Ẹzra 6:6 - Edo Bible (E Baibol Ẹdo) Version 1996

⁶ E Dariọs ne ọgbaisi keghi rhie ewanniẹn na gie iran: “Tatenai nọ khaemwisẹ otọe orrie Yufretes, Sieta Bozenai, kevbe emwa ni rre asẹ ne ihua a vbe odẹ orrie Yufretes. “Wa ke ẹmwẹ Ọgua Osa ladian.

Ẹzra 6:6 ပူးပေါင်းရင်းမြစ်များ

Gẹnẹsis 32:28

Okpia nii keghi kha wẹẹ, “A i ghi ra tie eni ruẹn Jekọb ọvbehe. U gu Osanobua kevbe emwa nagbọn suan nẹ, obọ ruẹ keghi ke okhunmwu, rhunmwuda ọnii eni ruẹn ọ re ọ ghi gha re Izrẹl.”

Gẹnẹsis 43:14

Osanobua Noghodua ne ọ gie okpia nii tohan uwa, ne ọ miẹn ehe na rhie ọtẹn uwa nokpia kevbe Bẹnjamin ne uwa. Zẹvbe ọghomwẹ mwẹ, a deghẹ te a ghi wẹ ne emọ gha wu mwẹ, a gie iran gha wu mwẹ.”

Ẹzra 4:9

“E Rehum ne ne ọ khaemwisẹ, e Simsiai ne ọgbenbe ẹvbo, iran ne iho mwa kevbe iran ni bu ohiẹn, kevbe avbe emwa ọvbehe ni rre asẹ, avbe emwa ni ke Erek rre, kevbe Babilọn kevbe Susa vbe otọ Ẹlam.

Ẹzra 5:3

Uhin vbe ọwarọkpa nii, ọ re Tatenai ne Ne ọ khaemwisẹ otọe Orrie Yufretes, e Sieta Bozenai kevbe avbe emwa ni rre asẹ ne ihua iran, na gha die Jerusalẹm, iran keghi nọ wẹẹ, “Gha ọ rhie asẹ ne uwa ya bọ Ọgua Osa na, kevbe ne uwa vbe viọ emwi hia yọ?”

Ẹzra 5:6

Ebe ne iran gbẹn ya tama nọgbaisi ọ re ọ na khin:

Ẹzra 6:13

Ẹkpo nii, Tatenai ne Ne ọ khaemwisẹ, e Sieta Bozenai kevbe avbe ihua iran ni rre asẹ keghi wa ru zẹ vbene enọgbaisi khare.

Ẹzra 6:7

Wa ghẹ zẹdẹ guan kan ẹmwẹ ubọmwẹ ọnrẹn, wa gie nọ khaemwisẹ e Juda kevbe avbe ọkaolotu avbe Ju dọlọ bọ Ọgua Osa Osanobua ye ehe ne ọ ka gha ye yi.

Nehimaia 1:11

Rhunmwuda ọnii họn erhunmwu mwẹ kevbe ọghe eguọmwadia ruẹ nekpa ni yọghọ ne uẹn. Rhie ọdunna mẹ ẹrẹna, nẹ u gie ọgbaisi tohan mwẹ.” Vbe ẹghẹ nii, mẹ ọrọre ne ọ sa ayọn ne ọgbaisi.

Psalm 76:10

Te ohu ne emwa nagbọn mu, dọlegbe rhie urhomwẹ ne uẹn sayọ, iran ni miẹn uhunmwu vbe okuo nii gha ru emwi ukpo ruẹ.

Itan 21:1

Vbene ẹ i lọghọ e Nọyaẹnmwa vbe ọ gha ta ehe ne ẹzẹ gha lẹ la, erriọ ẹre ẹ i vbe lọghọ vbe ọ a gha dia ekhọe ọba ye odẹ.

Itan 21:30

Ẹwaẹn ọmwa nagbọn, aguẹmwẹ, a ghe umian emwi sotọ, ena rhọkpa imwẹ asa ne iran ye adeghẹ e Nọyaẹnmwa mu aro da ọmwa.

Aizaia 27:8

Te Nọyaẹnmwa rri emwa rẹn oya vbene ọ na hẹ iran gha rrie iwe. Okpẹhoho dan ne ọ ke ọlarre ovẹn rre, ọ re ọ ya hẹ iran kpao.

Ebe ne Pọl gbẹẹn gie emwa Rom 8:31

Ugbẹn vbe a ghi miẹn nian wẹ erriọ ọre emwi hia ye, vbe ima gha ghi kha hẹẹ? Deghẹ ma ọre Osanobua deba, de ọmwa ne ọ gha sẹtin mu aro da ima?