Ẹzra 9:10 - Edo Bible (E Baibol Ẹdo) Version 1996

¹⁰ “Sokpan, banbanna nian Osanobua, de emwi ne ima ghi ra miẹn ta vbe iyeke avbe emwi ni sunu na hia? Ma ma vbe ya uhi ruẹ

Ẹzra 9:10 ပူးပေါင်းရင်းမြစ်များ

Gẹnẹsis 44:16

Juda keghi kha wẹẹ, “De ẹmwẹ ne ima ra miẹn ta yi enọwanrẹn? De ẹzọ ne a ra miẹn gui? Vbe ima a ra ya fan egbe mwa hẹ? Osanobua wee ima uhe ua nẹ, enọwanrẹn. Enọwanrẹn, eviẹn ruẹn ma hia ghi khin, ẹ i re ọmwa na a miẹn ukpu ni vbe obọ ẹre ọkpa.”

Ẹzra 9:11

ne u viọ ne avbe akhasẹ ne eguọmwadia ruẹ viọ ne ima ru emwi. Iran tama mwa wẹ otọe ne ima de ra do yin, otọe ne ọ ma huan nọ rhunmwuda, avbe emwa ni ka yin ẹnrẹn, uyinmwẹ ohọhọ kevbe osọnnọ ọ re iran ya vuọn rẹn sẹ otọ sẹ ukhunmwu.

Ẹzra 9:9

Eviẹn ma te khin, sokpan, u ma sẹ ima rae ye ọviẹn ọmwa. U keghi gie avbe ọgbaisi e Pẹsia tohan mwa, iran na sẹ ima rae ye agbọn, iran na gie ima dọlọ Ọgua Osa ruẹ ne ọ te rẹnkhuan bọ, kevbe ne ima do lẹ fi a i ghi mwẹ ẹbe vbe Juda kevbe Jerusalẹm vbe edinran.

Nehimaia 9:30

Ke ukpo dinna ukpo, u keghi ye izin egbe gha ma iran emwi u ru ẹe ne avbe akhasẹ ruẹ guan, sokpan emwa ruẹn keghi yin ehọ u keghi rhunmwuda ọnii rhie ẹghẹ ne ẹvbo ọvbehe ya khọn iran.

Nehimaia 9:34

Avbe erha mwa odede, avbe ọba mwa, ọkaolotu kevbe avbe ohẹn, ne ọ rhie Uhi ruẹ mwẹ i rrọ. Iran ma danmwehọ Uhi kevbe ibude ruẹ.

Psalm 106:6

Ma rukhọ, zẹ vbene avbe erha mwa odede vbe ru, ma ru emwi dan, ma vbe mwẹ ekhọe dan.

Eve Orriara 3:22

Aho ẹmwẹ ọmwa ne ẹ i fira kevbe itohan ọghe e Nọyaẹnmwa ye rrọọ rhinrin,

Ebe ne Pọl gbẹẹn gie emwa Rom 3:19

Ma rẹnrẹn wẹ emwa ne ọ yan Uhi ọre emwi ne ọ rre Uhi kan rẹn, ne a miẹn ehe na gbe ukhu aho gui emwa ne agbọn rua, ne a mu agbọn na hia ye obọ ibuohiẹn Osanobua.

Jọsua 7:8

Vbe i a ghi ra miẹn ta yi e Nọyaẹnmwa, vbene Izrẹl na lẹ werriegbe nẹ vbe odaro avbe eghian rẹn?