Ẹzra 9:2 - Edo Bible (E Baibol Ẹdo) Version 1996

² Ikpia vbe uwu avbe iran kegha viọ ikhuo ni i re Ju rọnmwẹ rhunmwuda ọnii, emwa ni huanrẹn ọghe Osanobua keghi do gha re ne a ya iruẹn yi. Iran ne ọghọe wa rhia sẹ vbọ kegha re avbe ọkaolotu kevbe iran ni rre asẹ.

Ẹzra 9:2 ပူးပေါင်းရင်းမြစ်များ

Gẹnẹsis 6:2

Eso vbe avbe iran ni rre ẹrinmwi, keghi miẹn wẹ avbe ikhuo na wa mose ẹsẹse, ẹre iran na viọ ni yẹ iran vbọ rọnmwẹ.

I Ọba 11:1

E Solomọn kegha ho ẹmwẹ ikhuo eghọẹn ni bun. Ye vbe gberra ovbi ọba Igipt, ọ kevbe viọ ikhuo e Hiti, e Moab, Amọn, Idọm kevbe Saidọn.

Ẹzra 10:2

Ẹre Siekanaia ne ovbi Jẹhiẹl ne uniẹn Ẹlam na tama Ẹzra wẹẹ, “Ma rra uhi Osanobua nẹ, vbe ekpa ne a na ya gha viọ ikhuo orhunmwuyẹn rọnmwẹ, sokpan ọ rhe ye vberriọ, idaehọ ye rrọ ne ivbi Izrẹl.

Ẹzra 9:12

Iran tama mwa wẹ ne a ghẹ rhie iran rọnmwẹ ra ne a yi iran obọ vbe emwi aruọma, a deghẹ ma ho ne a yin otọ nii ne a vbe mu ne emọ ẹdẹdẹmwẹdẹ.

Ẹzra 9:14

Vbe ima ghi ra vbe dọlegbe fi iyeke gbe uhi ruẹ hẹ ne a vbe ya gha viọ avbe emwa dan na rọnmwẹ. Ma gha ru vberriọ, u gha mu ohu ghe mwa sẹrriọ wẹ te u ra wa fuẹn ima an fẹẹrẹ, vbene ọkpa ighi na vbe ke ẹe.

Nehimaia 13:17

I keghi gu avbe ọkaolotu e Ju gui, I tama iran wẹẹ, wa ghe emwi dan ne uwa ru, wa gha ru Ẹdẹ Ikẹtin awua.

Nehimaia 13:28

Ovbi e Eliasib ne Ogie Ohẹn ọre Joiada gha khin. Sokpan, ọkpa vbe ivbi e Joiada keghi rhie ovbi e Sanbọlat ne ovbi ẹvbo ne a tie ẹre Bẹt Horọn rọnmwẹ. I keghi rhunmwuda ọnii wẹ ne Joiada kpao vbe Jerusalẹm.

Ẹksọdọs 19:6

Wa ghi gha re uhunmwu ẹvbo ọghe emwa nii ga mwẹ zẹ vbe ohẹn, emwa ne a ya fiohan ne imẹ okpa.”

Ẹksọdọs 22:31

Emwa mwẹ wa khin, rhunmwuda ọnii wa ghẹ rri emiowo ara-nmwẹ ne aranmwẹn akọn gbe fua vbe oha, wa gha muẹn ne ivbiakota.

Ẹksọdọs 34:16

Ivbi uwa sẹtin viọ ivbi iran nikhuo rọnmwẹ, iran gha ya iran fi iyeke gbe mwẹ, iran gha gho ẹbọ iran.

Aizaia 6:13

Gia kha wẹ arhiọnkpa kẹkan miẹn uhunmwu vbe uwu arhin igbe vbe otọe nii, te a ra ye vbe fuẹn irẹn uan, ọ ghi yevbe ut ukhunmwu erhan okan ne a tọn gbe otọ nẹ.” (Ut ukhunmwu ni mudia ye omuhẹn ọgbọn ne emwa Osanobua.)

Levitikọs 21:15

Deghẹ ẹ i re rriọ, a ghi do miẹn wẹ ivbi ẹre ne ọ te kei ne ọ gha re nihuanrẹn ghi do gha re ne awua gue. Mẹ ọrọre Nọyaẹnmwa, mẹ vbe hannọ ọẹn ye otọ nẹ zẹ vbe Ogiohẹn.”

Malakai 2:11

Iran mu awua la uwu Ọgua Osa ne Nọyaẹnmwa ho ẹmwẹ ọnrẹn. Ikpia mwẹ ikhuo ne iran viọ re ni gho ẹbọ ẹrrẹe.

Malakai 2:15

Ẹre te Osanobua ya uwẹ khian egbe ọkpa kevbe orhiọn ọkpa ba irẹn? De emwi ne ọ ya ẹe ru ọna yi? Emwi ne ọ khin ọrọre wẹ ọ ho ne uwa biẹlẹ emọ ni wa re emwa Osanobua vbe ẹmwata. Rhunmwuda ọnii, wa gia miẹn wẹ a ma miẹn ọmwa ne ọ ma mu eyan ne ọ yan ma ọvbokhan rẹn sẹ.

I Kọrinti 7:14

Rhunmwuda ọdọ ne ọ ma yayi ni ghi do gha re ne Osanobua rhan obọ miẹn rhunmwuda ne a na ku ẹe kugbe ba amwẹ ọnrẹn, amwẹ ne ọ ma yayi ni ghi vbe do gha re ne Osanobua sẹtin rhan obọ miẹn rhunmwuda ne a na ku ẹe gbe ba ọdọ ne ọ yayi. Akpawẹ ẹ i ye vberriọ, te ivbi iran ghẹ gha ye vbe ivbi e ne ọ ma yayi, sokpan vbene ọ ghi ye na, iran khian ne Osanobua sẹtin rhan obọ miẹn.

II Kọrinti 6:14

Wa ghẹ gha gu iran nimayayi winna kugbe, vbene a miẹn wẹ ọkpa wa khin, rhunmwuda, ẹ i gie a ru. Vbe emwi ne ọ gbae kevbe ne ọ ma gba khian sẹtin gba gha si egbe obọ khian hẹ yi? Vbe uwanmwẹ vbe ebiebi khian gba die ihọkpa ya hẹ yi?

Diuteronomi 14:2

Ọghe Nọyaẹnmwa Osanobua rua ore uwa khin, rhunmwuda te ọ hannọ uwa zẹ vbe uwu ẹbu emwa ni rre otọ agbọn hia ne uwa gha re ọghe irẹn.

Diuteronomi 7:6

Wa ghi ru ẹe vberriọ rhunmwuda, ọghe Nọyaẹnmwa Osanobua uwa ọ re uwa khin. Te ọ hannọ uwa zẹ hin uwu ẹbu emwa ne agbọn hia rre ne uwa do gha re emwa ughaẹn ọghe irẹn.

Jọsua 22:15

Iran keghi sẹ otọe Giliad, iran na tama emwa Riubẹn, e Gad kevbe odẹ ahọ vbe ẹgbẹe Manasẹ wẹẹ.

Jọsua 23:12

A deghẹ wa ghi werriegbe wa na ya ke egbe uwa ba avbe ẹvbo nii ne a sẹrae ye uwu ẹbu uwa, wa na ya gha rọnmwẹ egbe.