Filipai 1:10 - Edo Bible (E Baibol Ẹdo) Version 1996

¹⁰ Ne uwa miẹn ehe na sẹtin gha zẹ emwi ne ọ maa sẹ. Ẹghẹ nii, wa ghi fe vbe obọ a ma ru emwi la uro kevbe a gu ọmwa gui vbe Ẹdẹ Kristi.

Filipai 1:10 ပူးပေါင်းရင်းမြစ်များ

Gẹnẹsis 20:5

Ebraham khare wẹẹ, ‘Ọtẹn mwẹ nokhuo nọ,’ rẹn tobọ ẹre kevbe kha wẹẹ, ‘Ọtẹn mwẹ nokpia nọ.’ Ẹko ẹmwata ọre I ya ru emwi na, I ma ru khọ.”

Job 12:11

Sokpan, zẹ vbene evbare ne a danmwẹ rhiẹnrhiẹn aranmwẹ ruẹn, erriọ ọ re ẹmwẹ ne a họn vbe rhiẹnrhiẹn ehọ ruẹ.

Job 34:3

A gha danmwẹ evbare, ọ re a na rẹn ne ọ rhiẹnrhiẹn vbọ sokpan a i ya ehọ rẹn ẹmwẹ ẹwaẹn vbe a gha họn ẹn.

Maika 3:2

Sokpan, ohu emwi esi ghi gha mu uwa, wa ghi gha ho ẹmwẹ emwi dan, wa gha zẹlẹ emwa mwẹ ohian, ke iran kevbe ẹmwẹ ne unu, wa keghi gbẹn ugboloko iran hia.

Matiu 16:23

Jesu keghi fiegbe werriẹ, ọ tama Pita wẹẹ, “Kpao vbe ehe ne I ye rre, Setan. Idobo ọre u khin mwẹ re, rhunmwuda iro ne u zẹ ọghe emwa ne agbọn nọ, ẹ i re ọghe Osanobua.”

Matiu 26:33

Pita na wanniẹn tama Jesu wẹẹ, “Ọ gha khọn iran ni dekẹe ne iran lẹ sẹ uẹ rae mẹ i ra sẹ uẹ rae ẹdẹdẹmwẹdẹ.”

Iyẹn ne ọ Maan Ọghe Jọn 1:47

Ugbẹn vbe Jesu ghi bẹghe Nataniẹl Vbe ọ bu ẹre dee, ọ wẹẹ, “Ghe Ovbi Izrẹl vbe ẹmwata, ẹko ne ero i ye.”

Iyẹn ne ọ Maan Ọghe Jọn 3:20

Uwanmwẹ i yẹ ọmwa ne ọ ru ọkhọ, ẹ i vbe ladian idagbo, rhunmwuda ẹ i ho ne agbọn rẹn ọkhọ ne irẹn ru.

Iwinna 24:16

Rhunmwuda ọnii ọre I na lo ẹtin mwẹ hia wẹ ne orhiọn mwẹ ghẹ sẹ osẹe gbe mwẹ vbe odaro Osanobua kevbe emwa ne agbọn.

Ebe ne Pọl gbẹẹn gie emwa Rom 12:2

Wa ghẹ ya egbe ba emwi ne agbọn na ru, sokpan wa gie Osanobua fi uwa werriẹ vbe uwu egbe vbe ekpa ne ọ gha na fi ekhọe uwa werriẹ. Ẹghẹ nii wa gha na sẹtin rẹn emwi ne Osanobua ho emwi ne ọ maa, ne ọ yẹ ọre kevbe ne ọ gbae.

Ebe ne Pọl gbẹẹn gie emwa Rom 12:9

Wa gie aho ẹmwẹ ọmwa gha re ne ọ sẹ otọ ẹko. Ghẹ gha ma ẹko emwi dan. De obọ mu emwi esi.

Ebe ne Pọl gbẹẹn gie emwa Rom 16:17

Gun mwẹ tama uwa etẹn mwẹ, wa gha baba iran ni si iwannegbe rre ne iran na vbe mu iyayi emwa eso rhia ye iran obọ, iran ni ghe odan ye iruẹmwi ne uwa ka rhan obọ miẹn nẹ, wa gha lẹ ne iran.

