Filipai 1:4 - Edo Bible (E Baibol Ẹdo) Version 1996

⁴ Ẹghẹikẹghẹ ne I rhirhi a ya na erhunmwu ne uwa, ẹko ọyẹnmwẹ ọre I ya na ẹn.

Filipai 1:4 ပူးပေါင်းရင်းမြစ်များ

Iyẹn ne ọ Maan Ọghe Mak 5:5

Ke asọn kevbe avan, ọre ọ ya hẹ yo yẹ rre vbe uwu itẹ kevbe uhunmwu oke, ọ ghi gha goo, ọ ghi gha ya okuta giagia egbe ẹre.

Iyẹn ne ọ Maan Ọghe Luk 15:10

Ne I tama uwa, erriọ ọre ọyẹnmwẹ sẹ avbe odibo Osanobua ye ọmwa orukhọ ọkpa ne ọ fi werriẹ.”

Iyẹn ne ọ Maan Ọghe Luk 15:7

Ne I tama uwa, erriọ ọ wa vbe ye zẹ, ọmwa orukhọ ọkpa ne ọ fi ekhọe werriẹ, ọ re a rhunmwuda ẹre ghọghọ vbe ẹrinmwi sẹ ọkpairrọvbiyisẹn ni ma fi owẹ dọn.

Ebe ne Pọl gbẹẹn gie emwa Rom 1:9

Osanobua ne imẹ ya ekhọe mwẹ hia ga vbe uwu ne I na ya ekhọe mwẹ hia kpe orhu Iyẹn Ne ọ maa rẹnrẹn ighẹ ẹghẹ ne I ya na erhunmwu hia ọre I ya ye uwa rre.

Filipai 2:2

I ya tua uwa khekherriọ wẹ ne uwa ya ẹko mwẹ rhiẹnrhiẹn fo, vbe ekpa ne uwa gha na gha mwẹ ekhọe ọkpa, wa gba gha ho ẹmwẹ egbe, ne uwa vbe gha re ọkpa vbe orhiọn kevbe ekhọe.

Filipai 3:18

Ẹ i re avbiẹ inugba ọre I he ka ta ẹmwẹ na ma uwa yi, te I ghi vbe dọlegbe ta ẹe na, ke imẹ kevbe ameve vbe aro mwẹ, emwa ni bun rrọọ ne uyinmwẹ iran ya khian eghian uwu ne Kristi wu vbe uhunmwu ugbugbe.

Filipai 4:1

Rhunmwuda ọnii nian, wa ne etẹn mwẹ, etẹn mwẹ ni ghan mẹ ẹsẹse, ẹmwẹ uwa wa da mwẹ, wa keghi ka ye ẹko mwẹ rhiẹnrhiẹn ẹsẹse, te imẹ ghi ye uwa ghan nian, etẹn mwẹ nighan, erriọ zẹẹ ọre ọ kere ne uwa mudia gbain vbe ẹdẹ agbọn uwa vbe uwu Nọyaẹnmwa.

Kọlose 2:5

Rhunmwuda, a gha rhe miẹn wẹ vbe ekpa ọghe orhiọn, I vbe ghọghọ vbe I miẹn vbene uwa tọn ighighian owẹ ye otọ ya gba gha ya egbe khian hẹ vbe iyayi vbe uwu Kristi.

I Tẹsalonaika 1:2

Ẹghẹ hia ma ya kpọnmwẹ Osanobua ne uwa hia, ne ima na vbe ye uwa rre vbe erhunmwu.

Failimọn 1:7

Ọtẹn mwẹ ne ọ ghan, aho ẹmwẹ ọmwa ruẹn wa yẹ ọyẹnmwẹ sẹ mwẹ ẹsẹsẹmwẹse, ọ keghi vbe rhie ẹtin yọ mwẹ iwu, rhunmwuda, u ye ekhọe emwa Osanobua hia gua kpao.

II Jọn 1:4

Umiẹn vbene ẹko rhiẹnrhiẹn mwẹ uan hẹ, vbe I miẹn wẹ eso vbe avbe ivbi uẹ rrọọ vbe uwu ẹmwata zẹ vbene Evbavba yi ẹre iyi ne ima.