Ẹzra 9:12 - Edo Bible (E Baibol Ẹdo) Version 1996

¹² Iran tama mwa wẹ ne a ghẹ rhie iran rọnmwẹ ra ne a yi iran obọ vbe emwi aruọma, a deghẹ ma ho ne a yin otọ nii ne a vbe mu ne emọ ẹdẹdẹmwẹdẹ.

Ẹzra 9:12 ပူးပေါင်းရင်းမြစ်များ

I Krọnikol 28:8

“Rhunmwuda ọnii nian wa ne emwa mwẹ, vbe odaro Osanobua mwa kevbe asi koko ọghe ivbi Izrẹl hia na, I yan tae ma uwa nian ne uwa gha rhie owẹ lele emwi hia ne Nọyaẹnmwa ne Osanobua mwa yi ẹre iyi ne ima, ne otọe ne ọ maa na miẹn ehe na gha re ọghe uwa khian, ne uwa vbe fiẹe ye orre ni gha rri ukhu uwa otọ rhinrin ẹdẹ.”

II Krọnikol 19:2

Akhasẹ ọkpa, e Jehu ne ovbi e Hanani keghi ya vba ọba, ọ tama rẹn wẹẹ, “Wẹ yayi we emwi ne ọ gbae nọ ne a gha yi iran ne emwa dan obọ ra, ra ne a yegbe ba iran ni khuiwu e Nọyaẹnmwa? Emwi ne u ru si ohu e Nọyaẹnmwa yan ruẹn uhunmwu nẹ.

Ẹzra 9:2

Ikpia vbe uwu avbe iran kegha viọ ikhuo ni i re Ju rọnmwẹ rhunmwuda ọnii, emwa ni huanrẹn ọghe Osanobua keghi do gha re ne a ya iruẹn yi. Iran ne ọghọe wa rhia sẹ vbọ kegha re avbe ọkaolotu kevbe iran ni rre asẹ.

Ẹksọdọs 23:32

Wa ghẹ gu iran, ra ẹbọ iran mu obọ vbe emwikemwi.

Itan 13:22

Ọmwa esi gha miẹn emwi sẹrae ye avbe eyẹ ọre otọ, sokpan, emwa esi ọ re ọ ra ya emwa dan emwi ru.

Itan 20:7

Emọ ni mwẹ erha ne ọ ta ẹmwata kevbe ne uyinmwẹ ọnrẹn vbe gba, uhunmwu esiesi ọ re iran khin.

Aizaia 1:19

Adeghẹ u gha họn ẹmwẹ mẹ, u gha rri avbe emwi esi ne otọe ni rhie rre,

Diuteronomi 23:6

Ẹghẹ ne uwa gha ya gha re agbọn ẹvbo, wa ghẹ ru emwikemwi ya yi iran na obọ ra ne uwa gu iran họn ẹfe.

Diuteronomi 23:7

“Wa ghẹ sọnnọ ivbi Idọm, etẹn uwa iran khin. Wa ghẹ sọnnọ ivbi Igipt rhunmwuda wa ka di otọ iran ya ẹghẹ ọkpa.

Diuteronomi 7:3

Wa ghẹ rhie ivbi iran rọnmwẹ ra ne ivbi uwa vbe rọnmwẹ iran.