Ẹzra 8:1 - Edo Bible (E Baibol Ẹdo) Version 1996

¹ Iran na ọ re ọ gha re ediọn ẹwae ni gha rre iwe vbe Babilọn, iran na vbe lele Ẹzra gha die Jerusalẹm vbe ẹghẹ ne Atakzaziz na gha re ọgbaisi:

Ẹzra 8:1 ပူးပေါင်းရင်းမြစ်များ

I Krọnikol 24:31

Dọmwadẹ ọkaẹgbẹe ghi wẹ ne ọtiọnrẹn ne ọ kotọ ọkpa ya yan uta ya zẹ iwinna ne a gha wa ne iran, zẹ vbene etẹn iran ighẹ avbe ohẹn ni re ivbi uniẹn Errọn ka vbe ru. E Devid ne ọba, e Zadọk, Ahimẹlẹk kevbe avbe ọkaẹgbẹe avbe ẹgbẹe ohẹn kevbe Livai, kegha re osẹe.

I Krọnikol 26:32

E Devid ne ọba keghi hannọ arhin iyisẹn ehairrọvbọgban (2,700) ne ọkaẹgbẹe ni sẹ ekpe vbe uwu avbe etẹn Jeraia. ọ na hẹ iran yọ ne iran gha gbearoghe ẹmwẹ emwi ugamwẹ kevbe ẹmwẹ ẹvbo kẹkan vbe otọe Izrẹl ne odẹ ahọ Ẹzẹ Jọdan — ena kegha re otọe Riubẹn, Gad kevbe Manasẹ ne Owẹn Owiẹ.

I Krọnikol 4:33

kevbe avbe igue ni lẹga iran, rhinrin yasẹ Baalat ne o rre odẹ okuo. Emwi ne iran gbẹnnẹ ye otọ vbekpa uniẹn iran kevbe dọmwadẹ ehe ne iran yinrin ọ re ena khun.

I Krọnikol 9:1

A keghi gbẹnnẹ eni ivbi Izrẹl hia ye otọ zẹvbe dọmwadẹ ẹgbẹe iran Ebe avbe iran ne Ọba Izrẹl ọ re a gbẹnnẹ emwi na yi. A ka wa viọ ivbi Izrẹl kpao gha rrie Babilọn rhunmwuda orukhọ iran.

I Krọnikol 9:34

Avbe emwa ne a kha na, avbe ọkaẹgbẹe ẹgbẹe Livai iran gha khin, zevbe uniẹn edọmwadẹ ọghọe ọghe erha iran odede. Avbe ọkaolotu ni gha rre Jerusalẹm ọre iran gha khin.

II Krọnikol 26:12

Avbe ọka okuọ ni gbearoghe ivbiyokuo ẹre kegha re arriaeha yan arriaisẹn eva (2,600).

Ẹzra 1:5

Ẹkpo nii, ọ re avbe ọkaẹgbẹe ni rre ẹwae ni rre Juda kevbe Bẹnjamin, avbe ohẹn kevbe avbe Livai, deba emwa ọvbehe hia ne Osanobua ghi rhie ye ọre ekhọe, na mu egbe, ne iran do ya bọ Ọgua Osa ọghe Nọyaẹnmwa ne ọ rre Jerusalẹm.

Ẹzra 2:2

Avbe ọkaolotu iran kegha re Zerubabẹl, e Jọsua, Nehimaia, Seraia, Rilaia, e Modekai, e Bilsian, e Mispa, e Bigvai, e Rehum kevbe Baana. Eni avbe uniẹn ivbi Izrẹl, deba eni emwa nii, kevbe dọmwadẹ uniẹn ni ke iwe rre.

