Failimọn 1:9 - Edo Bible (E Baibol Ẹdo) Version 1996

⁹ Sokpan aho ẹmwẹ ọmwa ọre ọ ghi ya mwẹ wẹ, te I gha rinmwian. Erriọ I gha ru ẹe, a gha rhie miẹn wẹ, mẹ ne Pọl nọ, ọmwa ne ọ re ukọ ne Kristi ya zẹ ihe egbe, kevbe zẹ vbene ọ ye banbanna, I keghi vbe rhunmwuda ẹre gha re oleghan.

Failimọn 1:9 ပူးပေါင်းရင်းမြစ်များ

Psalm 71:18

Ugbẹn vbe I ghi khian ọmaẹn nẹ nian vbe I ghi fu edẹ, ghẹ he mwẹ ye otọ Nọyaẹnmwa! Gun mwẹ gha rrọ vbe I a gha na iyẹn, ẹtin kevbe iwegbe ruẹ, ma avbe orre ni gha he rre.

Psalm 71:9

Ghẹ he mwẹ ye otọ, vbe I khian ọmaẹn nẹ nian. Ghẹ fi iyeke gbe mwẹ vbe egbe mwẹ guọghọ nẹ.

Itan 16:31

Utọmwẹ ọrọre ere ẹmwata, ede uyi ọ re edẹ khin.

Aizaia 46:4

Mẹ ọrọre Osanobua uwa, I gha gbe aro ghe uwa rhinrin wa te do khian ọmaẹn, ne uwa fu edẹ. Mẹ ọ re ọ yi uwa, I gha gbearoghe uwa I gha rhie iyobọ ne uwa, I ghi fannọ uwa vbe irri.

Ebe ne Pọl gbẹẹn gie emwa Rom 12:1

Rhunmwuda ọnii etẹn mwẹ, I la ekpa itohan nọkhua ọghe Osanobua ghe emwa rinmwian uwa ne uwa ya egbe uwa fi ohan ne Osanobua zẹ vbe emwi izọ ese ne ọ ye rre agbọn, ne ọ mu aro ye ẹmwẹ iwinna ẹnrẹn, kevbe ne ọ vbe yẹ ọre. Ọnọna ọrọre ugamwẹ ẹmwata ne uwa gha rhie nẹẹn.

II Kọrinti 5:20

Eban nian, te ima ghi guan ne Kristi khekherriọ, vbene a miẹn wẹ Osanobua tobọ ẹre ọre ọ wa la uwu ima gha gu uwa guan ne Kristi. Ma rinmwian uwa, wa gie Osanobua fi uwa werriẹ hin eghian rre ghe ọse.

II Kọrinti 6:1

Vbe uwu iwinna ne ima vbe Osanobua gba winna, ma rinmwian uwa khekherriọ, wa miẹn ẹsọhẹ Osanobua rhie nẹ, wa ghẹ i gi ẹe gha re ne a mu rhia.

Galatia 3:26

Rhunmwuda, vbe ekpa iyayi, ọre uwa hia na re ivbi Osanobua, vbe uwu a ya egbe ba Kristi Jesu.

Ẹfisọs 3:1

Rhunmwuda ọnọna, mẹ ne Pọl ne oleghan Kristi Jesu rhunmwuda uwa ne ẹ i re Ju, na erhunmwu ghe Osanobua.

Ẹfisọs 4:1

Rhunmwuda ọnii, I mobọ yatua uwa, mẹ ne ọre oleghan rhunmwuda ighẹ I ga Nọyaẹnmwa, wa gha ru emwi zẹ vbene ọ sikẹ ukpo ne Osanobua mwa ne uwa, vbe ẹghẹ ne ọ na tie uwa.

Ẹfisọs 6:20

Iyẹn ne ọ maa na ọre I rhunmwuda ẹre re ukọ, a gha rhe miẹn ighẹ uwu eghan ọre I ye banbanna. Rhunmwuda ọnii, na erhunmwu, ne I gha guan vbe ne a i na fian afianma, zẹ vbe ne ọ kere ne I gha ru.

I Timoti 1:12

I kpọnmwẹ Kristi Jesu Nọyaẹnmwa, ọmwa ne ọ rhie ẹtin mẹ ya winna iwinna mwẹ. I kpọnmwẹ ọẹn ye ne ọ na ka mwẹ ye ọmwa ne ọ kere, ọ keghi zẹ mwẹ yọ wẹ ne I gha ga irẹn.

Taitọs 2:2

Tama avbe eniwanrẹn wẹ, te ọ kere ne iran gha re emwa ni gba ọghọ ginna egbe, ni mwẹ ẹwaẹn vbe uhunmwu kevbe ni i balọ egbe, ni iran gha re emwa ni mudia ẹse vbe iyayi, aho ẹmwẹ ọmwa kevbe iziengbe.

Hibru 13:19

I rinmwian uwa ne uwa na erhunmwu, ne Osanobua rhe rhe dọlegbe rhie mwẹ bu uwa gha dee.

I Pita 2:11

I rinmwian uwa, wa ne avbe ọse mwẹ, zẹ vbe avbe erhunmwuyẹn kevbe emwa ne ọlọghọmwa werrie ẹre owa vbe agbọn na! Wa ghẹ rhie otọ ne orriarria egbe, emwi ne ọ gu orhiọn gbinna vbe ẹghẹ hia.

Giọgis 21:22

A deghẹ erha iran ra etẹn iran ghi rre do gui, ma gha sẹtin tama iran wẹẹ, ‘Wa lahọ, wa sẹ iran rae ne ima, ẹ i re okuo ma na munọ iran do ya khian amwẹ ima. Vbene a ghi na miẹn wẹ wa ma ya iran ne ima, wa ma rri ihẹn ne uwa vẹn!’ ”