Ẹzra 7:5 - Edo Bible (E Baibol Ẹdo) Version 1996

⁵ ne ovbi Abisiua, ne ovbi e Finihaz, ne ovbi Eliaza, ne ovbi Errọn.

Ẹzra 7:5 ပူးပေါင်းရင်းမြစ်များ

I Krọnikol 6:4

Ivbi uniẹn Eliaza ke egbe orre ọkpa ya sẹ ọvbehe ọ re ena khin: e Finihaz, Abisiua,

II Krọnikol 19:11

Amaraia ne Ogie Ohẹn ẹre ọ ra gha ta ọfo ye ẹmwẹ ne ọ kan ẹmwẹ ugamwẹ hia fẹẹrẹ, erriọ vbe nọ, e Zebedaia ne ovbi Ismaẹl ne ọ khaemwisẹ yan e Juda ọ re ọ ra gha ta ọfo ye ẹmwẹ emwi ni kan ẹzọ kẹkan hia. Iwinna avbe Livai nọ ne iran miẹn wẹ a ru emwi hia zẹ vbene a bu ohiẹn ọnrẹn vbe iko. Wa din, ne uwa vbe gha ru avbe ẹmwẹ ne I ta ma uwa na, te Nọyaẹnmwa gha yaba ọmwa ne ọ rhirhi rri asẹ.”

II Krọnikol 26:20

Azaraia kevbe avbe ohẹn nekpa keghi wa tanro ye ọba uharo vbene ohan na gha mu iran. Iran keghi ya ẹtin mu ẹẹn hin uwu Ọgua Osa rre. Rẹn keghi rhulẹ ladian, rhunmwuda te Nọyaẹnmwa rri ẹre oya.

Ẹzra 7:4

ne ovbi e Zerahia, ne ovbi Uzi, ne ovbi e Buki,

Ẹzra 7:6

Ẹzra kegha re ọgbẹn ebe ne ọ wa rẹn ọnrẹn ẹsẹse ighẹ Uhi ne Nọyaẹnmwa ne Osanobua Izrẹl rhie ne Mosis. Rhunmwuda ne afiangbe Nọyaẹnmwa ne Osanobua ẹre na gha rre Ẹzra egbe, Nọgbaisi keghi wa viọ emwi hia ne ọ nọrẹn ne ẹẹn. Ọ ghi rre ukpo ihinrọn ne Atakzaziz la ẹkete, Ẹzra keghi viọ ivbi Izrẹl eso ba egbe ke Babilọn gha die Jerusalẹm, avbe ohẹn eso kevbe Livai, avbe ọsian Ọgua Osa, iran ni khẹ Ọgua Osa kevbe emwa ni winna eso kegha rre nene usun.

Ẹksọdọs 6:25

Eliaza ne ovbi Errọn keghi rhie ọkpa vbe uwu avbe ivbi Putiẹl rọnmwẹ, ọ na bie Finihaz nẹẹn. Ena ọre ọ gha re avbe ọkaẹgbẹe ọghe avbe ẹgbẹe Livai, zẹ vbe uniẹn dọmwadẹ ọghọe.

Levitikọs 10:12

E Mosis keghi khama Errọn ke ẹe kevbe ivbi ẹre eva ni dekẹe, Eliaza kevbe Itama wẹẹ, “Wa rhie ne ọ dekẹ rre vbe uwu izọhẹ ọka ọghe evbare ne a rhie gie Nọyaẹnmwa ne uwa ru ebrẹd ne ọma hue, ne uwa rri ọe vbe ọkpẹn aka rhunmwuda izọhẹ na, ne ọ huansẹ wa nọ.

Levitikọs 10:16

E Mosis keghi nọ ẹmwẹ ẹwe ne a ya zọ ese ye orukhọ, ọ keghi miẹn wẹ a giẹn ọnrẹn uan nẹ. Ọna keghi gie ohu Eliaza kevbe Itama ni ghi kẹe vbe ivbi Errọn mu ẹẹn, ọ keghi nọ wẹẹ,

Levitikọs 10:6

Ọre Mosis na tama Errọn kevbe avbe ivbi ẹre ighẹ Eliaza kevbe Itama wẹẹ, “Wa ghẹ sẹ eto uwa rae vbe ne a ma na salọ ẹe ra ne uwa yanghan ẹwu uwa ya rhie maa ighẹ te uwa rre akhiẹ. Wa gha ru vberriọ, wa gha wulo, e Nọyaẹnmwa gha vbe mu ohu emwa na hia sokpan, avbe etuẹn, kevbe avbe emwa Izrẹl hia, a fan obọ ẹre ne iran ne iran khiẹ uwu na ne ọ la ekpa erhẹn ne ọ ke obọ Nọyaẹnmwa rre.

Nọmbas 27:2

Iran keghi ya mudia ye odaro e Mosis. Eliaza ne ohẹn, avbe ọkaolotu kevbe emwa Izrẹl hia, vbe onurho Owa Ukpọn Ile, iran na kha wẹẹ,

Nọmbas 3:32

Ọkaolotu avbe Livai kegha re Eliaza ne ovbi Errọn ne ohẹn, rẹn ọre ọ gha gbe aro ghe iran ni winna vbe uwu Ehe Ne ọ huanrẹn.

Nọmbas 31:31

E Mosis kevbe Eliaza keghi ru vbene Nọyaẹnmwa khare.

Nọmbas 31:54

Ẹre Mosis kevbe Eliaza na viọ avbe igoru nii gha rrie Owa Ukpọn Ile ne Nọyaẹnmwa miẹn ehe na gha degue ivbi Izrẹl.

Nọmbas 31:6

E Mosis keghi gie iran gha rrie okuo, ọ na gie Finihaz ne ovbi Eliaza ohẹn ke odaro ne ọ gha wa iran ye okuo, kevbe ne ọ viọ avbe emwi iruemwi ni huanrẹn mwẹ deba a vbe okpe ne a ya gue egbe guan.

Hibru 5:4

Orhunmwu ọkpa ne ọ tobọ ẹre mu ọghọ akpa ogie ohẹn yọ egbe ẹre, ẹ i rrọọ. Osanobua ọre ọ zẹ ọmwa ne a ya ma ogie ohẹn, zẹ vbene a zẹ Errọn.

Jọsua 14:1

Ọna ọrọre vbene a ya ghae otọe nẹ ivbi Izrẹl hẹ vbe Kenan vbe odẹ ekẹn Jọdan. Eliaza ne ohẹn, e Jọsua ne ovbi e Nọn kevbe ọkaolotu avbe ẹgbẹe ni rre Izrẹl ọ re ọ ghae nene otọ ne emwa nii.

Jọsua 22:13

Ẹre ivbi Izrẹl na gie Finihaz ne ovbi Eliaza ne ohẹn bu ẹwae Riubẹn, e Gad, odẹ ahọ vbe ẹwae Manasẹ vbe otọe Giliad.

Jọsua 22:31

E Finihaz ne ovbi Eliaza ne ohẹn keghi tama iran wẹẹ, “Banbanna nian, ma rẹnrẹn wẹ, e Nọyaẹnmwa gu ima rrọọ, rhunmwuda, wa ma sọtẹ ghe e Nọyaẹnmwa, wa kevbe fannọ ivbi Izrẹl hin obọ irrioya ọghe Nọyaẹnmwa rre.”

Jọsua 24:33

Eliaza ne ovbi Errọn keghi wu, a na re ẹre ye Gibea ne ẹvbo e Finihaz ne ovbi ẹre, ne a mu ne ẹẹn vbe ẹvbo oke ọghe Ifreim.