Ẹzra 9:5 - Edo Bible (E Baibol Ẹdo) Version 1996

⁵ Ọ ghi sẹ ẹghẹ ne a ya zọ ese ota, I keghi guakpao vbe ehe ne I tota yi gha khiẹkhiẹ egbe, ẹwu ne I sọlọ ua ni keghi ye rrọ mwẹ urhu, I na diguẹ ne I na erhunmwu, I na viọ obọ da odukhunmwu ghe Nọyaẹnmwa Osanobua mwẹ.

Ẹzra 9:5 ပူးပေါင်းရင်းမြစ်များ

I Ọba 8:22

Ẹghẹ nii ọre Solomọn na ya mudia ye odaro Ogiukpo e Nọyaẹnmwa vbe ehe ne emwa hia ye. Ọ keghi viọ obọ da odukhunmwu.

I Ọba 8:38

u ghi danmwehọ erhunmwu iran. A deghẹ ọmwaikọmwa vbe uwu ivbi Izrẹl ne emwa ruẹn ighẹ emwi na ba so ẹe vbe ekhọe, iran na niẹn obọ da Ọgua Osa na na erhunmwu,

I Ọba 8:54

E Solomọn ghi na erhunmwu ghe e Nọyaẹnmwa fo nẹ, ọ keghi mudia vbe odaro Ogiukpo, ehe ne ọ na diguẹ viọ obọ da odukhunmwu usin.

II Krọnikol 6:13

(E Solomọn vbe ya oze ru eteburu ne a mudia yan ọ keghi mu ẹẹn ye adesẹ ẹghodo, ukpọlọmwẹ ọnrẹn kegha re omwa ibata erẹnrẹn vbe igie enenẹ vbe ne ọ na vbe re omwa ibata isẹn vbe uyomwẹ, ọ keghi hin eteburu nii, ọ na diguẹ yọ vbe ehe ne emwa hia gha na gha bẹghe ẹre, ọ keghi viọ obọ da odukhunmwu ne ọ na erhunmwu.)

Nehimaia 1:4

Ugbẹn vbe I ghi họn ẹmwẹ na, I na de tota, I na gha viẹ egbe mwẹ. I ma rri evbare vbe ikpẹdẹ ni bun, I kegha khiẹ, I na gha na erhunmwu ghe Osanobua,

Psalm 141:2

Rhan obọ miẹn erhunmwu mwẹ zẹ vbe eturari, obọ ne I viọ ghe okhunmwu zẹ vbe izọ ese ota.

Psalm 143:6

I viọ obọ mwẹ da odukhunmwu na erhunmwu ghe ruẹ, ovbamẹ ruẹn gbe ekhọe mwẹ, zẹ vbe otọe ne ọ kae.

Psalm 95:6

Wa larre, wa gie ima ghughẹ rre, ne a ya uhunmwu rhanmwẹ otọ ne ẹẹn, wa gie ima diguẹ ne Nọyaẹnmwa ne ayi Nọyimwa.

Ẹksọdọs 9:29

E Mosis keghi tama rẹn wẹẹ, “I gha wa da lahin adesẹ ore ẹvbo rre, I gha niẹn obọ ghe ehe ne Nọyaẹnmwa ye. Avan ne ukhumwu gha da obọ yi ayan i ghi ra vbe gha rrọọ ọvbehe, ne uwa miẹn ehe na rẹn ighẹ Nọyaẹnmwa ọre ọ yan agbọn na.

Ẹksọdọs 9:33

E Mosis keghi kpao vbe ehe ne ọba Igipt ye rre, ọ na la ore ẹvbo. Ọ keghi viọ obọ da odukhunmwu ọ na erhunmwu ghe Nọyaẹnmwa, avan ne ukhunmwu kevbe ayan keghi da obọ yi yi, amẹ ne ọ rho kevbe da obọ yi.

Aizaia 1:15

“Wa gha viọ obọ da odukhunmwu gha na erhunmwu. I i tọn aro mu ghe uwa vbene uwa a rhirhi yan na erhunmwu sẹ hẹ, I i danmwehọ, rhunmwuda, esagiẹn gba uwa obọ.

Daniẹl 10:2

Vbe ẹghẹ nii, I keghi ya izọla eha vbe aguẹ.

Iyẹn ne ọ Maan Ọghe Luk 22:41

Ọ keghi sẹ iran rae, ọ na la omwa umọdia kherhe sikẹ odaro, ọ keghi diguẹ ọ na na erhunmwu.

Iwinna 21:5

Sokpan ẹghẹ ne ima gu iran gbe ghi gba nẹ, ma keghi kpao, a na la odẹ. Iran hia, emọ kevbe amwẹ keghi su ima ya sẹ ehe ne ẹvbo ni sẹe. Ma hia keghi diguẹ vbe ọkpẹn ẹzẹ, ma na na erhunmwu.

Ẹfisọs 3:14

Rhunmwuda ọnii, ọna ọre ọ si ẹe ne I na defi igue vbe odaro Evbavba.