Ẹzra 7:14 - Edo Bible (E Baibol Ẹdo) Version 1996

¹⁴ Mẹ kevbe iran ne ihinrọn ni gun mwẹ zẹ iro, ọ re ọ giọ wẹ ne u ya gualọ otọ vbene emwi hia ye hẹ vbe Jerusalẹm kevbe Juda, ne u miẹn ehe na rẹn vbe ne iran ya ẹe ru emwi hẹ ighẹ Uhi Osanobua ruẹ ne a ka yọ uẹ obọ.

Ẹzra 7:14 ပူးပေါင်းရင်းမြစ်များ

Ẹzra 1:3

Osanobua ne ọ yaba uwa hia ni re emwa rẹn. Wa ghi do gha rrie Jerusalẹm ne uwa ya dọlegbe bọ Ọgua Osa ọghe Nọyaẹnmwa ne Osanobua Izrẹl, Osanobua ne a go wan vbe Jerusalẹm.

Ẹzra 5:8

“Ma ho ne u rẹn Umogun wẹ ma yo otọ e Juda, ma keghi do miẹn wẹ iran gha dọlegbe bọ Ọgua Osa Osanobua nọkhua nii, iran gha ya avbe okuta nekhua kevbe olila ne a viọ lele ekẹn bọe. Te iran wa mu aro yọ gha ye ifuẹro ru ẹe, ọ hẹko mwẹ iran uhunmwu khian.

Ẹzra 6:12

Te Osanobua ni ne ọ zẹẹ Jerusalẹm wẹ evba ọre a gha na gha ga irẹn, gha guọghọ ẹre arriọba a, ighẹ ọbakọba ne ọ ma zẹ ye ẹmwẹ na, ọ na gha ho ne ọ guọghọ Ọgua Osa ne ọ rre evba a. Mẹ ne Dariọs ọ re ọ ta ẹmwẹ na. Ẹmwẹ ne I tae, ta a gha mu ẹẹn sẹ.”

Ẹzra 6:8

Te imẹ ghi yan tama uwa nian wẹ ne uwa yi iran obọ ya bọe. Igho ne a loro, wa ghi gha rhie igho vbe aza ẹguae vbe igho ne a koko vbe igho uhunmwu vbe otọe orrie Yufretes, ya gha ha ẹre ẹgiẹgiẹ, ne a ghẹ dobọ iwinna ni yi.

Ẹzra 7:15

U ghi viọ ehia gha khian ighẹ emwi izọ ese igoru kevbe esiliva, ne imẹ kevbe iran ni gunmwẹ zẹ iro ya mu ohan gie Osanobua Izrẹl ne Ọgua Osa ẹre rre Jerusalẹm.

Ẹzra 7:28

Vbekpa ẹse ọhẹ Osanobua, I miẹn aro ne ọ maa nẹ vbe obọ ọgbaisi kevbe iran ni gue ẹe ziro, kevbe avbe emwa iwinna ni kọnkọn hia. E Nọyaẹnmwa ne Osanobua mwa rhie igiẹdu mẹ nẹ, I na vbe sẹtin fi eni bun vbe uwu avbe ọkaẹgbẹe Izrẹl ekhọe werrie wẹ ne iran lele mwẹ gha dee.”

Ẹzra 8:25

I keghi do mwa avbe esiliva, igoru kevbe emwi ne a ya le evbare ne Ọgbaisi, avbe iran ni gue ẹe zẹ iro, iran ni rre ukpo vbe ehe ne ọ ye, kevbe ne avbe ivbi Izrẹl hẹ rre ne a gha lo vbe Ọgua Osa, I na viọ ne avbe ohẹn.

Ẹsta 1:14

Iran ne ọ mobọ tie ye egbe iro vberriọ kegha re Kasiena, e Sieta, Admata, e Tasis, e Meres, e Masena, kevbe Memukan — iran ihinrọn ni rre asẹ vbe Pẹsia kevbe Midia emwa ni rre ukpo ni yosẹ vbe otọe arriọba nii.

Aizaia 8:20

Wẹ ghi zẹ wanniẹn iran wẹẹ, “Danmwehọ emwi ne Nọyaẹnmwa ma uwa ẹre! Wa ghẹ danmwehọ avbe iran ni miẹn aro, emwi ne iran ra tama uwa i mwẹ asa ne ọ ye ne uwa.”

Daniẹl 2:47

Ọba keghi kha wẹẹ, “Osanobua ruẹ ọrọre ne ọ kpọlọ sẹ ẹbọ hia, e Nọyaẹnmwa avbe eniyaẹnmwa kevbe ne ọ we oro ua ma emwa.”

Daniẹl 6:20

Ọ ghi sẹ evba nii, ọ keghi ye udu ne ọ ha ọka da tu wẹẹ, “E Daniẹl ọguọmwadia Osanobua ne ọ rrọọ. Osanobua nii ne u ya ekhọe hia gha sẹtin miẹn ruẹn fan vbe obọ avbe oduma ra?”

Daniẹl 6:26

I yii ẹre iyi wẹ la ehe ne otọ arriọba mwẹ sẹe, ehe ne ọ rhanmwẹ, o kere ne emwa hia gha mu ohan ne a vbe gha ya ọghọ ne Osanobua e Daniẹl. “Osanobua ne ọ rrọọ nọ, te ọ khian gha khaemwisẹ ẹdẹdẹmwẹdẹ. A i sẹtin fuẹn arriọba ẹre ẹdẹdẹmwẹdẹ, ẹtin ẹnrẹn i vbe sẹ ufomwẹ ẹdẹdẹmwẹdẹ.

Zẹkaraia 6:10

Ọ wẹẹ, “Viọ emwi ihaoko ọghe iran ni rre iwe ighe Heldai, Tobaija kevbe Jedaia, ne uwa gha rrie owa e Josaia ne ovbi e Zẹfanaia ọwarọkpa. Emwa na hia ke iwe rre nẹ ke Babilọn gha dee.