Ẹzra 7:25 - Edo Bible (E Baibol Ẹdo) Version 1996

²⁵ “Wẹ ne Ẹzra, u ghi lo ẹwaẹn ne Osanobua ruẹ rhie nuẹn, ne u zẹ iran ni khaemwisẹ kevbe ni bu ohiẹn, ne iran gha gbearoghe avbe emwa hia ni lele Uhi Osanobua ruẹ ru emwi vbe odẹ Orrie e Yufretes. U ghi ma iran hia uhi nii ighẹ avbe emwa ni ma he te ka rẹn ọnrẹn.

Ẹzra 7:25 ပူးပေါင်းရင်းမြစ်များ

Gẹnẹsis 41:38

Ọ keghi khama iran wẹẹ, “De ehe ne a gha na miẹn ọmwa ọvbehe nẹ ọ maa sẹẹ Josẹf ne ọ mwẹ orhiọn Osanobua.”

Gẹnẹsis 41:39

Ẹre ọba na khama Josẹf wẹẹ, “Vbene Osanobua ghi na rhie emwi na ma ruẹn nẹ, ọmwa ọvbehe ne ẹdẹgbe vbe ẹko ra ne ọ wan sẹẹ ruẹ, ẹ i ghi rrọọ.

I Ọba 3:28

Ivbi Izrẹl ghi họn ohiẹn ne Solomọn buru, iran keghi kpa uhe ne ẹẹn, rhunmwuda, iran miẹn wẹ Osanobua rhie ẹwaẹn ne ẹẹn ne ọ ya gha buohiẹn ẹse.

II Ọba 17:27

Ẹre ọgbaisi ni na tama iran wẹẹ, “Wa rhie ọkpa vbe uwu avbe ohẹn ne ima mu ẹre oghunmwu, werriegbe gha khian, wẹ ne ọ werriegbe ne ọ ya gha rre odọ, ne ọ miẹn ehe na gha ma emwa nii uhi ẹbọ ne ọ yan otọe nii.”

I Krọnikol 22:12

Te Nọyaẹnmwa ne Osanobua ruẹ gha rhie irẹnmwi kevbe ẹwaẹn ne uẹn ne u miẹn ehe na gha khaemwisẹ yan ivbi Izrẹl vbe odẹ ne ọ gua Uhi ẹre ro.

I Krọnikol 23:4

Ọba na viọ iran arriaisẹn enẹ yan ugie (24,000) vbọ ne iran gha winna iwinna khaemwisẹ vbe uwu Ọgua Osa, ọ keghi viọ iran arriaisẹn ehan (6,000) vbọ ne iran gha sin emwi ẹro kevbe ne iran gha bu ohiẹn.

Ẹzra 10:4

Obọ ruẹ ọ re ọ ye wẹ ne u guan ladian, ma gha yaba ruẹ, rhunmwuda ọnii nian, rhie obọ yọ ne u suẹn ọnrẹn ne a ru ẹe.

Ẹzra 6:6

E Dariọs ne ọgbaisi keghi rhie ewanniẹn na gie iran: “Tatenai nọ khaemwisẹ otọe orrie Yufretes, Sieta Bozenai, kevbe emwa ni rre asẹ ne ihua a vbe odẹ orrie Yufretes. “Wa ke ẹmwẹ Ọgua Osa ladian.

Ẹzra 7:10

Te Ẹzra wa mu aro ye ẹmwẹ nene uhi e Nọyaẹnmwa ne a ruẹ, kevbe ne a ya ruemwi kevbe ne ọ gha ma ivbi Izrẹl ne uhi kevbe ilele ni rrọọ.

Ẹzra 7:14

Mẹ kevbe iran ne ihinrọn ni gun mwẹ zẹ iro, ọ re ọ giọ wẹ ne u ya gualọ otọ vbene emwi hia ye hẹ vbe Jerusalẹm kevbe Juda, ne u miẹn ehe na rẹn vbe ne iran ya ẹe ru emwi hẹ ighẹ Uhi Osanobua ruẹ ne a ka yọ uẹ obọ.

Nehimaia 9:3

Vbe omwa ẹgogo eha, a keghi gha tie Uhi e Nọyaẹnmwa ne Osanobua iran ma iran, vbe ẹgogo eha ne ọ lele ẹe, iran kegha miẹn orukhọ iran kue, iran na gha ga e Nọyaẹnmwa ne Osanobua iran.

Psalm 19:7

Te uhi e Nọyaẹnmwa wa gba te ọ rhie ẹtin ọgbọn ye ọmwa iwu. Iyi e Nọyaẹnmwa gia mu ẹtin yan, te ọ rhie ẹwaẹn ne iran ne ẹi te mwẹ.

Itan 2:6

E Nọyaẹnmwa ọ re ọ ya ẹwaẹn ne ọmwa. Obọ ẹre ọ re ẹwaẹn kevbe irẹnmwi ke rre.

Itan 6:23

Ukpa ne ọ baa ọ re igiodẹ iran khin, vbene iran ya dia ruẹ ye odẹ, gha sẹtin ma ruẹn vbene u gha ya gha yin hẹ.

Malakai 2:7

Iwinna avbe ohẹn nọ ne iran ma emwa irẹnmwi ẹmwata ọghe Osanobua. Te ọ kere ne emwa gha bu iran yo ne iran ya gha ruẹ emwi ne I ho, rhunmwuda iran ọrọre ukọ ọghe Nọyaẹnmwa ne Oghodua.

Matiu 13:52

Ọ keghi dọlegbe tama iran wẹẹ, “Ọnii rhie ma wẹ deghẹ ọma emwa Uhi ọkpa do khian ọrhuanegbe vbe uwu Arriọba ẹrinmwi, rẹn ghi do yevbe ọdafẹn nọyan owa, ọ ghi vbe gha viọ emwi ọgbọn kevbe emwi ọwiẹyi ke uwu aza ẹre ladian.”

Iyẹn ne ọ Maan Ọghe Mak 6:34

Ugbẹn vbe Jesu ghi ke uwu okọ ladian, ọ miẹn emwa ni gbe ẹbu nii, ohan iran keghi to ẹe ẹsẹse rhunmwuda iran ye vbe ohuan ne ẹ i mwẹ ne ọ su ẹe. Ọ kevbe suẹn gha ma iran emwi ni bun ẹsẹse.

Diuteronomi 16:18

“U ghi zẹ avbe ọbuohiẹn kevbe emwa iwinna vbe dọmwadẹ ẹvbo ne Nọyaẹnmwa Osanobua gha rhie ne uẹn. Iran na ghi gha bu ohiẹn emwa nii vbe ne a i na ghe ikpanro.

Kọlose 1:28

Rhunmwuda ọnii, ọre ima na kpe orhu Kristi ma emwa hia, ma ghi gha tama emwa hia ye otọ, ma ghi gha ma iran emwi vbe odẹ ẹwaẹn hia, ne a sẹtin lo, ne a miẹn ehe na rhie edọmwadẹ ọghọe gha die odaro Osanobua zẹ vbe ọmwa ne ọ si uwan nẹ, vbe uwu a ya egbe ba Kristi.

Jems 1:5

Sokpan deghẹ a miẹn ne ẹ i mwẹ ẹwaẹn vbe uwu uwa, wẹ ne ọ na erhunmwu ghe Osanobua, ne ọ gha rhie ẹre nẹẹn, rhunmwuda, ọwọrhọwọrhọ ọre Osanobua viọ emwi ne emwa hia.