Ẹzra 7:24 - Edo Bible (E Baibol Ẹdo) Version 1996

²⁴ Ghẹ koko igho uhunmwu vbe obọ avbe ohẹn ra avbe Livai, ikpemaba, iran ni khẹ odẹ, iran ni winna, ra ọmwaikọmwa ne ọ ghi mwẹ emwi ne ọ ru nẹ vbe Ọgua Osa.

Ẹzra 7:24 ပူးပေါင်းရင်းမြစ်များ

Gẹnẹsis 47:22

Otọe ne ọ ghi sẹrae ne ọ ma dẹ keghi re ọghe avbe ohẹn. Emwi ne ọ gha ye iran khiẹn otọ iran irrọọ, rhunmwuda te ọba gha rhie evbare ne iran re ne iran.

Gẹnẹsis 47:26

E Josẹf keghi yi ẹre iyi wẹ a gha wa ẹre ye ihe isẹn, obọkpa vbe emwiokọ ne a rhọre ghi gha re ọghe ọba. Te iran ye lele uhi na do sẹ ẹdẹnẹrẹ na. Otọe avbe ohẹn ọkpa ọre ọ ma khian ọghe ọba.

Ẹzra 4:13

Umogun, a gha miẹn wẹ, a dọlegbe bọ ẹvbo na kevbe ekẹn ne a gbe lẹga ẹre fo; emwa ni gha da obọ igho uhunmwu ne a zẹ mu guẹ, ẹghẹ nii, ẹfe ruẹ zẹ vbe ọba ghi do dibu.

Ẹzra 4:20

Avbe ọba ni mwẹ ẹtin ka vbe rriọba vbe evba yi, iran na gha kha yan ehe ne otọe Orrie Yufretes sẹe ke ne ọ rhan mwẹ hia, iran keghi vbe gha koko igho otọ.

Nehimaia 5:4

Emwa ọvbehe eso kevbe kha wẹẹ, “Te ima gha mọmọ igho ya ha osa ne a hae ne ọba ye ugbo kevbe ogba azara.

Matiu 9:9

Jesu keghi kpao vbe evba rre, ugbẹn vbe ọ ghi khian ọ miẹn okpia ọkpa ne a tiẹre Matiu, ọ tota ye ehe ne ọ na koko igho uhunmwu. Ọ keghi khama rẹn wẹẹ, “Lele mwẹ.” Matiu keghi guakpao, ọ na lelẹe.