Ẹzra 7:10 - Edo Bible (E Baibol Ẹdo) Version 1996

¹⁰ Te Ẹzra wa mu aro ye ẹmwẹ nene uhi e Nọyaẹnmwa ne a ruẹ, kevbe ne a ya ruemwi kevbe ne ọ gha ma ivbi Izrẹl ne uhi kevbe ilele ni rrọọ.

Ẹzra 7:10 ပူးပေါင်းရင်းမြစ်များ

I Krọnikol 29:18

E Nọyaẹnmwa ne Osanobua avbe erha mwa odede, Ebraham, Aizik kevbe Jekọb, gie ekhọe ne a ya ga vberriọ gha digiẹ yọ vbe uwu emwa ruẹn rhinrin, ne u gie ekhọe iran gha la ghe ọwuẹ vbe ẹghẹ hia.

II Krọnikol 12:14

Emwi dan ọ re ọ ru rhunmwuda, ọ ma zẹdẹ gbẹn odẹ ghe iho e Nọyaẹnmwa.

II Krọnikol 19:3

Sokpan ọ rhe yerriọ, emwi eso rrọ ne u na vbe maa. U viọ amazẹ Asiẹrra ne ẹbọ ne okhuo kua, u keghi hia ne u gha ru vbene Osanobua ho.”

II Krọnikol 30:22

E Hẹzekaia ne Ọba keghi tian avbe Livai ye iguemwi ne iran ya ru ugamwẹ e Nọyaẹnmwa.

Ẹzra 7:11

Avbe ebe emwamwa ne Ọgbaisi Atakzaziz viọ ne Ẹzra ne ohẹn kevbe ọrẹnbe, ọ re ena khin, ọmwa ne ọ wa vbe rẹn ọnrẹn ẹsẹse ighẹ avbe uhi kevbe iyi ne Nọyaẹnmwa viọ ne ivbi Izrẹl.

Ẹzra 7:25

“Wẹ ne Ẹzra, u ghi lo ẹwaẹn ne Osanobua ruẹ rhie nuẹn, ne u zẹ iran ni khaemwisẹ kevbe ni bu ohiẹn, ne iran gha gbearoghe avbe emwa hia ni lele Uhi Osanobua ruẹ ru emwi vbe odẹ Orrie e Yufretes. U ghi ma iran hia uhi nii ighẹ avbe emwa ni ma he te ka rẹn ọnrẹn.

Ẹzra 7:6

Ẹzra kegha re ọgbẹn ebe ne ọ wa rẹn ọnrẹn ẹsẹse ighẹ Uhi ne Nọyaẹnmwa ne Osanobua Izrẹl rhie ne Mosis. Rhunmwuda ne afiangbe Nọyaẹnmwa ne Osanobua ẹre na gha rre Ẹzra egbe, Nọgbaisi keghi wa viọ emwi hia ne ọ nọrẹn ne ẹẹn. Ọ ghi rre ukpo ihinrọn ne Atakzaziz la ẹkete, Ẹzra keghi viọ ivbi Izrẹl eso ba egbe ke Babilọn gha die Jerusalẹm, avbe ohẹn eso kevbe Livai, avbe ọsian Ọgua Osa, iran ni khẹ Ọgua Osa kevbe emwa ni winna eso kegha rre nene usun.

Job 11:13

“Dọlọ ekhọe ruẹ yi e Job, sua owẹ sẹ ehe ne Osanobua ye.

Psalm 1:2

Sokpan, ẹko iran ghi gha rhiẹnrhiẹn ye Uhi e Nọyaẹnmwa ne a mu sẹ, iran ghi vbe gha ruẹ ọre, avan kevbe asọn.

Psalm 10:17

E Nọyaẹnmwa, wẹ gha họn erhunmwu avbe ọmẹhẹ, u gha rhie igiẹdu ne iran.

Psalm 119:112

I tae nẹ ighe te I ra gha lele iyi ruẹ ya sẹ ẹdẹ ne I gha wu.

Psalm 119:45

Mẹ gha rrọọ, zẹ vbe ọmwa ne ọ yan egbe ẹre rhunmwuda mẹ hia ne I gha mu iruẹmwi ruẹn sẹ.

Psalm 19:7

Te uhi e Nọyaẹnmwa wa gba te ọ rhie ẹtin ọgbọn ye ọmwa iwu. Iyi e Nọyaẹnmwa gia mu ẹtin yan, te ọ rhie ẹwaẹn ne iran ne ẹi te mwẹ.

Psalm 57:7

Mẹ mwẹ a mu ẹtin yan fẹfẹẹfẹ, Osanobua I gha so ihuan I gha vbe rho ruẹ.

