Ẹzra 8:23 - Edo Bible (E Baibol Ẹdo) Version 1996

²³ Rhunmwuda ọnii, ma kegha rrie aguẹ, a na na erhunmwu ghe Osanobua ne ọ degue mwa, ọ keghi họn erhunmwu mwa.

Ẹzra 8:23 ပူးပေါင်းရင်းမြစ်များ

Gẹnẹsis 25:21

Ugbẹn vbe a miẹn wẹẹ e Ribẹka ma biẹ, rẹn keghi na erhunmwu ghe Nọyaẹnmwa vbe ekpa ẹre. E Nọyaẹnmwa keghi họn erhunmwu ẹre, e Ribẹka na do gha hanmwa.

II Ọba 13:4

Ẹre Jehoahaz na na erhunmwu ghe Nọyaẹnmwa, ugbẹn vbe Nọyaẹnmwa ghi miẹn obọ dan ne ọba e Siria ya mu ivbi Izrẹl, ọ keghi họn erhunmwu ẹnrẹn.

I Krọnikol 5:20

Osanobua ọ re iran mu ẹtin iran yan, iran kevbe gha na erhunmwu ghe ẹre ne ọ yi iran obọ. Osanobua keghi họn erhunmwu iran, ọ na gie iran khọn miotọ emwa Hagrit kevbe irogho iran hia.

Ẹzra 8:31

Ikpẹdẹ ne ogiweva ọghe uki ne okaro ọ re ima na kpao vbe Ahava ne ẹzẹ ne a fian ẹn gha die Jerusalẹm. Osanobua ima keghi wa deba ima, ọ na degue mwa hin obọ odekun ọghe avbe eghian kevbe a lẹre khẹ ọmwa vbe ima rre okhian nii.

Nehimaia 9:1

Vbe ikpẹdẹ ne ọ ya gba vbe enẹyan ugie vbe uki ọkpa nii, avbe ivbi Izrẹl keghi si egbe koko ne iran do ye aguẹ ya khiẹ ye orukhọ iran. Iran keghi wannegbe iran hin uwu ẹbu avbe ọrriọvbe rre nẹ, iran keghi rhuan ukpọn akhiẹ iran na zẹ ekẹn ye uhunmwu zẹ vbe ama akhiẹ. Iyeke ọnii, iran keghi kpaegbe mudia gha miẹn orukhọ ne iran kevbe avbe erha iran odede ru kue.

Ẹsta 4:16

“Ye si avbe Ju ni rre Susa hia koko, wa yo aguẹ ne uwa gha na erhunmwu mẹ. Wa ghẹ re wa ghẹ da la avan eha kevbe asọn eha. Me kevbe ibiẹka ikhuo ni re eguọmwadia mwẹ, gha vbe ru vberriọ. Vbe iyekọni, I gha bu ọba gha khian, a gha rhe miẹn wẹ uhi ma kha vberriọ. A deghẹ te I gha ghi ye uhunmwu khiẹ ọre rhunmwuda ne I na ru vberriọ, a gunmwẹ ye uhunmwu khiẹ ọre.”

Itan 3:5

Ya ẹtin ruẹn hia mu ẹtin yan e Nọyaẹnmwa. Ghẹ mu ẹtin yan emwi ne uwẹ ro ighe uwẹ rẹnrẹn.

Aizaia 19:22

E Nọyaẹnmwa gha rri ivbi Igipt oya, sokpan, ọ gha vbe mu iran egbe rran. Iran gha fiwerriẹ bu irẹn rre, rẹn ghi vbe mu iran egbe rran.

Jerimaia 33:3

“Kpe tie mwẹ, I gha khuẹnniẹn. uẹn I gha ta ẹmwẹ ọyunnuan ni mu ohan ne u ma he rẹn emwirhọkpa vbe ekpa ẹre ma ruẹn.

Daniẹl 9:3

I keghi kakabọ na erhunmwu ghe e Nọyaẹnmwa Osanobua, I kegha rinmwian ẹẹn, I kegha ya ohanmwẹ gbe egbe, I kegha rhuan ukpọn akhiẹ, I na vbe gha tota ye uwu emuẹn.

Iyẹn ne ọ Maan Ọghe Luk 2:37

Ọdọ re ghi vbe wu nẹ, ọ keghi vbe ya ukpo enẹ yan iyenẹ ru ẹgbẹ. Ẹ ghi kpao vbe Ọgua Osa rre. Asọn vbe avan ọre ọ ya ga Osanobua vbe aguẹ kevbe erhunmwu.

Iwinna 10:30

Kọniliọs keghi kha wẹẹ, “Odẹ ẹghẹ vbe nian vbe nẹghẹdia, I kegha na erhunmwu vbe uwu owa mwẹ, vbe ẹghẹ ẹgogo eha ọghe avan. Vbe udomwurri, orhiọnkpa ne ọ ya ukpọn nọ fi wain wain mu egbe, keghi mudia ye odaro mwẹ,

Diuteronomi 4:29

Evba wa gha na gualọ Nọyaẹnmwa Osanobua uwa. A deghẹ wa ye ekhọe uwa hia kevbe iho uwa hia gualọ ẹe, wa gha miẹn ọẹn.