Ẹzra 7:12 - Edo Bible (E Baibol Ẹdo) Version 1996

¹² “Atakzaziz ne Ọgbaisi ọ re ọ gbẹnnẹ avbe ẹmwẹ na gie Ẹzra ne ohẹn ne ọ vbe re ọrẹnbe ọghe Uhi e Nọyaẹnmwa ne Osanobua Ẹrinmwi.

Ẹzra 7:12 ပူးပေါင်းရင်းမြစ်များ

I Ọba 20:1

E Benhadad ne ọba e Siria keghi si ivbi iyokuo ẹre hia koko. Enigie eva yan ọgban ọvbehe keghi lele ẹe, iran kevbe ẹsin kevbe ikẹkẹ okuo iran, ọ keghi ladian, ọ tan obọ khinkhian e Sameria, ọ na suẹn gha guẹ khọn.

I Ọba 4:24

E Solomọn kegha khaemwisẹ yan otọe ni rre orrie Ẹzẹ Yufretes hia kevbe Tifsa vbe Yufretes ya sẹ ẹvbo e Gaza vbe orrie ne gbaan. Avbe ọba hia ni rre odẹ orrie ọghe Yufretes kegha ga gie ẹe, rẹn vbe ẹvbo ni lẹga ẹre hia keghi gba gha rrọ vbe ọfumwegbe.

Ẹzra 1:2

“Ẹmwẹ ne Sairọs ne Ọgbaisi ọghe Pẹsia tae ọ re ọna khin, E Nọyaẹnmwa ne Osanobua ọghe Ẹrinmwi ọre ọ ya mwẹ ru nọ khaemwisẹ yan uhunmwu otọ agbọn hia, ọ kevbe ya ẹe wa iwinna mẹ wẹ ne I bọ Ọgua Osa ne irẹn vbe Jerusalẹm ne ọ rre Juda.

Ẹzra 4:17

Ọgbaisi keghi rhie ewanniẹn na gie iran: “E Rehum ne ne ọ khaemwisẹ, e Simsiai ne ọgbenbe ẹvbo, e Sameria kevbe otọe nekpa vbe odẹ Orrie ọghe Yufretes, I giotuẹ uwa.

Ẹzra 7:1

Vbe ukpo ni bun vbe iyeke ọnọna, vbe ẹghẹ ne Atakzaziz na gha re Ọgbaisi ọghe Pẹsia, okpia ọkpa kegha rrọọ ne a tie ẹre Ẹzra, ovbi uniẹn Errọn ne Ogie Ohẹn ọre ọ ka egbe ẹre lae vbe nian: Ẹzra kegha re ovbi e Seraia, ne ovbi Azaraia, ne ovbi e Hilkaia,

Ẹzra 7:11

Avbe ebe emwamwa ne Ọgbaisi Atakzaziz viọ ne Ẹzra ne ohẹn kevbe ọrẹnbe, ọ re ena khin, ọmwa ne ọ wa vbe rẹn ọnrẹn ẹsẹse ighẹ avbe uhi kevbe iyi ne Nọyaẹnmwa viọ ne ivbi Izrẹl.

Ẹzra 7:6

Ẹzra kegha re ọgbẹn ebe ne ọ wa rẹn ọnrẹn ẹsẹse ighẹ Uhi ne Nọyaẹnmwa ne Osanobua Izrẹl rhie ne Mosis. Rhunmwuda ne afiangbe Nọyaẹnmwa ne Osanobua ẹre na gha rre Ẹzra egbe, Nọgbaisi keghi wa viọ emwi hia ne ọ nọrẹn ne ẹẹn. Ọ ghi rre ukpo ihinrọn ne Atakzaziz la ẹkete, Ẹzra keghi viọ ivbi Izrẹl eso ba egbe ke Babilọn gha die Jerusalẹm, avbe ohẹn eso kevbe Livai, avbe ọsian Ọgua Osa, iran ni khẹ Ọgua Osa kevbe emwa ni winna eso kegha rre nene usun.

Aizaia 10:8

Rẹn keghi rhuọ wẹẹ, “Ọba ọ re ọkpọkpa vbe uwu avbe ọkaokuo mwẹ khin!

Ezikiẹl 26:7

E Nọyaẹnmwa ne Udazi khare wẹẹ, “I ra mu ọba ne ọ ghi wegbe sẹ ehia, ighẹ e Nebukiadneza ne ọba e Babilọn rre ne ọ do khọn e Taia. Ọ gha ke odẹ okuọ rre ke irẹn kevbe ivbiyokuo nibun kevbe avbe ẹsin deba avbe iran ni hin ẹsin.

Daniẹl 2:37

U gha tọ u kpẹre, Umogun, wẹ ọrọre ne ọ ghi kpọlọsẹ vbe uwu avbe ọha hia. Osanobua ne ọ rre ẹrinmwi ọ re ọ ma uwẹ ọgbaisi, ọ keghi rhie ẹtin kevbe iwegbe kevbe uyi nuẹn.

Daniẹl 2:47

Ọba keghi kha wẹẹ, “Osanobua ruẹ ọrọre ne ọ kpọlọ sẹ ẹbọ hia, e Nọyaẹnmwa avbe eniyaẹnmwa kevbe ne ọ we oro ua ma emwa.”

I Timoti 6:15

Osanobua gha ruẹe ne ọ ye egbe ladian, vbe ẹghẹ ne ọ kei yi, rẹn ne ọ re Nọkhaemwisẹ ọkpa kẹkan, ne a fiangbe. Ọba iran ne ọba kevbe Nọyan iran ne ni yan ẹvbo.

Arhie Maan 17:14

Iran gha gu Oteghe Ohuan nii gbinna, sokpan Oteghe Ohuan nii ke ẹe kevbe emwa rẹn ne a tie re, kevbe ne a hannọ zẹ, iran ni ya ẹko ata lele ẹe khian, gha khọn iran muotọ, rhunmwuda rẹn ọrọre Nọyan eniyaẹnmwa kevbe Ọba iran ne ọba.”

Arhie Maan 19:16

A keghi gbẹnnẹ avbe ẹmwẹ na ye ẹwu ne ọ yọe kevbe owẹ ọre wẹẹ, “Ọba avbe iran ne ọba kevbe Nọyan iran ni yaẹn emwa.”