Ẹzra 6:22 - Edo Bible (E Baibol Ẹdo) Version 1996

²² Iran keghi ya ikpẹdẹ ihinrọn ghọghọ oghọghọ nọkhua ru Emwiukpo Ebrẹd Ne ọ ma hue. iran kakabọ ghọghọ rhunmwuda, e Nọyaẹnmwa keghi ru ẹe ne Ọgbaisi Asiria gha ru iran ẹse, sẹrriọ wẹ ọ na kakabọ ye iran obọ vbe iran bọ Ọgua Osa ọghe Osanobua Izrẹl.

Ẹzra 6:22 ပူးပေါင်းရင်းမြစ်များ

II Ọba 23:29

Ẹghẹ ne Josaia na gha re ọba, e Nẹko ne ọba Igipt keghi viọ ivbi iyokuo gha rrie Yufretes ne ọ ya ru iyobọ ne ọba nọkhua ọghe Asiria. E Josaia ne ọba keghi hia ne ọ degbe ivbi iyokuo Igipt odẹ vbe Mẹgido. Iran keghi gbe ẹe rua vbe okuo.

II Krọnikol 23:18

E Jehoiada keghi mu iwinna ni rre Ọgua Osa ne avbe ohẹn kevbe avbe Livai. Iran ghi gha winna avbe iwinna ne ọba Devid wa ne iran, iran ghi vbe giẹn avbe emwi ne a ya zọ ese ghe Nọyaẹnmwa, zẹ vbene Uhi e Mosis muẹn ye otọ. Iran ọ re ọ vbe yan iwinna ẹgiọn kevbe emaba ne a kpee kevbe avbe ugie ne a do.

II Krọnikol 29:30

Ọba kevbe avbe iran ne ọkaolotu ẹvbo nii keghi tama avbe Livai ne iran so ihuan urhomwẹ ne Devid kevbe Asaf ne akhasẹ gbẹnnẹ, ghe Nọyaẹnmwa. Emwa hia keghi ye ẹko rhiẹnrhiẹn mwẹ gha so ihuan ghe Nọyaẹnmwa vbe ehe ne iran na diguẹ nii, iran na ga Osanobua.

II Krọnikol 30:21

Iran ni si koko ye Jerusalẹm keghi ya ikpẹdẹ ihinrọn ru Emwiukpo Ebrẹd Ne ọma hue ke iran kevbe ẹko nọ rhiẹnrhiẹn ẹsẹse, avbe Livai kevbe avbe ohẹn kegha ya ẹtin iran hia rho e Nọyaẹnmwa ẹdẹgbegbe.

II Krọnikol 33:11

Rhunmwuda ọnii, e Nọyaẹnmwa keghi fan obọ ẹre ne ivbiyokuo Asiria ne iran mu okuọ la e Juda. Iran keghi khọn mu e Manasẹ, iran na halọ ẹghọ ye ọre egbe, iran na ya ọgiọrọ rrọ ẹre, iran na muẹn gha rrie Babilọn.

II Krọnikol 35:17

Ivbi Izrẹl ni rre evba hia keghi ya ikpẹdẹ ihinrọn ru emwiukpo Alagberra kevbe ọghe Ebrẹd Ne ọma hue.

Ẹzra 1:1

Vbe ukpo ne okaro ne Sairọs ya gha re ọgbaisi e Pẹsia, e Nọyaẹnmwa keghi ru ẹe ne ẹmwẹ ne ọ la unu e Jerimaia ne akhasẹ ta do sẹ. Ọ keghi rhie ẹre ye Sairọs ekhọe, ne ọ ta ẹmwẹ na ladian, kevbe ne ọ gbẹnnẹ ọẹn ne a vbe tie ẹre ne emwa hia vbe otọe arriọba ẹre hia wẹẹ,

Ẹzra 6:1

Ẹre Dariọs Nọgbaisi ghi na wẹ ne a gualọ ehe ne a gbẹnnẹ ẹmwẹ ẹguae yi ni rre Babilọn.

Ẹzra 7:27

Ẹzra keghi kha wẹẹ, “Wa rho e Nọyaẹnmwa ne Osanobua avbe erha mwẹ odede. Ọ ru ẹe ne ọgbaisi ya ọghọ ne Ọgua Osa e Nọyaẹnmwa ne ọ rre Jerusalẹm vbenian.

Nehimaia 13:6

Ẹghẹ ne emwi na ya sunu, mẹ i rre Jerusalẹm rhunmwuda, vbe ukpo ne ọ huẹre eva yan ọgban ne Atakzaziz ya gha re ọba e Babilọn, mẹ werriegbe gha khian ya na iyẹn ma rẹn. Ọ ghi kpee fua kherhe,

Itan 16:7

U gha ru vbene ọ yẹ Nọyaẹnmwa, u gha sẹtin ya avbe eghian ruẹn khian ọse.

Itan 21:1

Vbene ẹ i lọghọ e Nọyaẹnmwa vbe ọ gha ta ehe ne ẹzẹ gha lẹ la, erriọ ẹre ẹ i vbe lọghọ vbe ọ a gha dia ekhọe ọba ye odẹ.

Ezikiẹl 23:23

I gha viọ ehia gha dee, ivbi e Babilọn kevbe Kialdia, ivbi Pekọd, e Sioa kevbe Koa kevbe ivbi Asiria hia. I gha si iran koko ighe avbe igbama ne lọgiọlọgiọ ne a biẹlẹẹ ye uwa nii, kevbe avbe ivbiyokuo, avbe ekaokuo ni rre ukpo ni yo nii kevbe ekaokuo ni hin ẹsin.

Matiu 26:17

Vbe ikpẹdẹ ne okaro ọghe Emwiukpo Eka Ne ọ ma hue, avbe erhuanegbe bu Jesu gha dee do nọ rẹn wẹẹ, “De ehe ne u ho ne ima na mu egbe evbare ota Alagberra ye otọ khẹ ruẹ?”

Iyẹn ne ọ Maan Ọghe Jọn 19:11

Jesu wanniẹn tama rẹn wẹ, “Akpawẹ Osanobua ma rhie ẹtin na nu ẹn, u i ghẹ gha mwẹ asẹ rhọkpa vbe egbe mwẹ. Rhunmwuda ọnii, ọmwa ne ọ mu mwẹ guẹ ọre ọ rri abe ne ọ sẹre.”