Ẹzra 7:23 - Edo Bible (E Baibol Ẹdo) Version 1996

²³ U ghi gbe aro ke otọ ne u ya viọ emwi hia ne Osanobua Ẹrinmwi gualọ vbe Ọgua Osa ẹre yọ, ne u vbe miẹn wẹ ọ ma mu ohu mwẹ ra ọghe iran ni gha rriọba lele mwẹ ẹdẹ ne akhuẹ.

Ẹzra 7:23 ပူးပေါင်းရင်းမြစ်များ

Ẹzra 7:13

“I tae wẹ ne a gie ivbi Izrẹl ni rre otọe arriọba mwẹ hia, avbe ohẹn kevbe avbe Livai, ni ho hia, lele uẹ gha rrie Jerusalẹm.

Ẹzra 7:18

Wa sẹtin lo avbe igoru kevbe avbe esiliva ni dekẹe ye emwi ne ọ yẹ uwẹ vbe ivbi ẹvbo ruẹ ne ihua, zẹ vbe ọghe Osanobua uwa.

Ẹzra 7:22

Sokpan ne ọ ghẹ bun gberra uwan esiliva iyisẹn isẹn yan arriaisẹn ihinrọn (7,500) okhuae ọka iyisẹn isẹn (500), e galọn ayọn ekigbesiyeha yan iyisẹn isẹn (550), egalọn ẹvbi oliv ekigbesiyeha yan arriaisẹn isẹn (5,050) deba umwẹ vbene iran gualọe yi.

Psalm 119:4

Nọyaẹnmwa, wẹ rhie uhi ruẹ ne ima nẹ, u na wẹ ne ima gha ya ẹe ru emwi ekhọe kekhọe.

Ẹksọdọs 5:3

E Mosis kevbe Errọn keghi wanniẹn wẹẹ, “Osanobua avbe emwa Hibru do miẹn ima. Lahọ gie ima khian okhian ikpẹdẹ eha gha rrie uwu ato ne ima ya zọ ese ghe Nọyaẹnmwa Osanobua ima. A deghẹ ma ma yo, ọ gha ya okuo ra okpe emianmwẹ gbele ima hia a.”

Jerimaia 29:7

Wa gha ru emwi ne ọ maa ye dọmwadẹ ẹvbo ne I kue ne a viọ uwa oghunmwu gha rrie. Wa gha na erhunmwu ghe mwẹ ne iran rhunmwuda, agbọn gha maa iran, ọ gha vbe maa uwa.

Zẹkaraia 12:3

Sokpan, ọ gha sẹ ẹghẹ ne a kha na, I gha ye Jerusalẹm khian emwi ne ọ ye vbe okuta ne ọ khua. Ẹvboikẹvbo ne ọ wẹ rẹn ra tọn ẹn mu gha miẹn ikuangbe. Avbe uhunmwu ẹvbo hia ni rre agbọn gha ku obọ gbe ne iran gu ẹe gbinna.