Ẹzra 8:18 - Edo Bible (E Baibol Ẹdo) Version 1996

¹⁸ Vbe ekpa ẹse ọhẹ Osanobua, iran keghi gie Siẹrebia, e Livai, ne ọ sihe, ne ovbi ẹwae Mali, bu ima gha dee, arhin evai rrọvbugie, vbe uwu avbe ivbi ẹre kevbe etiọnrẹn keghi lele ẹe gha dee.

Ẹzra 8:18 ပူးပေါင်းရင်းမြစ်များ

I Krọnikol 6:1

E Livai kegha mwẹ emọ ikpia eha, ena ọ re Gẹsiọn, e Kohat kevbe Merari.

I Krọnikol 6:19

Merari keghi biẹlẹ Mali kevbe Musi.

I Krọnikol 6:4

Ivbi uniẹn Eliaza ke egbe orre ọkpa ya sẹ ọvbehe ọ re ena khin: e Finihaz, Abisiua,

II Krọnikol 30:22

E Hẹzekaia ne Ọba keghi tian avbe Livai ye iguemwi ne iran ya ru ugamwẹ e Nọyaẹnmwa.

Ẹzra 7:28

Vbekpa ẹse ọhẹ Osanobua, I miẹn aro ne ọ maa nẹ vbe obọ ọgbaisi kevbe iran ni gue ẹe ziro, kevbe avbe emwa iwinna ni kọnkọn hia. E Nọyaẹnmwa ne Osanobua mwa rhie igiẹdu mẹ nẹ, I na vbe sẹtin fi eni bun vbe uwu avbe ọkaẹgbẹe Izrẹl ekhọe werrie wẹ ne iran lele mwẹ gha dee.”

Ẹzra 7:6

Ẹzra kegha re ọgbẹn ebe ne ọ wa rẹn ọnrẹn ẹsẹse ighẹ Uhi ne Nọyaẹnmwa ne Osanobua Izrẹl rhie ne Mosis. Rhunmwuda ne afiangbe Nọyaẹnmwa ne Osanobua ẹre na gha rre Ẹzra egbe, Nọgbaisi keghi wa viọ emwi hia ne ọ nọrẹn ne ẹẹn. Ọ ghi rre ukpo ihinrọn ne Atakzaziz la ẹkete, Ẹzra keghi viọ ivbi Izrẹl eso ba egbe ke Babilọn gha die Jerusalẹm, avbe ohẹn eso kevbe Livai, avbe ọsian Ọgua Osa, iran ni khẹ Ọgua Osa kevbe emwa ni winna eso kegha rre nene usun.

Ẹzra 8:16

I keghi gie ne a tie ihinrin vbe uwu avbe ọkaolotu nii, ena ọ re Eliezẹ, Ariel, e Siemaia, Elnatan, e Jarib, Elnatan, e Natan, e Zẹkaraia kevbe Mẹsiulam, deba emamwaemwi eva, Joarih kevbe Elnatan.

Ẹzra 8:19

Iran kevbe gie Hasiabaia kevbe Jesiaia ne ivbi ẹwae Merari deba ugie vbe uwu avbe etẹn iran gha dee.

Ẹzra 8:22

Ekhue ma gunmwẹ nọ ọgbaisi wẹ ne ọ viọ ivbiyokuo ne ima ne iran gha su ima khian, rhunmwuda mẹ tama rẹn nẹ wẹ te Osanobua fiangbe, emwa hia ni mu ẹtin yan rẹn, sokpan, ọ ghi gha mu ohu emwa hia ni fi iyeke gbe ẹe, ọ ghi gha rri iran oya.

Ẹzra 8:24

I keghi zẹ Siẹrebia kevbe Hasiabaia vbe uwu avbe ohẹn ni sẹre deba iran igbe ọvbehe.

Nehimaia 12:24

Avbe Hasiabaia, e Siẹrebia, e Jesua, e Binnui kevbe Kadmiẹl keghi mu olotu ya ghae avbe Livai ye ọka. Ọka eva vbọ ghi gba gha so ihuan ne a rra ya rho Osanobua, iran ghi vbe gha kpọnmwẹ ọẹn, zẹ vbene ọ mwamwa ẹn ye otọ ighẹ Devid ne ọba, ne ọmwa Osanobua.

Nehimaia 2:8

I keghi vbe nọ wẹ ne ọ gbẹn ebe mẹ rhie gie Asaf ne ọ gbearoghe ẹgbo ọba, ne ọ khama rẹn wẹ ne ọ viọ erhan mẹ ne I ya kan ẹkhu onurho odin ne ọ degue Ọgua Osa, deba ọghe ekẹn ne a gbe lẹga ẹvbo kevbe owa ne imẹ ra dia. Ọgbaisi keghi wa viọ emwi ne I nọrẹn hia mẹ rhunmwuda, Osanobua gun mwẹ rrọọ.

Nehimaia 8:7

Iyekọni, iran keghi kpaegbe, iran na mudia ye ihẹ iran, avbe Livai keghi rhan otọ nene Uhi ma iran: e Jesua, e Bani, e Siẹrebia, e Jamin, Akub, e Siabetai, e Hodaia, e Maaseia, e Kelita, Azaraia, e Jozabad, e Hanan, kevbe Pelaia.

Itan 24:3

Ẹyotọ ọghe ẹwaẹn kevbe irẹnmwi ọ re a bọ owa yan.

Itan 3:6

Gha ye Nọyaẹnmwa rre vbe emwi ne u ru hia, ọ gha vbe gha ma ruẹn odẹ ne ọ kere.

Jerimaia 3:15

I gha viọ enikhaemwisẹ ni họn ẹmwẹ mwẹ ne uwa, iran gha ya ẹwaẹn kevbe irẹnmwi khaemwisẹ yan uwa.

Daniẹl 1:20

Ẹmwẹkẹmwẹ ne ọba a rhirhi nọ, ra ọlọghọmwa ne ọ rhirhi a gha rrọ, emọ na keghi ya ukhukhu igbe rẹn sẹ avbe ebo edunna kevbe avbe ọbiro ni rre otọe arriọba nii hia.

I Kọrinti 14:20

Wa ghẹ gha yevbe ibiẹka vbe emwi ne uwa ro etẹn mwẹ, wa gha re ibiẹka vbe emwi dan ne a ru sokpan eniwanrẹn vbe iro ne a roro.