Ẹzra 7:16 - Edo Bible (E Baibol Ẹdo) Version 1996

¹⁶ U ghi vbe viọ esiliva kevbe igoru hia ne u koko vbe otọ arriọba e Babilọn hia, deba emwi imu ohan ne ivbi Izrẹl kevbe avbe ohẹn viọ rre rhunmwuda iwinna Ọgua Osa ọghe Osanobua iran vbe Jerusalẹm.

Ẹzra 7:16 ပူးပေါင်းရင်းမြစ်များ

I Krọnikol 29:17

Mẹ rẹnrẹn wẹ te uwẹ danmwẹ ekhọe edọmwadẹ ọghọe ghe, ẹko ruẹ vbe rhiẹnrhiẹn emwa ne ekhọe ne ọ huanrẹn kevbe ne ọ re ọghe ẹmwata. Ẹko ẹmwata ọre I ya ye ekhọe obọ mwẹ viọ emwi na hia guẹ. Ọ vbe miẹn vbene emwa ni si koko ye emwa na vbe ya ẹko ọyẹnmwẹ viọ emwi ihaoko guẹ.

I Krọnikol 29:6

Ẹre avbe ọkaẹgbẹe dọmwadẹ uniẹn, iran ni rre asẹ vbe dọmwadẹ ẹwae, avbe ọkaokuo nekhua avbe ivbiyokuo kevbe iran ni gbearoghe ẹfe ọba na ya ekhọe obọ iran we iran gha viọ re.

I Krọnikol 29:9

Emwa nii keghi ya ekhọe obọ iran viọ emwi gie Nọyaẹnmwa, iran keghi ghọghọ wẹ emwi ne a viọ rre bun sẹ vberriọ. Ẹko keghi kakabọ rhiẹnrhiẹn e Devid ne ọba tobọ ẹre.

II Krọnikol 31:14

E Kore ne ovbi Imna ne ọ vbe re Livai ne ọ re ọkaolotu iran ni khẹ Onurho Odẹ Ahọ vbe Ọgua Osa, ẹre iran rhie yọ ne ọ gha koko emwi ne a ya zẹ ọhẹ gie Nọyaẹnmwa kevbe ne ọ vbe gha gha ẹre.

II Krọnikol 6:2

Banbanna, I bọ ọgua osa ọrhẹnrhẹn ne uẹn nẹ, ehe ne u khian gha dia ẹdẹdẹmwẹdẹ.”

II Krọnikol 6:5

‘Ke ẹghẹ ne I ya viọ emwa mwẹ ke otọe Igipt ladian do sẹ ebanbanna, I ma hannọ ẹvbo ke ẹvbo zẹ ne I gha bọ ọgua osa mwẹ yi vbe Izrẹl, ehe ne a gha na gha ga mwẹ. I ma vbe zẹ ọmwarhọkpa ne ọ gha re ọkaolotu Izrẹl ne emwa mwẹ.

II Krọnikol 6:6

Sokpan banbanna nian, I zẹ e Jerusalẹm zẹ vbe ehe ne a gha na gha ga mwẹ kevbe uwẹ ne Devid ne u gha khaemwisẹ yan emwa mwẹ!’ ”

Ẹzra 1:4

A deghẹ arhienso vbe uwu emwa rẹn ni rre iwe na gualọ iyobọ ne ọ gha ya dọlegbe gha rrie owa, emwa ẹdogbo ẹre ghi ru iyobọ na ne iran. Iran ghi viọ esiliva kevbe igoru ne iran, evbare kevbe aranmwẹ ne a ya kun ihẹ, deba emwi imuohan nẹ ne iran gha viọ ladian vbe Ọgua Osa ọghe Osanobua vbe Jerusalẹm.”

Ẹzra 1:6

Emwa ẹdogbo iran hia keghi yi iran obọ vbene iran na viọ emwi nibun ne iran: emwi ne a ya le evbare ọghe esiliva, igoru, evbare, aranmwẹ ni mu ihẹ, emwi ewe ọvbehe kevbe emwi ne a ya mu ohan vbe Ọgua Osa.

Psalm 135:21

Wa rho e Nọyaẹnmwa vbe Zaiọn, vbe Jerusalẹm ne owa ẹre. Wa rho e Nọyaẹnmwa!

II Kọrinti 8:12

Rhunmwuda, deghẹ obọ ẹse na ru tọlọ uwa, emwi ne uwa mwẹ ne uwa gha ru ẹse, ọre Osanobua ra ghe ya rhan obọ miẹn ẹse ne uwa ru, ighẹ ẹ i re emwi ne uwa i mẹ.

II Kọrinti 9:7

Rhunmwuda ọnii, wẹ ne dọmwadẹ ọghọe zẹ ọhẹ vbene ọ ye ekhọe ẹre mwamwa ẹn, ẹ i re ne a ru viẹ, ra ọghe te a ya tọn mwẹ, rhunmwuda, ọmwa ne ọ ye ekhọe ọyẹnmwẹ ru ẹse, ọre Osanobua ho ẹmwẹ ọnrẹn.