Ebe ne Pọl gbẹẹn gie emwa Rom 2:18

U rẹn emwi ne Osanobua ho ne u gha ru, nene Uhi vbe ma ruẹn re nẹ ne u gha dobọ mu emwi ne ọre ne ọkere.

Ebe ne Pọl gbẹẹn gie emwa Rom 7:16

A deghẹ ẹ i re emwi ne ọ rrọ mwẹ ekhọe ne I ru, ọre I gele ru, ọnii rhie maa ighẹ mẹ rhie obọ yọ wẹ nene uhi gbae.

Ebe ne Pọl gbẹẹn gie emwa Rom 7:22

Sokpan otọ ẹko mwẹ ghi gha sẹ ọyẹnmwẹ ye uhi Osanobua.

Ebe ne Pọl gbẹẹn gie emwa Rom 8:7

Rhunmwuda ọnii, a deghẹ egbe zẹ vbene a yiẹe ọre ọ gie odẹ emwi ne ọmwa gha ru ma ọmwa, ọmwa ni khian oghian Osanobua nẹ, rhunmwuda, ẹ i ghi zẹ ye vbene uhi Osanobua kha re, vbe ẹmwata, rẹn i ghi vbe sẹtin zẹ yọ.

I Kọrinti 1:8

Rẹn gha ya uwa mudia gbain ya sẹ ufomwẹ, ne a miẹn ehe na miẹn wẹ, ọ gha sẹ Ẹdẹ Jesu Kristi Nọyaẹnmwa, wa ghi gha re emwa ne a miẹn wẹ ẹ i mwẹ abe.

I Kọrinti 10:32

Gha yin vbene a gha na miẹn wẹ u ma hẹ vba avbe Ju ra iran ne ẹ i re Ju ra esọsi Osanobua.

I Kọrinti 8:13

A deghẹ evbare sẹtin ya etẹn mwẹ ru orukhọ, mẹ tobọ mwẹ i ghi rri emiowo ẹdẹ, ne I ghẹ ya ya ọtẹn mwẹ ru orukhọ.

II Kọrinti 1:12

Emwi ne ima ya ghagha ọ na khin: ekhọe mwa tama mwa wẹ, uyinmwẹ mwa vbe agbọn na, ibiba vbe ne ima vbe uwa gba ya ye egbe khian hẹ, a ta ẹmwata kevbe a i zẹ ibeleku ọrọre okpo ne ọ da ẹe yi, vbe ekpa ẹtin ẹsọhẹ Osanobua nọ, ighẹ ẹ i re vbe ekpa iguemwi emwa ne agbọn.

II Kọrinti 2:17

Ma i ye vbe emwa ọvbehe ne ọ ye obọ mu ẹmwẹ Osanobua vbene a miẹn wẹ emwi ne ọ ro puẹkẹ nọ, sokpan rhunmwuda wẹ Osanobua gie ima nẹ, ma kegha ye ẹkoata ta ẹe vbe odaro ẹre zẹ vbe eguọmwadia Kristi.

II Kọrinti 6:3

Ma ma ho ne ọmwaikọmwa do gha zan iwinna mwa, rhunmwuda ọnii, ma i vbe mu idobo ye ọmwarhọkpa egbe.

II Kọrinti 8:8

Ẹ i re te I vinnọ uhi ye otọ, sokpan, I gha ta vbene emwa ọvbehe gbe igiangian ye ẹmwẹ iyobọ ne a ru hẹ, te I ho ne I rẹn vbene aho ẹmwẹ ọmwa uwa re ọghe ẹmwata hẹẹ.

Galatia 5:11

Sokpan zẹ vbe ọghomwẹ, etẹn mwẹ, de emwi ne a ghi khu mwẹ khian ba yi a deghẹ te imẹ kpe orhu ẹre wẹ arhuẹ mwẹ esa ne ọ ye? Akpawẹ ẹmwata ọnii khin, orhu ne I kpe vbe ekpa ugbugbe Kristi ghẹ i gha si ẹmwẹ.

Ẹfisọs 4:15

Sokpan ọ kere ne ima gha la odẹ hia wan bu vbene ọ khin ighẹ Kristi, ne ọ re ọdia ọghe ehia vbe ekpa ne ima gha na gha ya orhiọn aho ẹmwẹ ọmwa ta ẹmwata.

