Failimọn 1:20 - Edo Bible (E Baibol Ẹdo) Version 1996

²⁰ Rhunmwuda ọnii, ọtẹn mwẹ, lahọ ya emwi na ghe mwẹ aro, vbe ekpa ọghe Nọyaẹnmwa, ya ẹko mwẹ rhiẹnrhiẹn zẹ vbe ọtẹn vbe uwu Kristi.

Failimọn 1:20 ပူးပေါင်းရင်းမြစ်များ

I Kọrinti 16:18

Iran ọre ọ ghi gha ya egbe rhorho mwẹ zẹ vbene iran vbe gha ya egbe rhorho uwa. Emwa vberriọ wa ke ne a rẹn ẹsẹse.

II Kọrinti 2:2

Rhunmwuda, mẹ gha ghi rhia uwa ekhọe rua nẹ, de ọmwa ne ọ gha ghi ya ẹko mwẹ rhiẹnrhiẹn? Iran nii te nọ ne imẹ rhia ẹre ekhọe rua.

II Kọrinti 7:13

Ọnii ọre ọ si ẹe ne udu na gha hu ima. Ẹ i re wẹ ọ ya udu gha hu ima ọkpa, Taitọs keghi wa ye ọyẹnmwẹ sẹ mwẹ vbe ekpa vbene ẹko rhiẹnrhiẹn ọen ye vbene uwa hia sẹ oyaya muẹn hẹ.

Filipai 1:8

Osanobua rẹnrẹn wẹ ẹmwata ọre I ta vbe i a kha wẹ, vbene ẹmwẹ uwa rrọ mwẹ ekhọe, uwu ekhọe Kristi Jesu tobọ ẹre ọre ọ ke rre.

Filipai 4:1

Rhunmwuda ọnii nian, wa ne etẹn mwẹ, etẹn mwẹ ni ghan mẹ ẹsẹse, ẹmwẹ uwa wa da mwẹ, wa keghi ka ye ẹko mwẹ rhiẹnrhiẹn ẹsẹse, te imẹ ghi ye uwa ghan nian, etẹn mwẹ nighan, erriọ zẹẹ ọre ọ kere ne uwa mudia gbain vbe ẹdẹ agbọn uwa vbe uwu Nọyaẹnmwa.

Failimọn 1:12

I khian gi ẹe werriegbe bu ruẹ gha dee nian, vbene ọ dee orhiọn mwẹ lele ẹe dee.

Failimọn 1:7

Ọtẹn mwẹ ne ọ ghan, aho ẹmwẹ ọmwa ruẹn wa yẹ ọyẹnmwẹ sẹ mwẹ ẹsẹsẹmwẹse, ọ keghi vbe rhie ẹtin yọ mwẹ iwu, rhunmwuda, u ye ekhọe emwa Osanobua hia gua kpao.

Hibru 13:17

Wa gha họn ẹmwẹ ne avbe ọkaolotu uwa, wa gha ru vbene iran kha re. Iran ọre ọ gbe aro ghe orhiọn uwa vbe ne a i na hẹwẹ, rhunmwuda ighẹ iran na iyẹn iwinna iran ma Osanobua. Wa ghẹ ghi gha họn ẹmwẹ ne iran nẹ, iran ghi gha ya ọyẹnmwẹ winna iwinna iran, a deghẹ ẹ i ghi ye rriọ, iran ghi gha ye ẹkorriaramwẹ winnaẹn, iyobọ ọkpa i rrọọ ne ọnii gha ru ne uwa.

I Jọn 3:17

Adeghẹ ọmwa re ọmwa ne ọ fe, ọ keghi miẹn wẹ ọtiọnrẹn rre uwu a i mwẹ, sevba ekhọe ẹre keghi ye rri ghe ọtiọnrẹn, vbe ọ gha na sẹtin kha hẹ yi wẹ, aho ẹmwẹ ọmwa Osanobua rre uwu ekhọe ẹre?

III Jọn 1:4

Emwi ọkpa i rrọọ ne ọ ghi ya ẹko mwẹ rhiẹnrhiẹn gberra ọnii vbe i họn wẹ ivbi mwẹ wa rrọọ vbe uwu ẹmwata nii.