Ẹzra 9:11 - Edo Bible (E Baibol Ẹdo) Version 1996

¹¹ ne u viọ ne avbe akhasẹ ne eguọmwadia ruẹ viọ ne ima ru emwi. Iran tama mwa wẹ otọe ne ima de ra do yin, otọe ne ọ ma huan nọ rhunmwuda, avbe emwa ni ka yin ẹnrẹn, uyinmwẹ ohọhọ kevbe osọnnọ ọ re iran ya vuọn rẹn sẹ otọ sẹ ukhunmwu.

Ẹzra 9:11 ပူးပေါင်းရင်းမြစ်များ

II Ọba 21:16

E Manasẹ gbele emwa ni ma rriabe nibun sẹrriọ wẹ esagiẹn na gha lẹ okpokpo vbe ore Jerusalẹm, ọ keghi ru ọna ba ne ọ na vbe si ivbi e Juda fi ẹbọ ne a ga, ọ na ye iran sẹ ẹmwẹ e Nọyaẹnmwa.

II Krọnikol 33:2

Uyimwẹ ẹwia ne avbe emwa ne Nọyaẹnmwa khulo hin otọe ni rre vbe ivbi Izrẹl dee, ọ re ọ wa lele, e Manasẹ keghi sẹmwẹ e Nọyaẹnmwa.

Ẹzra 6:21

Ivbi Izrẹl hia ni ke iwe rre, kevbe avbe emwa ni lahin odẹ ẹbọ ne iran gho rre, ighẹ avbe emwa ni ka gha rre otọe ni, iran na ghi do ga e Nọyaẹnmwa Osanobua Izrẹl, ọ re ọ rri emwi ne a ya zọ ese nii.

Ẹzra 9:1

A ghi ru avbe emwi na hia fo nẹ, eso vbe uwu avbe ọkaolotu keghi do khama mwẹ wẹ, emwa nii, avbe ohẹn, deba avbe Livai ma bi egbe ne emwa ni lẹga iran, Amọn, e Moab, Igipt, emwa Kenan, Hiti, Pẹriz, Jebus, kevbe Amọri, emwi osọnnọ ne avbe emwa nii ru ọ re iran vbe ru.

Ẹzra 9:10

“Sokpan, banbanna nian Osanobua, de emwi ne ima ghi ra miẹn ta vbe iyeke avbe emwi ni sunu na hia? Ma ma vbe ya uhi ruẹ

Jerimaia 26:5

Kevbe ne uwa gha danmwehọ ẹmwẹ ne avbe eguọmwadia mwẹ ta, kevbe avbe akhasẹ ne I wa gha gie bu uwa rre. Wa ma he ya emwi ne iran tae ru emwi ẹdẹ.

II Kọrinti 7:1

Emwi na hia ọre a ve ima ẹre, wa ne ọse mwẹ ni ghan. Rhunmwuda ọnii, wa gie ima khuẹ egbe mwa huan hin emwi ne ọ sẹtin ye egbe ra orhiọn khian ne ọ ma huan, wa gie ima hia ne ima gha re ne ọ huanrẹn fẹẹrẹ, vbe ekpa ne ima gha na gha rrọọ vbe a mu ohan Osanobua.

Diuteronomi 12:31

Wa ghẹ ga e Nọyaẹnmwa Osanobua rua vbene iran ya gho ẹbọ iran, rhunmwuda, iran gha gho ẹbọ iran, iran ghi ru emwi osọnnọ hia ne ọ sọnnọ e Nọyaẹnmwa. Uhin ighẹ te iran ya ivbi iran zọ ese vbe uhunmwu aka iran.

Diuteronomi 18:12

E Nọyaẹnmwa Osanobua rua i ho ẹmwẹ emwa ni ru emwi emwiekhue na, ọ ni ọ si ẹe ne ọ na khulo avbe emwa nii hin otọe nii rre vbene uwa ya nana sikẹ odaro.