Failimọn 1:24 - Edo Bible (E Baibol Ẹdo) Version 1996

²⁴ Erriọ vbe nọ, ihomwa ne ima gba winna ighẹ avbe Mak, Aristakọs, e Demas kevbe Luk vbe wẹ uwa do.

Failimọn 1:24 ပူးပေါင်းရင်းမြစ်များ

Iwinna 12:12

Rẹn ghi ghe vbene emwi hia ye hẹ. ọ kegha rrie owa Meri ne iye Jọn Mak, Emwa ni bun keghi si koko ye evba gha na erhunmwu.

Iwinna 12:25

Banabas kevbe Sọl ghi winna iwinna ne a gie iran ẹre fo nẹ, iran keghi werriegbe ke Jerusalẹm gha dee, iran keghi rhie Jọn Mak ba egbe gha dee.

Iwinna 13:13

Pọl ke ẹe kevbe otu ẹre keghi gua okọ ke Pafọs gha die Pẹga ne ọ rre Pamfilia, sokpan Jọn Mak keghi sẹ iran rae vbe evba, ọ na gha rrie Jerusalẹm.

Iwinna 19:29

Utumwẹ na keghi wa la ẹvbo khinkhian. Iran ni si ọbọbọ e rhia rua ni, keghi mu Gaiọs kevbe Aristakọs ne ivbi e Masidonia eva ni lele Pọl khian, iran na silo iran gha rrie adesẹ ughe.

Iwinna 27:2

Ma keghi la okọ vbe Adramitiọm, okọ keghi ra kpao gha rrie eghute otọe Esia ne ọ ke evba gua kpao. Aristakọs ne ovbi e Masidonia ọkpa ne ọ ke Tẹsalonaika rre, keghi deba ima.

II Kọrinti 8:23

Zẹ vbe ọ ghe Taitọs, ogieva mwẹ ne ọ gun mwẹ winna nọ ne a ya ye uwa obọ. Zẹ vbe ọghe avbe etẹn nekpa ni lele ẹe dee, emwa ne dọmwadẹ esọsi zẹe iran khin ne iran rhie uyi gie Jesu.

Filipai 2:25

I roro ẹe wẹ, ọ kere ne I gi ẹe bu uwa gha dee ighẹ Epafroditọs, ọmwa ne ọ mudia ke mwẹ vbe iwinna kevbe igbinna, ọmwa ne uwa vbe miẹn gha gie ẹre uhunmwu vbe iyobọ ne uwa ru mẹ.

Filipai 4:3

Kevbe uwẹ, ogieva mwẹ ne ekhọe esi ne ima gba winna kugbe, lahọ ru iyobọ ne avbe ikhuo na, rhunmwuda, iran mobọ kakabọ gun mwẹ winna vbe uwu ne a na kpe orhu iyẹn ne ọ maa, kevbe Klẹmẹnt kevbe avbe iho mwa nekpa ne ima gba winna, eni emwa ne a gbẹnnẹ ye uwu ebe ẹfe ọghe Osanobua nẹ.

Kọlose 4:10

Aristakọs, ọmwa ne ọ gun mwẹ rre eghan, ke ẹe kevbe Mak ne ọtẹn Banabas wẹ uwa do. (A ka tama uwa nẹ wẹ ne uwa rhan obọ miẹn rẹn vbe ọ gha rrie ehe ne uwa ye.)

Kọlose 4:14

Luk ne ọbo mwa ne ọ ghan, kevbe Demas we uwa do.

I Pita 5:13

Esọsi ne ogieva uwa ne ọ rre Babilọn, ne Osanobua vbe tobọ ẹre hannọ zẹ, wẹ uwa do, erriọ zẹẹ vbe nọ ighẹ Mak ne ovbi mwẹ.

III Jọn 1:8

Rhunmwuda ọnii, ọ kere ne ima ni re eniyayi gha ye avbe emwa na obọ, ne ima miẹn ehe na gha mwẹ oghae vbe iwinna ne iran winna ne ẹmwata.