Filipai 1:23 - Edo Bible (E Baibol Ẹdo) Version 1996

²³ Te aro mwẹ ghi rre eran rre eran. Ọ wa khọn mwẹ ne I sẹ agbọn na rae ne I ya tota ke Kristi, ọnii ọ wa re emwi ne ọ maa sẹ ẹsẹse.

Filipai 1:23 ပူးပေါင်းရင်းမြစ်များ

II Samuẹl 24:14

E Devid keghi wanniẹn, “Te I la ẹmwẹ na! Sokpan, I i ho ne emwa nagbọn rriọmwẹ oya. Gie Nọyaẹnmwa tobọ ẹre rri ima oya, rhunmwuda, ọ mwẹ itohan.”

Psalm 17:15

Sokpan, mẹ gha miẹn uwẹ aro, rhunmwuda, I ma ru khọ. I gha rhiọrre, ẹko mwẹ gha vuọn ne oghọghọ rhunmwuda ighe wẹ rre evba.

Psalm 49:15

Sokpan, Osanobua gha miẹn mwẹ fan ọ gha fan mwẹ yotọ vbe obọ ẹtin uwu.

Iyẹn ne ọ Maan Ọghe Luk 12:50

I mwẹ isamẹ ọkpa ne I gha yegbe miẹn. U miẹn vbe egbe mannọ mwẹ hẹẹ, ọ te do fo vbe otọ!

Iyẹn ne ọ Maan Ọghe Luk 23:43

Jesu keghi tama rẹn wẹẹ, “I tama ruẹ nian, ẹrẹna, u gha gun mwẹ gha rre Paradais.”

Iyẹn ne ọ Maan Ọghe Luk 8:38

Okpia ne avbe orhiọn esu ladian vbe egbe ẹre keghi rinmwian Jesu wẹẹ, “Gun mwẹ lele uẹ.” Sokpan Jesu keghi gie ẹe werriegbe wẹẹ,

Iyẹn ne ọ Maan Ọghe Jọn 12:26

Ọmwa ne ọ ho ne ọ gha ga mwẹ, ọ kere ne ogha lele mwẹ, ọnii nọ wẹẹ, ehe ne imẹ ye ọre ọguọmwadia mwẹ gha vbe gha ye. Erha mwẹ gha ye ọghọ ne ọmwa ne ọ rhirhi ga mwẹ.

Iyẹn ne ọ Maan Ọghe Jọn 13:1

A ghi tie ẹre akhuẹ ọrọre Emwiukpo Alagberra, Jesu rẹn nẹ wẹ ẹghẹ sẹe nẹ ne irẹn gha ya kpao vbe agbọn na ne ọ bu Evbavba gha khian. Ọ kakabọ ho ẹmwẹ iran ni re ọghọe vbe agbọn na, te ọ wa ho ẹmwẹ iran ya sẹ ufomwẹ.

Iyẹn ne ọ Maan Ọghe Jọn 14:3

Mẹ gha ghi ya te ẹre ye otọ khẹ uwa nẹ, I gha dọlegbe gha dee do viọ uwa ba egbe, ne uwa miẹn ehe na gha rre ehe ne imẹ ye.

Iyẹn ne ọ Maan Ọghe Jọn 17:24

“Evbavba, u viọ iran mẹ nẹ, I ho ne iran gun mwẹ gha rre ehe ne imẹ ye ne iran miẹn ehe na ya aro iran miẹn uyi mwẹ, uyi ne u rhie mẹ, rhunmwuda, vbe a te do yi agbọn na wẹ ka gha ho ẹmwẹ mwẹ nẹ.

Iwinna 7:59

Iran kegha filo okuta gbe Stivin vbe ne ọ ya da tie eni Nọyaẹnmwa nii, “Nọyaẹnmwa Jesu rhan obọ miẹn orhiọn mwẹ.”

II Kọrinti 5:8

Udu wa hu ima, ọ gha te yẹ ima sẹ ne a kpao sẹ owa ikinnegbe mwa na rae, ne ima ya gu Nọyaẹnmwa gha rrọọ.

II Kọrinti 6:12

Ma ma mu iyeke ẹmwẹ ma uwa, wa ọkpa ọre ọ mu iyeke ẹmwẹ ma ima.

Filipai 1:24

Sokpan, rhunmwuda uwa, ne ọ he ru ekpataki sẹẹ ọrọre ne I gha rre agbọn.

I Tẹsalonaika 2:1

Rhunmwuda, wa tobọ uwa rẹnrẹn etẹn mwẹ, wẹ otuẹ ne ima mu rrie ehe ne uwa ye i re ọghe akuọkan.

I Tẹsalonaika 2:13

Ọna ọre emwi ne ọ vbe si ẹe ne ima na rhie ekpọnmwẹ ne Osanobua vbe ẹghẹ hia. Ugbẹn vbe ima do kpe orhu ẹmwẹ Osanobua mwa uwa, wa họn ẹn, wa keghi vbe miẹn ẹnrẹn ye ehọ, ẹ i re zẹ vbe ẹmwẹ emwa ne agbọn kẹkan, sokpan zẹ vbe ẹmwẹ Osanobua ne ọ gele khin. Rhunmwuda Osanobua rre uwu ẹbu uwa ni yayi winna.

I Tẹsalonaika 4:17

vbe iyeke ọnii, ma ni gha a rre agbọn vbe ẹghẹ nii, a ghi si ima hia koko ba iran vbe ideghedeghe iso, ne a ya vba Nọyaẹnmwa vbe aro iso. Ẹghẹ nii, ma ghi gha gu Nọyaẹnmwa rrọọ ẹdẹdẹmwẹdẹ.

II Timoti 4:6

Zẹ vbe ọghomwẹ, ẹghẹ ne a ra na ya mwẹ zọ ese, sẹ nẹ nian, ẹghẹ sẹ nẹ ne I ra ya fi agbọn na ye otọ.

Arhie Maan 14:13

Iyeke ọnii, I keghi họn urhu ọkpa ke ẹrinmwi rre wẹ, “Gbẹn emwi na ye otọ. Ọ maa ne iran ni wulo nẹ, iran ni gha wulo vbe uwu iwinna Nọyaẹnmwa ke eban kpao!” Orhiọn nii keghi wanniẹn wẹ, “Erriọ zẹẹ wa nọ. Iran gha ghọghọ ye ne iran na kẹtin vbe uwu iwinna ne ọ wo vbe egbe, rhunmwuda ere iwinna ne iran winnaẹn ọre iran rhie mwẹ obọ.”