Ẹzra 2:3

Parọs — Eva irrọvbe ugie yan arria isẹn eva (2,172) E Siefatia — iyisẹn eha kevbe eva yan ekigbesẹ iyi enẹ (372) Ara — ekesọgban irrọvbe arria ene (775) Pahat Moab (ivbi uniẹn e Jesua kevbe Joab) — iweva yan arriaenẹ yan arriaisẹn eva (2,812) Ẹlam — ehanirrọvbiyeha yan uri, yan arria isẹn (1,254) Zatu — isẹn irrọvbiyeha irrọ vbe arria isẹn (945) Zakai — iyeva irrọvbe arriaenẹ (760) Bani — eva yan iyeva yan arriaeha (642) Bebai — eha yan ugie yan arriaeha (623) Azgad — eva yan ugie yan uri yan arria isẹn (1,222) Adonikam — ehan yan iyeha yan arriaeha (666) Bigvai — enẹirrọvbiyeha yan arriaisẹn eva (2,056) Adin — ehan irrọvbiyeha yan arria eva (454) Atẹ (a vbe tie ẹre Hẹzekaia) — evairrọvbiyisẹn (98) Bezai — eha yan ugie yan iyisẹn eha (323) Jora — iweva yan iyisẹn (112) Hasium — eha yan ugie yan uri (223) Giba — isẹnirrọvbiyisẹn (95)

Ẹzra 7:13

“I tae wẹ ne a gie ivbi Izrẹl ni rre otọe arriọba mwẹ hia, avbe ohẹn kevbe avbe Livai, ni ho hia, lele uẹ gha rrie Jerusalẹm.

Ẹzra 7:28

Vbekpa ẹse ọhẹ Osanobua, I miẹn aro ne ọ maa nẹ vbe obọ ọgbaisi kevbe iran ni gue ẹe ziro, kevbe avbe emwa iwinna ni kọnkọn hia. E Nọyaẹnmwa ne Osanobua mwa rhie igiẹdu mẹ nẹ, I na vbe sẹtin fi eni bun vbe uwu avbe ọkaẹgbẹe Izrẹl ekhọe werrie wẹ ne iran lele mwẹ gha dee.”

Ẹzra 7:6

Ẹzra kegha re ọgbẹn ebe ne ọ wa rẹn ọnrẹn ẹsẹse ighẹ Uhi ne Nọyaẹnmwa ne Osanobua Izrẹl rhie ne Mosis. Rhunmwuda ne afiangbe Nọyaẹnmwa ne Osanobua ẹre na gha rre Ẹzra egbe, Nọgbaisi keghi wa viọ emwi hia ne ọ nọrẹn ne ẹẹn. Ọ ghi rre ukpo ihinrọn ne Atakzaziz la ẹkete, Ẹzra keghi viọ ivbi Izrẹl eso ba egbe ke Babilọn gha die Jerusalẹm, avbe ohẹn eso kevbe Livai, avbe ọsian Ọgua Osa, iran ni khẹ Ọgua Osa kevbe emwa ni winna eso kegha rre nene usun.

Ẹzra 8:2

E Gẹsiọm ne ọdiọn ẹwae Finihaz Daniẹl ọghe ẹwae Itama E Hatus ne ovbi Siekanaia ọghe ẹwae Devid E Zẹkaraia ọghe ẹwae Parọs, do deba arhin igbe yan ikiọkhọe (150) vbe ẹwae ni, (te a wa gbẹnnẹ ivbi uniẹn ne iran khin yotọ) Eliehoenai ne ovbi e Zerahia ọghe ẹwae Pahoto Moab, do deba arhin uri (200) E Siekenaia ne ovbi e Jehaziẹl ọghe ẹwae Zatu deba arhin iyisẹn eha (300) Ebẹd ne ovbi e Jonatan ọghe ẹwae Adin deba arhin ekigbesiyeha (50) E Jesiaia ne ovbi Atalaia, ọghe ẹwae Ẹlam deba arhin ekigbe siyenẹ (70) E Zebadaia ne ovbi e Maikẹl ọ gha ẹwae Siefatia, deba arhin iyenẹ (80) Obedaia ne ovbi e Jẹhiẹl, ọghe ẹwae Joab deba arhin evairrọvbugie yan uri (218) E Sielomit ne ovbi e Josifaia, ọghe uniẹn e Bani deba arhin iyihinrin (180) E Zẹkaraia ne ovbi e Bebai ọghe ẹwae Bebai, deba arhin evairrọvbọgban (28) E Johanan ne ovbi e Hakatan, ọghe ẹwae Azgad deba arhin igbeyan iyisẹn (110) Ẹlifẹlẹt, e Juẹl kevbe Siemaia, ọghe ẹwae Adonikam, deba arhin iyeha (60) (okiekie iran na ya werriegbe rre) Utai kevbe Zakọ, ọghe ẹwae Bigvai deba arhin ekigbesẹ iyi enẹ (70)