nii, a keghi vbe rhie Orhiọn ọkpa nii ne ima hia wọn vbọ.

I Kọrinti 15:31

Etẹn mwẹ, ẹdẹgbegbe ọre I ya rhie uhunmwu da uwu. Ughanmwẹ, ne I ya uwa ghan vbe uwu ẹdẹ agbọn mwa vbe uwu Kristi Nọyaẹnmwa, ọre ọ ya mwẹ ta ẹmwẹ na.

I Kọrinti 3:16

Vbe ne ẹmwata, wa rẹnrẹn ighẹ, Ọgua Osa ọre uwa khin, kevbe wẹ, Orhiọn Osanobua di uwu uwa ya.

II Kọrinti 2:14

Sokpan, ekpọnmwẹ nọ ne Osanobua, rhunmwuda, vbe a kugbe ba Kristi, Osanobua ghi gha viọ ima khian zẹ vbe oghunmwu vbe uwu emwa ne Kristi viọ rre vbe okuo ne ọ na khọn miotọ. Zẹ vbe ori ne ọ winhin ne ọ gba ehe hia, Osanobua lo ima ya ye Kristi khian ne emwa hia rẹnrẹn.

Galatia 4:6

Ne ọ miẹn ehe na rhie maa ighẹ ivbi irẹn wa khin, Osanobua keghi gie Orhiọn Ovbi ẹre ye uwu ekhọe mwa, Orhiọn ne ọ datu wẹẹ, “Evbavba ne Evbavba.”

Galatia 5:22

Sokpan Orhiọn Ne Ọ Huanrẹn ọre ọ biẹ avbe aho ẹmwẹ ọmwa, oghogho, ọfumwegbe, iziengbe, itohan, ekhọe esi, amuẹntinyan,

Ẹfisọs 4:4

Egbe ọkpa ọre ọ rrọọ kevbe Orhiọn ọkpa, zẹ vbe ne a vbe miẹn wẹ, idaehọ ọkpa ọre ọ rrọọ ne Osanobua tie uwa yi.

Filipai 1:8

Osanobua rẹnrẹn wẹ ẹmwata ọre I ta vbe i a kha wẹ, vbene ẹmwẹ uwa rrọ mwẹ ekhọe, uwu ekhọe Kristi Jesu tobọ ẹre ọre ọ ke rre.

Filipai 3:3

Rhunmwuda, mẹ nọ, ẹ i re iran ọ re a rhie arhuẹ ẹmwata na, rhunmwuda, Orhiọn ọre ima ya ga Osanobua, ma ghi vbe gha ghọghọ ye agbọn ne ima ye vbe uwu Kristi Jesu. Ma i mu ẹtin yan emwi iruemwi ọghe ore egbe.

Kọlose 2:2

Te I ru vberriọ ne a miẹn ehe na rhie igiẹudu vuọn iran iwu, kevbe ne a vbe ya aho ẹmwẹ ọmwa silo iran koko, kevbe ne iran vbe gha mwẹ ọnrẹn ne ọ vuọẹn, ighẹ a i ghi biro eva ne egbe irẹnmwi vberriọ rhie gie ọmwa. Ẹghẹ nii iran ghi do rẹn oro Osanobua ne ọre Kristi tobọ ẹre.

Kọlose 3:12

Emwa Osanobua ọre uwa khin, ọ ho ẹmwẹ uwa, ọ keghi vbe hannọ uwa zẹ ne ọ ya ru ọghọe, rhunmwuda ọnii, wa gha mwẹ ekhọe agiẹngiẹn, itohan imuegberriotọ, ọmẹhẹ, ufumwẹ kevbe iziengbe.

Hibru 6:18

Rhunmwuda ọnii khekherriọ, emwi eva na ọre ọ rrọọ ne ẹ i sẹtin fiwerriẹ, kevbe vbe ekpa ne Osanobua i na sẹtin ta ohoghe. Rhunmwuda ọnii, te ọna rhie igiẹdu ne ima ni lẹ fe ye ehe ne ọ ye nẹ, ne ima da ẹe yi gbain ighẹ idaehọ ne a rhie ima aro yi.

I Pita 1:2

Te a hannọ uwa zẹ vbe emwamwa ekhọe ọghe Osanobua ne Erha, ne Orhiọn rẹn ye uwa khian emwa ni huanrẹn, ne uwa gha họn ẹmwẹ ne Jesu Kristi, ne esagiẹn ọnrẹn kpe uwa iruẹn kua. Ẹsọhẹ kevbe ọfumwegbe gha re ọghe uwa vbene ọ vuọn sẹ omwa fo.

I Jọn 3:24

Ọmwa ne ọ rhirhi ye ẹmwẹ Osanobua ru emwi, Osanobua rre uwu irẹn, rẹn vbe rre uwu Osanobua, vbene ima ya rẹn ighẹ Osanobua rre uwu ima ọre ọre ọna khin: ma rẹnrẹn rhunmwuda Orhiọn ne ọ rhie ne ima.

I Jọn 4:12

Ọmwa ọkpa ne ọ he miẹn Osanobua aro ẹdẹ, ẹ i rrọọ, a deghẹ ma ho ẹmwẹ egbe, Osanobua rre uwu ima, a keghi vbe ya aho ẹmwẹ ọmwa rẹn khian ne ọ gbae vbe uwu ima.

I Jọn 4:16

Ma tobọ mwa rẹnrẹn, ma keghi vbe yae yi ighẹ aho ẹmwẹ ọmwa ne Osanobua mwẹ ghe mwa. Aho ẹmwẹ ọmwa ọre Osanobua khin, ọmwaikọmwa ne ọ rre uwu aho ẹmwẹ ọmwa ọ rre uwu Osanobua, Osanobua vbe rre uwu irẹn.