Ẹzra 9:14 - Edo Bible (E Baibol Ẹdo) Version 1996

¹⁴ Vbe ima ghi ra vbe dọlegbe fi iyeke gbe uhi ruẹ hẹ ne a vbe ya gha viọ avbe emwa dan na rọnmwẹ. Ma gha ru vberriọ, u gha mu ohu ghe mwa sẹrriọ wẹ te u ra wa fuẹn ima an fẹẹrẹ, vbene ọkpa ighi na vbe ke ẹe.

Ẹzra 9:14 ပူးပေါင်းရင်းမြစ်များ

Ẹzra 10:10

Ẹzra ne ohẹn keghi kpaegbe, ọ na gu iran guan ọ wẹẹ, “Wa ru orukhọ, wa kevbe do ya Izrẹl rri abe vbe ekpa ne uwa na gha viọ ikhuo orhunmwuyẹn rọnmwẹ.

Ẹzra 9:2

Ikpia vbe uwu avbe iran kegha viọ ikhuo ni i re Ju rọnmwẹ rhunmwuda ọnii, emwa ni huanrẹn ọghe Osanobua keghi do gha re ne a ya iruẹn yi. Iran ne ọghọe wa rhia sẹ vbọ kegha re avbe ọkaolotu kevbe iran ni rre asẹ.

Ẹzra 9:8

Wanwanna nian e Nọyaẹnmwa, Osanobua mwa, vbe ẹghẹ kherhe, u keghi tohan mwa, u keghi gie eso vbe uwu ima lẹ fe, ma keghi la hin ọviẹn ọmwa rre ne ima do gha rrọọ vbe a i mwẹ ẹbe vbe otọe ne ọ huanrẹn na. U gie ima lahin ọviẹn rre, u na rhie arrọọ ọgbọn ne ima.

Nehimaia 13:18

Ọna ọ sii ẹe ne Osanobua na rri avbe erha uwa odede oya, ne ọ na si ọfuan ye ẹre ẹvbo. Sẹ evba, te uwa ye ru yan, ne uwa si ohu Osanobua yan Izrẹl uhunmwu vbe ekpa ne uwa na ru Ẹdẹ Ikẹtin awua.

Ẹksọdọs 23:32

Wa ghẹ gu iran, ra ẹbọ iran mu obọ vbe emwikemwi.

Ẹksọdọs 32:10

Banbanna nian, ghẹ da mwẹ obọ yi, I gha ya ohu mwẹ nọkhua fuẹn iran an. I gha ya uwẹ kevbe ivbi uẹ khian okpẹvbo.”

Aizaia 1:9

Akpawẹ ẹ ire ne Nọyaẹnmwa ne Oghodua na gie eso miẹn uhunmwu vbọ, iran gha wa fuẹn e Jerusalẹm uan fẹẹrẹ zẹvbe Sọdom kevbe Gomorra.

Jerimaia 44:9

Wa wa mianmian emwi dan hia ne iran ru vbe avbe ẹvbo e Juda nẹ ra, kevbe vbe adesẹ ore e Jerusalẹm ighe avbe erha mwa odede kevbe avbe ọba e Juda kevbe avbe amwẹ iran, kevbe uwa kevbe avbe amwẹ uwa.

Jerimaia 46:28

I gha bu uwa rre, I ghi do miẹn uwa fan I gha fuẹn ehia a ighe avbe ẹvbo ne I zagha uwa kui, sokpan, mẹ i ra fuẹn uwa a. Mẹ i ra sẹ uwa rae vbe ne a i na rri uwa oya hiehiere, sokpan, I gha rrie uwa oya, I gha ru ẹe vbe ne ọ kei yi. Mẹ ne Nọyaẹnmwa guaan nẹ.”

Ezikiẹl 6:8

“I gha gie eso vbọ lẹ ugbemwẹ na fe, ne a zagha iran gba avbe uhunmwu ẹvbo hia,

Nọmbas 16:21

“Gban egbe ghe iyeke hin ehe ne iran na ye rre, ne I wa fuẹn iran uan banbanna.”

Nọmbas 16:45

“Gban egbe ghe odieke hin ehe ne iran na ye rre, ne I wa fuẹn iran an ye evba!” Iran keghi vbokho egbe rre viọ aro rhuotọ.

Iyẹn ne ọ Maan Ọghe Jọn 5:14

Ọ ghi kpẹe kherhe, Jesu miẹn ọẹn vbe uwu Ọgua Osa, ọ keghi tama rẹn wẹẹ, “Vbe ne egbe na rran ruẹ nẹ nian, u ghi zobọ vbe emwi dan ne u ru, ne emwi ne ọ khọrhiọn sẹ ọna ghẹ dekun ruẹn.”

Ebe ne Pọl gbẹẹn gie emwa Rom 6:1

Vbe ima ghẹ ghi kha hẹ yi khekherriọ. Te ima ghẹ ghi gha kakabọ ru orukhọ yọ ra ne ẹse ọhẹ Osanobua miẹn ehe na gha muan yọ?

Diuteronomi 9:14

Ghẹ ghi da mwẹ obọ yi, I ho ne I fuẹn iran an, ne ọmwa rhọkpa ghẹ ghi ye iran rre ọvbehe. Mẹ ghi do ya uwẹ khian erha okpẹvbo ne ọ kpọlọ kevbe ne ọ wegbe sẹ iran.’

Diuteronomi 9:8

Ke ẹdẹ ne uwa kpao vbe Oke Sainai, te uwa ye ohu mu e Nọyaẹnmwa sẹrriọ wẹ ọ sẹe ne ọ gha na te fuẹn uwa a.

Giọgis 2:2

Wa ghẹ gu emwa otọ na ta ile rhọkpa, wa guọghọ aka iran sotọ.’ Sokpan wa ma he ru vbene I tama uwa. Iyeke ẹre ọ re uwa ghi ru ye ihe ẹre.