Malakai 2:7

Iwinna avbe ohẹn nọ ne iran ma emwa irẹnmwi ẹmwata ọghe Osanobua. Te ọ kere ne emwa gha bu iran yo ne iran ya gha ruẹ emwi ne I ho, rhunmwuda iran ọrọre ukọ ọghe Nọyaẹnmwa ne Oghodua.

Matiu 5:19

Rhunmwuda ọnii, ọmwaikọmwa ne ọ rra ọkpa ne ọ kanmwa sẹ vbe uwu avbe Uhi na, ọ na vbe ma emwa ọvbehe re ne iran ru vberriọ, rẹn ọre ọ gha re ne ọ kanmwa sẹ vbe Arriọba ẹrinmwi. Odẹ nogieva, ọmwaikọmwa ne ọ mu avbe uhi na sẹ, ọ na vbe ma emwa ọvbehe re ne iran ru vberriọ, rẹn ghi gha re ne ọkpọlọ ẹsẹse vbe Arriọba ẹrinmwi.

Matiu 7:24

“Rhunmwuda ọnii, ọmwaikọmwa ne ọ họn ẹmwẹ mwẹ na, ọ na vbe yae gha yin, I gha yae gie umẹwaẹn ọkpa ne ọ bọ owa yan okuta.

Iyẹn ne ọ Maan Ọghe Jọn 13:17

Wa rẹn ẹmwata ne ọ rrọọ nẹ nian. U miẹn vbe agbọn uwa gha rhiẹnrhiẹn hẹ deghẹ wa rhie obọ lele ẹe ya gha yin.

Iwinna 1:1

Tiofilọs ne ọ ghan: Vbe ebe ne I ka gbẹn guẹ, I ya unu kan ẹmwẹ emwi ne Jesu gha ru kevbe ne ọ vbe gha ma emwa ẹre ke ẹdẹ ne ọ suẹn iwinna.

Diuteronomi 16:12

Yerre ighẹ eviẹn wa te gha khin vbe Igipt, rhunmwuda ọnii, wa ghẹ gia miẹn ighẹ wa ma ya avbe uhi na ru emwi.

Diuteronomi 33:10

Iran gha ma emwa ruẹn re ne iran gha ya uhi ru emwi, iran gha zọ ese vbe aka ruẹ.

I Timoti 3:2

Ọ kere ne Ọkaolotu esọsi gha re ọmwa ne ẹ i mwẹ abaku ru, ọ ghi gha mwẹ okhuo ọkpa kẹkan, ọ ghi gha re ọmwa ne aro hianrẹn, kevbe ne ọ rẹn enegbe, kevbe ne ọ ru emwi uhẹn uhẹn, ọ ghi gha miẹn avbe erhunmwuyẹn yi vbe owa ẹre, ọ ghi sẹtin gha ma emwa emwi.

II Timoti 4:2

Gha kpe orhu nene ẹmwẹ, mu yan rẹn wẹ, ne a gha ta ẹe, deghẹ ẹghẹ ke yọ, ra ọ ma ke yọ ne u gha yae la emwa ekhọe, ne u gha gu ọmwa gui, ne u gha rhie igiẹdu ne emwa, kevbe ne u gha ye i ziengbe ma emwa emwi.

Taitọs 2:1

Sokpan, wẹ ghi gha ma emwa emwi zẹ vbene iruẹmwi ne ọ gbae kha re.

Taitọs 2:15

Gha ma emwa avbe emwi na hia, vbe gha lo asẹ hia ne ọ gu ẹe vbe uwu ẹghẹ ne u na rhie igiẹdu ne iran, kevbe ne u na vbe gu iran gui hin ọkhọ rre, ighẹ iran ni danmwehọ ruẹ. Ghẹ gie ọmwa rhọkpa vbe uwu iran ye aro gue uẹ re.

Arhie Maan 22:14

Ọ maa ne iran ni họ ẹmwẹ iran huan sẹrriọ ne iran ghi na mwẹ ẹtin, ne iran gha ya re vbe ọmọ ne erhan ẹfe ni mọẹn, kevbe ne iran vbe la onurho la ẹvbo nii.

I Samuẹl 7:3

E Samuẹl keghi tama ivbi Izrẹl wẹẹ, “A deghẹ te uwa ghi ra ya ekhọe uwa hia dọlegbe bu e Nọyaẹnmwa gha dee nian, wa ghi viọ avbe ẹbọ ẹrrẹe kevbe amazẹ ọghe Astat ne ẹbọ ne ọkhua, ni gue kua. Wa ye egbe uwa hia fi ohan ne Nọyaẹnmwa, ne uwa vbe gha ga irẹn ọkpa, rẹn ghi do miẹn uwa fan hin obọ ẹtin emwa Filistin rre.”