Ẹzra 7:13 - Edo Bible (E Baibol Ẹdo) Version 1996

¹³ “I tae wẹ ne a gie ivbi Izrẹl ni rre otọe arriọba mwẹ hia, avbe ohẹn kevbe avbe Livai, ni ho hia, lele uẹ gha rrie Jerusalẹm.

Ẹzra 7:13 ပူးပေါင်းရင်းမြစ်များ

II Krọnikol 30:5

iran keghi gie ne a tie ivbi Izrẹl hia kevbe Dan ne ọ rre odẹ ahọ kpao ya sẹ Biẹsiẹba ne ọ rre odẹ ekẹn, ne iran gha die Jerusalẹm ne iran do ru emwiukpo Alagberra zẹ vbene Uhi khare, ne emwa bun sẹ vbene ọ he ka ye de ẹdẹ.

Ẹzra 1:3

Osanobua ne ọ yaba uwa hia ni re emwa rẹn. Wa ghi do gha rrie Jerusalẹm ne uwa ya dọlegbe bọ Ọgua Osa ọghe Nọyaẹnmwa ne Osanobua Izrẹl, Osanobua ne a go wan vbe Jerusalẹm.

Ẹzra 5:13

Ọre ọ ghi na sẹ ukpo ne okaro ne Sairọs ne ọba la ẹkete zẹ vbe ọgbaisi ọghe Babilọn, e Sairọs keghi gie wẹ ne a dọlegbe bọ Ọgua Osa ni.

Ẹzra 6:1

Ẹre Dariọs Nọgbaisi ghi na wẹ ne a gualọ ehe ne a gbẹnnẹ ẹmwẹ ẹguae yi ni rre Babilọn.

Ẹsta 3:15

Zẹ vbene ọba khare, ọ keghi ya ẹmwẹ na wewe vbe Susa ne igiogbẹ ẹvbo ni, iran ni rhulẹ keghi rhie iyẹn ni gha rrie dọmwadẹ iyaẹvbo. Ọba kevbe Haman keghi tota, iran na gha da ayọn, vbene adesẹ ore ẹvbo ni na khian ne a fian otighi fi.

Ẹsta 9:14

Ọba keghi wẹ ne iran ru emwi na, a keghi ya ẹe wewe vbe Susa. A keghi viọ ikun ivbi e Haman igbigbe rrọ ye aza ne emwa miẹn.

Psalm 110:3

Ẹdẹ ne u gha gu avbe eghian ruẹn gbinna, emwa ruẹn gha tobọ iran la igbinna, zẹ vbe evbu owiẹ vbirrivbirri avbe igbama ruẹn gha bu ruẹ gha die uhunmwu oke ne ọ huanrẹn ni.

Psalm 148:6

zẹ vbene ọ tae, a keghi rhie dọmwadẹ ọghọe ye ihe ẹre ọghe etẹbitẹ, iran i sẹtin fieghe uhunmwu.

Daniẹl 6:26

I yii ẹre iyi wẹ la ehe ne otọ arriọba mwẹ sẹe, ehe ne ọ rhanmwẹ, o kere ne emwa hia gha mu ohan ne a vbe gha ya ọghọ ne Osanobua e Daniẹl. “Osanobua ne ọ rrọọ nọ, te ọ khian gha khaemwisẹ ẹdẹdẹmwẹdẹ. A i sẹtin fuẹn arriọba ẹre ẹdẹdẹmwẹdẹ, ẹtin ẹnrẹn i vbe sẹ ufomwẹ ẹdẹdẹmwẹdẹ.

Filipai 2:13

rhunmwuda Osanobua ọre ọ winna vbe uwu uwa ne ọ miẹn ehe na guẹ gha ho, kevbe ne u sẹtin gha ru vbene ọ rre irẹn ekhọe.

Arhie Maan 22:17

Orhiọn kevbe Ọha khare wẹ, “Gha dee!” Ọmwa ne ọ rhirhi họn ẹmwẹ na, ẹ i mwẹ ọ ma kha wẹ, “Gha dee!” Ọmwaikọmwa ne ohanmwẹ amẹ gbe gha dee, do rhie amẹ ẹfe na vbe ọghe ọhẹ, ọmwa ne ọ rhirhi khọn.