Ẹzra 9:7 - Edo Bible (E Baibol Ẹdo) Version 1996

⁷ Ke ẹghẹ avbe erha mwa odede gha dee do sẹ banbanna, ma ne emwa ruẹn kakabọ ru orukhọ ẹsẹse, rhunmwuda orukhọ ne ima ru, ma kevbe avbe ọba mwa kevbe avbe ohẹn mwa, keghi dele ye obọ avbe ọba ẹvbo ọvbehe, a keghi rẹnkhẹn ima, a rha ima, a keghi vbe do ima emwi viọ, a keghi vbe munọ ima oghunmwu. A keghi wa fa ima an fẹfẹẹfẹ, zẹ vbe ne ima ye ye ẹdẹnẹrẹ na.

Ẹzra 9:7 ပူးပေါင်းရင်းမြစ်များ

I Ọba 8:47

danmwehọ erhunmwu emwa ruẹn. A deghẹ iran ghi vbe miẹn kue vbe odọ niii, vbene iran zẹ iba vbe ru emwi dan hẹ, iran na na erhunmwu ghe ruẹ, u ghi họn erhunmwu iran Nọyaẹnmwa.

II Krọnikol 29:6

Avbe erha ima odede ma rhie ekhọe ye ẹmwẹ e Nọyaẹnmwa, iran kegha ru emwi ne ọ ma yẹ ọre. Iran hee ẹe ye otọ, iran keghi fi iyeke gbe ehe ne ọ ye.

II Krọnikol 30:7

Wa ghẹ ye vbe avbe erha uwa odede kevbe ivbi Izrẹl ni ma mudia ẹse vbe ehe ne Nọyaẹnmwa Osanobua iran ye. Wa tobọ uwa miẹn ọẹn nian wẹ ọ rri iran oya yọ ẹsẹse.

II Krọnikol 34:24

avbe iyẹn na ma rẹn vbene e Nọyaẹnmwa khare wẹẹ, “Avbe ihẹn ne a gbẹnnẹ ye ebe ne a tie ma ruẹn ni, te I ra ya ehia rri e Jerusalẹm kevbe emwa ni rrọọ oya.

Ẹzra 9:13

“Ma rhe miẹn emwi ne ọ rruan mwa zẹ vbe emwi ne a ya rri ima oya ye orukhọ mwa, ma rẹnrẹn wẹ, we ne Osanobua mwa ma rri ima oya sẹ zẹ vbene ọ te khẹ ke mwa, ne u na gie ima ye gha rre agbọn.

Nehimaia 9:30

Ke ukpo dinna ukpo, u keghi ye izin egbe gha ma iran emwi u ru ẹe ne avbe akhasẹ ruẹ guan, sokpan emwa ruẹn keghi yin ehọ u keghi rhunmwuda ọnii rhie ẹghẹ ne ẹvbo ọvbehe ya khọn iran.

Aizaia 64:4

A ma he miẹn egbe ọ re a ma he vbe họn ẹmwẹ Osanobua ne ọ yevbe ruẹ ne ọ winna egbe iwinna vberriọ ne iran ni ye egbe kọe.

Jerimaia 25:18

E Jerusalẹm kevbe avbe okpẹvbo e Juda hia, deba avbe ọba kevbe ọkaolotu iran, a ke ghi ya ne iran da vbọ, ne iran hia miẹn ehe na khian ato, ughe dan ne ọ ye egbe ku ọmwa ohiọnhiọn, ne eni iran khian na a ya tie ihẹn ne ọmwa zẹ vbene ọ ye ye do sẹ ẹdẹnẹrẹ na.

Jerimaia 3:25

“Te ọ kere ne ima lovbiẹ ye otọ ne emwiekhue, ne efaa gue mwa. Ẹghẹikẹghẹ ọ re ima vbe avbe erha mwa odede wa ya gha rukhọ ghe Nọyaẹnmwa Osanobua mwa. Ma ma he vbe họn ẹmwẹ ne ẹẹn ẹdẹ.”

Jerimaia 32:23

Sokpan, ugbẹn vbe iran ghi sẹ otọe na, vbe iran ghi yan ẹnrẹn nẹ, iran ma ya uhi ruẹ ru emwi ra ne iran gha yin zẹ vbene u ma iran ẹre. Iran ma ru avbe emwi ne u wẹ ne iran ru rhọkpa. Ọre u na gie ọkhọ na hia rruan iran.

Jerimaia 32:32

Rhunmwuda emwi dan ne ivbi e Juda kevbe ivbi e Jerusalẹm he ru, iran kevbe avbe ọba kevbe avbe olotu iran, avbe ohẹn kevbe avbe akhasẹ iran.

Jerimaia 44:22

Vbe ẹdẹnẹrẹ na nian, ẹvbo uwa khian itowa, ọmwarhọkpa i ghi vbe rrọọ. Ọ khian emwi ne ọ mianmwẹ ughe, te emwa ghi vbe ye eni ẹnrẹn tie ihẹn, rhunmwuda, e Nọyaẹnmwa ma ghi sẹtin fi aro ua ye uyinmwẹ dan, kevbe emwi dan hia ne uwa ru.

Jerimaia 44:9

Wa wa mianmian emwi dan hia ne iran ru vbe avbe ẹvbo e Juda nẹ ra, kevbe vbe adesẹ ore e Jerusalẹm ighe avbe erha mwa odede kevbe avbe ọba e Juda kevbe avbe amwẹ iran, kevbe uwa kevbe avbe amwẹ uwa.

Eve Orriara 5:7

Avbe erha mwa odede ru orukhọ, sokpan iran i ghi rrọ nian, te ima ghi rri oya ye orukhọ iran.

Ezikiẹl 11:9

I gha viọ uwa hin ore ẹvbo rre, I ghi viọ uwa ne avbe erhunmwuyẹn. I bu ohiẹn uwu gbe uwa nẹ.

Ezikiẹl 39:23

Avbe uhunmwu ẹvbo gha vbe rẹn wẹ orukhọ ne ivbi Izrẹl ru ghe mwẹ ọ re ọ sii ẹe ne iran na gha rrie iwe. Mẹ fi iyeke gbe iran, I keghi gie avbe eghian khọn iran, iran na vbe gbele iran an vbe okuo.

Nọmbas 32:14

Banbanna nian, wa vbe rhie ihe erha uwa, orre ọgbọn ọ ghe emwa orukhọ, emwa ni wa vbe mu egbe ne iran vbe tie okuosu e Nọyaẹnmwa dọlegbe yan Izrẹl uhunmwu.

I Samuẹl 12:15

A i gha miẹn ighẹ wa ma họn ẹmwẹ e Nọyaẹnmwa, wa na gha rra uhi ẹre, ọ gha mu aro nọkhọ da uwa kevbe ọba uwa.