Ẹzra 8:17 - Edo Bible (E Baibol Ẹdo) Version 1996

¹⁷ I keghi gie iran bu Ido ne ọkaolotu iran ni rre Kasafia, ne ọ ya tama rẹn kevbe avbe ihua ẹre ne iran gba winna vbe uwu Ọgua Osa, ne iran gie emwa bu ima gha dee ne iran do gha ga Osanobua vbe uwu Ọgua Osa.

Ẹzra 8:17 ပူးပေါင်းရင်းမြစ်များ

II Samuẹl 14:19

Ọ na nọ rẹn wẹẹ, “E Joab ọ re ọ kun ẹmwẹ na mu ye uẹ obọ ra?” Okhuo ni wanniẹn wẹẹ, “I ya emwi ni ghi re ni huanrẹn vẹn ihẹn Umogun, we a i miẹn ehe gọgọ ẹmwẹ ruẹn na la, ne a ghẹ rhie ewanniẹn yọ. E Joab ne ọka iwinna ruẹn ọ re ọ tama mwẹ emwi ne I gha ru kevbe ẹmwẹ ne I gha ta.

II Samuẹl 14:3

U ghi bu ọba gha khian ya tama rẹn emwi ne I wẹ ne u tama rẹn.” Ẹre Joab na tama rẹn ẹmwẹ ne ọ gha ta.

I Krọnikol 9:2

Emwa kẹkan, avbe ohẹn kevbe Livai rre usun emwa ni ka wa gha die otọ iran.

Ẹzra 2:43

Ẹwae iran ni winna vbe Ọgua Osa, ni ke iwe rre: E Ziha, Hasufa, e Tabot, Keros, e Siaha, e Padọn, e Lebana, Hagaba, Akub, e Hagab, e Siamlai, e Hanan, e Gidẹl, e Gaha, e Reaia, e Rezin, e Nekoda, e Gazam, Uza, e Pesea, e Besai, Asna, e Meunim, e Nefizim, e Bakbuk, e Hakufa, e Hahọ, e Bazlut, e Mehida, e Hasia, e Bakos, e Sisera, e Tema, e Nezaia kevbe Hatifa.

Ẹzra 2:58

Ivbi uniẹn iran ni winna vbe Ọgua Osa, kevbe eguọmwadia e Solomọn ni ke iwe rre hia kegha re erẹnrẹn irrọvbe arria eva (392).

Ẹzra 8:16

I keghi gie ne a tie ihinrin vbe uwu avbe ọkaolotu nii, ena ọ re Eliezẹ, Ariel, e Siemaia, Elnatan, e Jarib, Elnatan, e Natan, e Zẹkaraia kevbe Mẹsiulam, deba emamwaemwi eva, Joarih kevbe Elnatan.

Ẹksọdọs 4:15

U sẹtin guẹe guan ne u vbe gha tama rẹn ẹmwẹ ne ọ gha guan. I gha ya uwa eveva obọ ne u wa sẹtin guan. I gha vbe tama uwa eva emwi ne uwa gha ru.

Jerimaia 1:9

Ẹre Nọyaẹnmwa na niẹn obọ ladian ọ keghi ya ẹe kaan mwẹ akhuarhamwunu, ọ na tama mwẹ wẹẹ, “Danmwehọ, ẹmwẹ ne u ra ta ọ re I tama ruẹn na.

Jerimaia 15:19

Ẹre Nọyaẹnmwa na rhie ewanniẹn ye ọna wẹẹ, “U gha dọlegbe rre, I gha dọlegbe rhan obọ miẹn ruẹn, u ghi dọlegbe gha re ọguọmwadia mwẹ. A deghẹ u mu etalọ oya fua, u na gha ta uhunmwu ne a gie ne ọ mwẹ esa, u gha dọlegbe gha re akhasẹ mwẹ. Emwa ni gha dọlegbe bu ruẹ rre, ẹghẹ i rrọ ne a gha ya miẹn wẹ wẹ ọ re ọ ghi bu iran gha khian.

Nọmbas 18:6

Mẹ ọre ọmwa ne ọ hannọ avbe Livai ne etuẹn zẹ vbe uwu ẹbu ivbi Izrẹl ne iran gha re emwi izẹ ọhẹ ne uẹn. Te a ya iran fi ohan mẹ ne iran sẹtin gha winna iwinna iran vbe uwu Owa Ukpọn Ile.

Diuteronomi 18:18

I gha gie akhasẹ vbe ruẹ ke uwu emwa iran gie iran; I gha tama rẹn ẹmwẹ ne ọ gha ta, irẹn ghi vbe rhie iyi ne I yi hia ma iran.

Taitọs 1:5

Te I sẹ uẹ rae vbe Kret ne u miẹn ehe na dọlọ avbe emwi ne a ma he ru fo vbe evba nii yi, kevbe ne u vbe gha zẹ ediọn esọsi ye dọmwadẹ esọsi. U ghi yerre vbene I ta ẹe hẹ: