Ẹzra 7:15 - Edo Bible (E Baibol Ẹdo) Version 1996

¹⁵ U ghi viọ ehia gha khian ighẹ emwi izọ ese igoru kevbe esiliva, ne imẹ kevbe iran ni gunmwẹ zẹ iro ya mu ohan gie Osanobua Izrẹl ne Ọgua Osa ẹre rre Jerusalẹm.

Ẹzra 7:15 ပူးပေါင်းရင်းမြစ်များ

I Krọnikol 29:6

Ẹre avbe ọkaẹgbẹe dọmwadẹ uniẹn, iran ni rre asẹ vbe dọmwadẹ ẹwae, avbe ọkaokuo nekhua avbe ivbiyokuo kevbe iran ni gbearoghe ẹfe ọba na ya ekhọe obọ iran we iran gha viọ re.

II Krọnikol 2:6

Vbe ne ẹmwata, ọmwa ne ọ gha sẹtin bọ Ọgua Osa ne Osanobua i rrọọ rhunmwuda, vbene ẹrinmwi kpọlọ sẹ nii, ẹ i gua ẹe. Rhunmwuda ọnii, vbe imẹ ghẹ ghi na sẹtin bọ emwi ne ọ gberra Ọgua Osa ne a na giẹn eturari ghe Osanobua hẹ?

II Krọnikol 32:23

Emwa ni bun kegha rrie Jerusalẹm, iran kegha ya imuohan gie Nọyaẹnmwa, iran na vbe gha zẹ ọhẹ gie Hẹzekaia sẹrriọ we ke ẹghẹ ni kpa, emwa hia keghi wa gha ghe Hẹzekaia gidii.

II Krọnikol 6:2

Banbanna, I bọ ọgua osa ọrhẹnrhẹn ne uẹn nẹ, ehe ne u khian gha dia ẹdẹdẹmwẹdẹ.”

II Krọnikol 6:6

Sokpan banbanna nian, I zẹ e Jerusalẹm zẹ vbe ehe ne a gha na gha ga mwẹ kevbe uwẹ ne Devid ne u gha khaemwisẹ yan emwa mwẹ!’ ”

Ẹzra 1:6

Emwa ẹdogbo iran hia keghi yi iran obọ vbene iran na viọ emwi nibun ne iran: emwi ne a ya le evbare ọghe esiliva, igoru, evbare, aranmwẹ ni mu ihẹ, emwi ewe ọvbehe kevbe emwi ne a ya mu ohan vbe Ọgua Osa.

Ẹzra 6:12

Te Osanobua ni ne ọ zẹẹ Jerusalẹm wẹ evba ọre a gha na gha ga irẹn, gha guọghọ ẹre arriọba a, ighẹ ọbakọba ne ọ ma zẹ ye ẹmwẹ na, ọ na gha ho ne ọ guọghọ Ọgua Osa ne ọ rre evba a. Mẹ ne Dariọs ọ re ọ ta ẹmwẹ na. Ẹmwẹ ne I tae, ta a gha mu ẹẹn sẹ.”

Ẹzra 6:4

Vbene a ra ya gbe ekẹn ọnrẹn ọrọre wẹ a ghi munọ ọgbagba okuta eha yan egbe nẹ, a ghi vbe mu ọghe erhan ọkpa yan rẹn. Aza ẹguae ọre a ra na viọ igho ne a gha ya ha osa emwi ne a loro hia.

Ẹzra 7:14

Mẹ kevbe iran ne ihinrọn ni gun mwẹ zẹ iro, ọ re ọ giọ wẹ ne u ya gualọ otọ vbene emwi hia ye hẹ vbe Jerusalẹm kevbe Juda, ne u miẹn ehe na rẹn vbe ne iran ya ẹe ru emwi hẹ ighẹ Uhi Osanobua ruẹ ne a ka yọ uẹ obọ.

Ẹzra 8:25

I keghi do mwa avbe esiliva, igoru kevbe emwi ne a ya le evbare ne Ọgbaisi, avbe iran ni gue ẹe zẹ iro, iran ni rre ukpo vbe ehe ne ọ ye, kevbe ne avbe ivbi Izrẹl hẹ rre ne a gha lo vbe Ọgua Osa, I na viọ ne avbe ohẹn.

Psalm 135:21

Wa rho e Nọyaẹnmwa vbe Zaiọn, vbe Jerusalẹm ne owa ẹre. Wa rho e Nọyaẹnmwa!

Psalm 26:8

Owa ne u ye wa yẹ mwẹ Nọyaẹnmwa, ehe ne uyi ruẹ ye.

Psalm 72:10

Avbe ọba e Spen kevbe iran ni rre otọ ne amẹ lẹga gha zẹ ẹfe gie ẹe. avbe ọba avbe Arrebia kevbe Etiopia gha viọ imuohan gie ẹe.

Psalm 76:11

Ha emwi ne u ve, ne Nọyaẹnmwa Osanobua ruẹ; wa ye imuohan gie ẹe wa ne agbọn ẹvbo ni sikẹ edinran.

Psalm 76:2

Ọ mwẹ owa ẹre vbe Jerusalẹm Oke Zaiọn ọrọre ehe ne ọ dia.

Psalm 9:11

Wa so ihuan ghe Nọyaẹnmwa, ne ọ khaemwisẹ vbe Zaiọn! Wa na iyẹn emwi ne ọ ru ma uhunmwu ẹvbo hia!