Failimọn 1:4 - Edo Bible (E Baibol Ẹdo) Version 1996

⁴ Failimọn ne ọtẹn mwẹ, ẹghẹ ne I rhirhi ya na erhunmwu hia, ọre I ya so eni ruẹn, I ghi rhie ekpọnmwẹ ne Osanobua.

Failimọn 1:4 ပူးပေါင်းရင်းမြစ်များ

Ebe ne Pọl gbẹẹn gie emwa Rom 1:8

Vbe okaro I kpọnmwẹ Osanobua mwẹ ne uwa hia vbe kpa Jesu Kristi rhunmwuda, uhunmwu otọ agbọn hia wa họn ẹmwẹ iyayi uwa.

Ẹfisọs 1:16

I ma he da obọ yi vbe ekpọnmwẹ ne I rhie ne Osanobua ne uwa. I ye uwa rre vbe uwu erhunmwu mwẹ.

Filipai 1:3

Ẹghẹikẹghẹ ne I rhirhi a ya mu ẹmwẹ uwa ro, ọre I ya kpọnmwẹ Osanobua mwẹ ne uwa hia.

Kọlose 1:3

Ẹghẹ hia ọre ima ya kpọnmwẹ Osanobua ne Erha Nọyaẹnmwa vbe ima a gha na erhunmwu ne uwa.

I Tẹsalonaika 1:2

Ẹghẹ hia ma ya kpọnmwẹ Osanobua ne uwa hia, ne ima na vbe ye uwa rre vbe erhunmwu.

II Tẹsalonaika 1:3

Te ima gha kpọnmwẹ Osanobua ne uwa vbe ẹghẹ hia etẹn mwẹ. Ọ kere ne ima gha ru vberriọ, rhunmwuda, iyayi uwa wa mobọ wan yọ, kevbe aho ẹmwẹ ọmwa ne uwa mwẹ ghe egbe, wa vbe mu otọ yọ.

II Timoti 1:3

I kpọnmwẹ Osanobua, ọmwa ne I ya ekhọe sẹẹnrẹn ga, zẹ vbe ne avbe erha mwa odede vbe ru. I ghi gha kpọnmwẹ ọẹn vbe ẹghẹ hia ne I ya ye ruẹ rre vbe erhunmwu mwẹ, asọn kevbe avan.

Failimọn 1:5

Rhunmwuda I họn ẹmwẹ aho ẹmwẹ ọmwa ne u mwẹ ghe emwa Osanobua hia, kevbe iyayi ne u mwẹ vbe uwu Nọyaẹnmwa Jesu.