Ẹzra 7:8 - Edo Bible (E Baibol Ẹdo) Version 1996

^8-9 Ikpẹdẹ ne okaro, ọghe uki ne okaro, ọ re iran na kpao vbe Babilọn rre, vbe ekpa iyobọ Osanobua, iran keghi do sẹ Jerusalẹm vbe ikpẹdẹ ne okaro ọghe uki ne ogisẹn.

Ẹzra 7:8 ပူးပေါင်းရင်းမြစ်များ

Ẹzra 10:9

Vbe uwu ikpẹdẹ eha nii, vbe ikpẹdẹ ugie ọghe uki ne ogihinrin, emwa hia ni rre otọe Juda kevbe Bẹnjamin kegha die Jerusalẹm, iran keghi do si egbe koko vbe ore Ọgua Osa, amẹ keghi wa gha da ẹsẹse, rhunmwuda ne ẹdẹ ma na rra nii, kevbe rhunmwuda ne ọ na re iko kpataki, emwa hia kegha guọ zẹzẹzẹ.

Ẹzra 8:32

Ma ghi sẹ Jerusalẹm, ma keghi ya ikpẹdẹ eha hẹwẹ.

Ẹzra 9:9

Eviẹn ma te khin, sokpan, u ma sẹ ima rae ye ọviẹn ọmwa. U keghi gie avbe ọgbaisi e Pẹsia tohan mwa, iran na sẹ ima rae ye agbọn, iran na gie ima dọlọ Ọgua Osa ruẹ ne ọ te rẹnkhuan bọ, kevbe ne ima do lẹ fi a i ghi mwẹ ẹbe vbe Juda kevbe Jerusalẹm vbe edinran.

Ẹsta 2:16

Erriọ a miẹn ọẹn wẹ vbe ukpo ne ogihinrọn ne Kzakzis rriọba, vbe uki ne ogigbe ne a tie ẹre Tẹbẹt, a keghi rhie Ẹsta bu ọba Kzakzis vbe ẹguae ọba.

Daniẹl 9:25

Yi ọna ẹro ne u vbe rẹn emwi ne a ya ẹe kha. Ke ẹghẹ ne a ya tae wẹ ne abọ e Jerusalẹm kpao do sẹ ẹghẹ ne ọkaolotu ne Osanobua zẹe gha ya rre, ukpo ekigbesiyenẹ vbe ihe ihinrọẹn gha gberra. A gha dọlegbe bọ e Jerusalẹm ke ẹe kevbe idunmwu ni rrọọ kevbe avbe ọkhẹ ne ọ wegbe ọ gha vbe gha rrọọ vbe ukpo eva yan iyeha vbe ihe ihinrọn, sokpan ẹghẹ ọlọghọmwa ọ re ọ khian gha khin.