Ẹzra 7:28 - Edo Bible (E Baibol Ẹdo) Version 1996

²⁸ Vbekpa ẹse ọhẹ Osanobua, I miẹn aro ne ọ maa nẹ vbe obọ ọgbaisi kevbe iran ni gue ẹe ziro, kevbe avbe emwa iwinna ni kọnkọn hia. E Nọyaẹnmwa ne Osanobua mwa rhie igiẹdu mẹ nẹ, I na vbe sẹtin fi eni bun vbe uwu avbe ọkaẹgbẹe Izrẹl ekhọe werrie wẹ ne iran lele mwẹ gha dee.”

Ẹzra 7:28 ပူးပေါင်းရင်းမြစ်များ

Gẹnẹsis 32:28

Okpia nii keghi kha wẹẹ, “A i ghi ra tie eni ruẹn Jekọb ọvbehe. U gu Osanobua kevbe emwa nagbọn suan nẹ, obọ ruẹ keghi ke okhunmwu, rhunmwuda ọnii eni ruẹn ọ re ọ ghi gha re Izrẹl.”

Gẹnẹsis 43:14

Osanobua Noghodua ne ọ gie okpia nii tohan uwa, ne ọ miẹn ehe na rhie ọtẹn uwa nokpia kevbe Bẹnjamin ne uwa. Zẹvbe ọghomwẹ mwẹ, a deghẹ te a ghi wẹ ne emọ gha wu mwẹ, a gie iran gha wu mwẹ.”

Ẹzra 5:5

Sokpan, Osanobua keghi mudia ne iran ne avbe olotu e Ju, rhunmwuda ọnii avbe ivbi e Pẹsia ni rre asẹ nii keghi wẹ iran i ra ru emwi rhọkpa vbe ẹ i re te iran ka gbẹn ebe gie Dariọs ne ọgbaisi keghi ne ọ vbe rhie ewanniẹn gie iran nẹ.

Ẹzra 7:14

Mẹ kevbe iran ne ihinrọn ni gun mwẹ zẹ iro, ọ re ọ giọ wẹ ne u ya gualọ otọ vbene emwi hia ye hẹ vbe Jerusalẹm kevbe Juda, ne u miẹn ehe na rẹn vbe ne iran ya ẹe ru emwi hẹ ighẹ Uhi Osanobua ruẹ ne a ka yọ uẹ obọ.

Ẹzra 7:6

Ẹzra kegha re ọgbẹn ebe ne ọ wa rẹn ọnrẹn ẹsẹse ighẹ Uhi ne Nọyaẹnmwa ne Osanobua Izrẹl rhie ne Mosis. Rhunmwuda ne afiangbe Nọyaẹnmwa ne Osanobua ẹre na gha rre Ẹzra egbe, Nọgbaisi keghi wa viọ emwi hia ne ọ nọrẹn ne ẹẹn. Ọ ghi rre ukpo ihinrọn ne Atakzaziz la ẹkete, Ẹzra keghi viọ ivbi Izrẹl eso ba egbe ke Babilọn gha die Jerusalẹm, avbe ohẹn eso kevbe Livai, avbe ọsian Ọgua Osa, iran ni khẹ Ọgua Osa kevbe emwa ni winna eso kegha rre nene usun.

Ẹzra 8:1

Iran na ọ re ọ gha re ediọn ẹwae ni gha rre iwe vbe Babilọn, iran na vbe lele Ẹzra gha die Jerusalẹm vbe ẹghẹ ne Atakzaziz na gha re ọgbaisi:

Ẹzra 8:15

I keghi si avbe emwa nii koko vbe ẹzẹ ne a ye obọ fian ne ọ lẹ ghe Ahava, ma keghi bu agọ ye evba la ikpẹdẹ eha. I keghi miẹn wẹ, avbe ohẹn rre uwu ẹbu nii, sokpan avbe Livai i rrọọ.

Ẹzra 8:18

Vbe ekpa ẹse ọhẹ Osanobua, iran keghi gie Siẹrebia, e Livai, ne ọ sihe, ne ovbi ẹwae Mali, bu ima gha dee, arhin evai rrọvbugie, vbe uwu avbe ivbi ẹre kevbe etiọnrẹn keghi lele ẹe gha dee.

Ẹzra 9:9

Eviẹn ma te khin, sokpan, u ma sẹ ima rae ye ọviẹn ọmwa. U keghi gie avbe ọgbaisi e Pẹsia tohan mwa, iran na sẹ ima rae ye agbọn, iran na gie ima dọlọ Ọgua Osa ruẹ ne ọ te rẹnkhuan bọ, kevbe ne ima do lẹ fi a i ghi mwẹ ẹbe vbe Juda kevbe Jerusalẹm vbe edinran.

Nehimaia 1:11

Rhunmwuda ọnii họn erhunmwu mwẹ kevbe ọghe eguọmwadia ruẹ nekpa ni yọghọ ne uẹn. Rhie ọdunna mẹ ẹrẹna, nẹ u gie ọgbaisi tohan mwẹ.” Vbe ẹghẹ nii, mẹ ọrọre ne ọ sa ayọn ne ọgbaisi.

Nehimaia 2:8

I keghi vbe nọ wẹ ne ọ gbẹn ebe mẹ rhie gie Asaf ne ọ gbearoghe ẹgbo ọba, ne ọ khama rẹn wẹ ne ọ viọ erhan mẹ ne I ya kan ẹkhu onurho odin ne ọ degue Ọgua Osa, deba ọghe ekẹn ne a gbe lẹga ẹvbo kevbe owa ne imẹ ra dia. Ọgbaisi keghi wa viọ emwi ne I nọrẹn hia mẹ rhunmwuda, Osanobua gun mwẹ rrọọ.

Psalm 109:12

Ai gha miẹn ọmwa ne ọ gha tohan rẹn, ra ne ọ gha koko emọ ne ẹ i mwẹ erha ne ọ sẹrae.

Jona 3:7

Ọ keghi gie ne a tama emwa e Ninevi wẹẹ, “Ọba kevbe ekhaẹmwẹ ọnrẹn ọre ọ gie uhunmwu na rre wẹ: ọmwa ikọmwa ghẹ rri evbare rhọkpa, emwa ne agbọn, ẹmila kevbe ohuan, a wẹ ne iran ghẹ re, iran ghẹ da.