Ẹzra 6:4 - Edo Bible (E Baibol Ẹdo) Version 1996

⁴ Vbene a ra ya gbe ekẹn ọnrẹn ọrọre wẹ a ghi munọ ọgbagba okuta eha yan egbe nẹ, a ghi vbe mu ọghe erhan ọkpa yan rẹn. Aza ẹguae ọre a ra na viọ igho ne a gha ya ha osa emwi ne a loro hia.

Ẹzra 6:4 ပူးပေါင်းရင်းမြစ်များ

I Ọba 6:36

A keghi vbe bọ ọgua ne ọ ke uwu ẹre ye odaro Ọgua Osa, a na gbe ekẹn lẹga ẹre, ekẹn na, a gha viọ okuta eha yan egbe nẹ, a ghi vbe mu ekpatako isida yan rẹn.

Ẹzra 3:7

Emwa nii keghi zẹ igho ne a ha ne iran ni ya okuta bọ owa kevbe avbe owinna, iran keghi vbe ni evbare kevbe ayọn kevbe ofigbọn oliv, ne a viọ gha rrie Taia kevbe vbe Saidọn, ne a ya dẹlẹ erhan vbe ẹgbo e Lebanọn, kevbe ne a vbe guae la okun gha rrie Jopa. E Sairọs ne ọgbaisi ọghe Pẹsia kue yọ nẹ, a kegha ru avbe emwi na hia.

Ẹzra 5:8

“Ma ho ne u rẹn Umogun wẹ ma yo otọ e Juda, ma keghi do miẹn wẹ iran gha dọlegbe bọ Ọgua Osa Osanobua nọkhua nii, iran gha ya avbe okuta nekhua kevbe olila ne a viọ lele ekẹn bọe. Te iran wa mu aro yọ gha ye ifuẹro ru ẹe, ọ hẹko mwẹ iran uhunmwu khian.

Ẹzra 6:8

Te imẹ ghi yan tama uwa nian wẹ ne uwa yi iran obọ ya bọe. Igho ne a loro, wa ghi gha rhie igho vbe aza ẹguae vbe igho ne a koko vbe igho uhunmwu vbe otọe orrie Yufretes, ya gha ha ẹre ẹgiẹgiẹ, ne a ghẹ dobọ iwinna ni yi.

Psalm 68:29

Ke Ọgua Osa ruẹ ne ọ rre Jerusalẹm gha dee, ehe ne avbe ọba na viọ imuohan guẹ.

Psalm 72:10

Avbe ọba e Spen kevbe iran ni rre otọ ne amẹ lẹga gha zẹ ẹfe gie ẹe. avbe ọba avbe Arrebia kevbe Etiopia gha viọ imuohan gie ẹe.

Aizaia 49:23

Avbe ọba ghi ye vbe erha nuẹn avbe oloi ghi yevbe iye uẹ iran gha ghughẹrre vbe odaro ruẹ ya ya ọghọ ne uẹn. Ẹghẹ nii wẹ gha rẹn wẹ mẹ ọrọre Nọyaẹnmwa, ọmwaikọmwa ne ọ rhie aro ye odẹ khẹ iyobọ mwẹ, ne ọ gha gbe ima rẹn i rrọọ.”

Arhie Maan 12:16

Sokpan otọ keghi ye okhuo ni obọ, ọ rhan unu, ọ keghi mi amẹ ne ọ ke unu Ugbogiorinmwi nii ladian re.