Ẹfisọs 5:10

Wa hia ne uwa gha ruẹ emwi ne ọ yẹ Nọyaẹnmwa.

Ẹfisọs 5:27

Ne ọ miẹn ehe na rhie esọsi gi egbe irẹn, ke ẹe kevbe ose ẹre hia, ne ọ huanrẹn kevbe ne ẹ i mwẹ okan, ne emwi ma sa, ne ọ ma bunnọ ikuẹnkuẹn, kevbe ne ẹ i mwẹ ehe ne ọ kẹe yi hiehiere.

Ẹfisọs 6:24

Te ẹsọhẹ Osanobua gha gu emwa hia ni mwẹ aho ẹmwẹ ọmwa ne ẹ i worua ghe Nọyaẹnmwa Jesu Kristi gha rrọọ.

Filipai 1:16

Aho ẹmwẹ ọmwa ọre ọ ya iran na ru vberriọ, rhunmwuda iran rẹnrẹn wẹ te Osanobua yae fian okhuo mẹ wẹ, ne I ya gha mu ẹzọ iyẹn ne ọ maa na gui.

Filipai 1:6

Rhunmwuda ọnii, aro mwẹ wa da ọna wẹ, Osanobua nọ suẹn iwinna esi na vbe uwu uwa, gha ru ẹe gha khian rhinrin a te do ru ẹe fo, vbe Ẹdẹ Kristi Jesu.

Filipai 2:16

Wa gha ru vberriọ, wa gha gun mwẹ ya zọmọ vbe Ẹdẹ Kristi, rhunmwuda ọ gha rhie maa wẹ edomian kevbe iwinna mwẹ, ẹ i re ne a mu rhia.

I Tẹsalonaika 3:13

Vbenian ọre ọ ra na ye orhiọn uwa wo vbe egbe, wa ghi do gha re ne ọ gbae kevbe ne ọ huanrẹn vbe odaro Osanobua mwa kevbe Erha mwa, vbe ẹghẹ ne Jesu gha na rre, irẹn kevbe iran ni re ọghọe.

I Tẹsalonaika 5:21

Wa gha danmwẹ emwi hia ghe, wa ghi gba enọma vbọ mwẹ obọ.

I Tẹsalonaika 5:23

Te Osanobua ne ọ rhie ọfumwegbe ne ima gha wa ye uwa khian ọghọe fo, ne ọ rhie emwi ne uwa khin hia, egbe, ekhọe kevbe orhiọn uwa mwẹ vbe ne a i na mwẹ abe vbe oghẹ urremwẹ Nọyaẹnmwa Jesu Kristi.

Jọsua 24:14

“Banbanna nian khekherriọ,” wa ya uhunmwu rhanmwẹ otọ ne Nọyaẹnmwa, “ne uwa ye ẹkoata gae vbe ẹmwata. Wa mianmian avbe ẹbọ ne avbe erha uwa odede te gha ghoo vbe Mẹsopotamia kevbe Igipt ne uwa gha ga e Nọyaẹnmwa, ọkpa kẹkan.

I Jọn 4:1

Wa ne ọse mwẹ ni ghaan, wa ghẹ gha ya iran hia ni kha ighẹ iran mwẹ nene Orhiọn yi, sokpan wa ghi ka danmwẹ ọẹn ghe nẹ ne uwa miẹn ehe na rẹn a deghẹ obọ Osanobua ọre nene orhiọn ne iran mwẹ ke rre. Rhunmwuda avbe akhasẹ ohoghe ni bun wa vẹ gba ehe hia.

Arhie Maan 2:2

I rẹn emwi ne u ru nẹ. I rẹn vbene u kakabọ winna hẹ, kevbe vbene u ziengbe emwi sẹ hẹ. I rẹnrẹn wẹ u i rhie otọ ne avbe emwa dan, u vbe danmwẹ iran ghe nẹ, ighẹ iran ni wẹ ukọ iran khin, vberriọ iran i zẹdẹ re ọre, u keghi gualọ otọ iran miẹn wẹ ọhọn ohoghe iran khin.