Ẹzra 7:27 - Edo Bible (E Baibol Ẹdo) Version 1996

²⁷ Ẹzra keghi kha wẹẹ, “Wa rho e Nọyaẹnmwa ne Osanobua avbe erha mwẹ odede. Ọ ru ẹe ne ọgbaisi ya ọghọ ne Ọgua Osa e Nọyaẹnmwa ne ọ rre Jerusalẹm vbenian.

Ẹzra 7:27 ပူးပေါင်းရင်းမြစ်များ

II Krọnikol 31:8

Ugbẹn vbe Hẹzekaia ne ọba kevbe ekhaẹmwẹ ọnrẹn ghi miẹn emwi ne iran viọ rre iran keghi rho Nọyaẹnmwa, iran keghi vbe tian ivbi Izrẹl.

Ẹzra 6:22

Iran keghi ya ikpẹdẹ ihinrọn ghọghọ oghọghọ nọkhua ru Emwiukpo Ebrẹd Ne ọ ma hue. iran kakabọ ghọghọ rhunmwuda, e Nọyaẹnmwa keghi ru ẹe ne Ọgbaisi Asiria gha ru iran ẹse, sẹrriọ wẹ ọ na kakabọ ye iran obọ vbe iran bọ Ọgua Osa ọghe Osanobua Izrẹl.

Nehimaia 2:12

I ma tama ọmwa rhọkpa, emwi ne Osanobua rhie yọ mwẹ ekhọe ne I do ru ne Jerusalẹm. Ẹre ọ ghi na sẹ ogiasọn, I keghi guakpao, I na viọ ihua mwẹ eso ba egbe ladian. Ẹsin ne imẹ hinrin ọkpa ọ re ọ gha re aranmwẹ ne ima mu gha khian.

Nehimaia 2:8

I keghi vbe nọ wẹ ne ọ gbẹn ebe mẹ rhie gie Asaf ne ọ gbearoghe ẹgbo ọba, ne ọ khama rẹn wẹ ne ọ viọ erhan mẹ ne I ya kan ẹkhu onurho odin ne ọ degue Ọgua Osa, deba ọghe ekẹn ne a gbe lẹga ẹvbo kevbe owa ne imẹ ra dia. Ọgbaisi keghi wa viọ emwi ne I nọrẹn hia mẹ rhunmwuda, Osanobua gun mwẹ rrọọ.

Nehimaia 7:5

Osanobua keghi rhie yọ mwẹ ekhọe wẹ ne I si avbe emwa nii koko, kevbe avbe ọkaolotu kevbe iran ni rre ukpo vbe uwu iran, ne I vbe ghe ebe uniẹn iran. I keghi gualọ ebe iran ni ka gha ke iwe rre miẹn, emwi ne I miẹn vbọ ọ re ọna khin:

Ẹksọdọs 8:9

E Mosis keghi wanniẹn wẹẹ, “Ẹko rhiẹnrhiẹnmwẹ ọre I gha ya na erhunmwu nuẹn, ekhaẹmwẹ ruẹn kevbe emwa ruẹn, ne ẹkirẹ kpao hin ehe hia ne u ye rre ne a miẹn wẹ ẹzẹ Nail ọkpa ọre iran ghi ye.”

Itan 21:1

Vbene ẹ i lọghọ e Nọyaẹnmwa vbe ọ gha ta ehe ne ẹzẹ gha lẹ la, erriọ ẹre ẹ i vbe lọghọ vbe ọ a gha dia ekhọe ọba ye odẹ.

Aizaia 60:13

“Erhan agba, umẹ kevbe uvbiakhẹ erhan ne ọ ghi maa sẹ vbe ẹgbo e Lebanọn a gha viọ iran do ya dọlọ e Jerusalẹm ruẹn bọ. Ne a do ya ẹe ya Ọgua Osa mwẹ mose. Ne a do ya ẹvbo mwẹ gha mwẹ uyi.

Iyẹn ne ọ Maan Ọghe Luk 7:5

Ọ ho ẹmwẹ emwa ima ẹsẹse, rẹn wa ye ekhọe obọ re bọ Ọgua ediọn ọkpa ne ima.”

II Kọrinti 8:16

Ma mobọ kpọnmwẹ Osanobua, ne ọ na ru ẹe wẹ vbene ọ bọbọ ima egbe ne a gha ye uwa obọ, erriọ ọre ọ vbe bọbọ Taitọs egbe.

Filipai 4:10

U miẹn vbe ọyẹnmwẹ sẹ mwẹ hẹ ye ẹdẹ agbọn mwẹ vbe uwu Nọyaẹnmwa Iyeke vbe ọ ghi kpẹe fua nẹ, wa kevbe miẹn ẹkpo otọ ya dọlegbe rhie maa ighẹ, uwa mu ẹmwẹ mwẹ roro. I ma kha ighẹ wa te yan mwẹ fua nẹ o, te uwa ma miẹn ẹkpo otọ ya ru ẹe.

Hibru 10:16

“Ọna ọre ile ne I gha gu iran ta vbe iyeke a vbe ẹdẹrriọ, erriọ Nọyaẹnmwa khare: I gha rhie uhi mwẹ ye iran ekhọe, I ghi vbe gbẹn ọẹn ye iran orhiọn.”

Hibru 8:10

Banbanna nian, ile ne U ghi ra gu iran ta ọna khin. Vbe iyeke avbe ẹdẹ nii, erriọ Nọyaẹnmwa khare: I gha rhie uhi mwẹ ye ẹko iran, I ghi vbe gbẹn ọẹn ye iran ekhọe, Mẹ ghi gha re Osanobua iran, Iran ghi gha re emwa mwẹ.

Jems 1:17

Emwi ne ọ gbae, ne ọ maa, ne a ya we ọmwa hia, ke ẹrinmwi rre nọ. Obọ Osanobua ne Ayi ne ọ yi uwanmwẹ ẹrinmwi, ọ re ọ ke rre. Rẹn i fi werriẹ, ra ne ọ vbe la ekpa a fiwerriẹ si ebiebi.

Arhie Maan 17:17

Rhunmwuda Osanobua rhie ye iran ekhọe, ne iran gha ho ne iran ru vbene irẹn ho, ne iran gha ru emwi kugbe, ne iran vbe viọ ẹtin iran, ne aranmwẹ oha nii ya gha khaemwisẹ, rhinrin ẹmwẹ Osanobua te do sẹ.